قص حب مجهول الهويه البارت12 بقلمي ملك إبراهيم.
انت في الصفحة 1 من 3 صفحات
الحلقة_12 هدية لمتابعيني
حب_مجهول_الهوية
بقلم_ملك_إبراهيم
بص ل شاكر وبسمه وقال والفلوس اللي انا دفعتها دي كانت هديه للمولود الجديد.
شاكر ابتسم بسعادة وقال والله انت باشا ومفيش منك.
اتغظت اكتر ولسه هتكلم لكن طارق مسك ايدي وضغط عليها وقالي بهمس وهو بيبصلي بتحذير لو اتكلمتي اي كلمة تاني انا هسكتك بطريقتي مفهوم..
بصتله پصدمة وبسمه حست بالاحراج وقالت لجوزها يلا ياشاكر خلينا نجهز حاجتنا ونمشي ونسيب العرسان برحتهم.
اټصدمت من كلام بسمه وسألت نفسي يعني ايه هيسبونا لوحدنا!!
بسمه قربت مني وحضنتني وقالت مبروك يا احلام.. بس انا زعلانه منك لانك محكتيش ليا عن علاقتك بيه.. بس مش مهم المهم انه جه واتجوزك ودلوقتي همشي وانا مطمنه عليكي.
هزت راسها وقالتلي وانتي كمان خلي بالك من نفسك.
ومشيت هي وجوزها ومعاهم المحامي بتاع طارق ومدير اعماله واتقفل باب الشقة علينا انا وطارق واحنا لوحدنا!!
كنت واقفه مكاني متوتره ومش عارفه ايه اللي المفروض هيحصل وايه اللي طارق هيطلبه مني بعد كل اللي عمله معايا!
جسمي ارتعش جامد وبصيت له بتوتر وقولتله عايز ايه يعني
ضحك من قلبه وقالي تفتكري انا هكون عايز ايه!
بصيت حواليا پخوف وانا بهمس لنفسي لا مستحيل اللي هو عايزه ده يحصل.
ضحك اكتر واخدني في حضنه اټصدمت وجسمي كله اتجمد وهو همس بحنان انا اسف لاني مقدرتش اكون جنبك في اصعب وقت في حياتك.. صدقيني كان ڠصب عني.
بكيت كتير وخرجت كل الۏجع اللي كان جوايا وهو كان بيضمني بحنان ويشجعني اخرج كل اللي جوايا.
اتكلمت وانا ببكي وقولتله انا فعلا كنت محتجالك اوي.. كنت بسأل نفسي كل لحظة انت ازاي تسيبني في وقت زي ده!
بعد عني وهو بيبصلي بنظرات عينيه اللي كلها حنان وحب ولهفة وقالي انا اسف صدقيني كان ڠصب عني انا حاولت اعمل المستحيل عشان ارجع واكون جنبك اول لما عرفت الخبر.
بص حواليه واتكلم بهدوء انتي طبعا مش هينفع تعيشي هنا لوحدك.. انا هاخدك تعيشي معايا في بيتي.
رديت بنبرة حادة ومن غير ما افكر وقولتله
