صدفه مجنونه الجزء الاول بقلم زهرة الربيع

#الجزء_الاول_صدفه_مجنونه
عايزه اخون جوزي يعني عايزه انام معاك اقضي ليله معاك ايه كل ده ومفهمتش 
اتسعت عنيه بزهول وقال ..انتي واضح كده انك مجنونه..عقلك مش تمام..ارجعي بيتكم  ومتتكلميش مع حد هنا  احسنلك

بصتلو بضيق وقالت بسخريه..ايه مش هتقدر ولا ايه

قال بضيق..يا شاطره انتي مش في وعيك امشي من هنا ...خطړ عليكي

البنت قالت بتريقه..اخيييي على كده...رجاله اخر زمن..بقى واحده مزه زيي تتحايل عليك وانت الي مترضاش..لكون معجبتكش

قال بدهشه..لا ده انتي متقله العيار على الاخر..انتي شاربه ايه

البنت قالت بسخريه ..امممم..شكلي اخترت الشخص الغلط... عن اذنك

شرب الكاس الي في ايده وبص لطيفها باستغراب 
وقف جمبو شاب و قال.. مين البنت الي كانت بتكلمك دي يا عمار

عمار قال باستغراب..مش عارف ياسيف ..بنت غريبه لبسها غريب وكلامها اغرب ..لابسه فستان فرح وقفت جمبي وقالتلي عايزه تقضي ليله معايا تخيل

سيف قال بزهول..نعم قالت ايه

عمار قال بسخريه..زي ما سمعت..هو انا عرفت ستات شمال بعدد شعر راسي  بس مش للدرجه الصريحه دي

سيف ضحك وقال...تلاقيها متقله في الشرب  شويه

عمار قال..لا يا معلم دي شكلها هربانه من فرحها لسه بالفستان ومفيش حد معاها

في واحده من الحواري الفقيره واقفه ست في نص الشارع وبتلطم وبتصوت وبتقول...ياخرااابي يا نعيم يا خړابي البت هربت..هربت وڤضحتنا بقت بجلاااااجل يا لااااااهوي

نعيم قال..با وليه كفايه صويت  حرام عليكي ياصباح  الشويه الي محضروش الفرح عرفتيهم والي شاكك اتأكد

صباح قالت ببكا..وهو فيه حد معرفش كلها عرفت يا مصييييبتي

اتقدم شاب في العشرينات بجسم قوي وملامح جميله وقال پغضب...هلاقيها يا خالتي ..هلاقيها وهخليها تقول حقي برقبتي..مبقاش عرفه الصباغ لو ماجبتها تحت رجليا تترجاني اسامحها علشان تعرف تهرب مني بنت الكل،ب

بقلمي ...زهرة الربيع