الضحك الهستيري كاملة

فوقت أخيرا بعد غيبوبة دامت حوالي ١٥ سنة كان كله فاقد الأمل إني أفوق ومع ذلك سابوني ع الأجهزة لاحظت إن كل الي شغالين في المستشفى ناس كبيرة مفيش شباب! مركزتش في الموضوع ده كتير كنت بحاول أركز في الي حصلي محدش توقع إن حاډثة عربية ممكن تسبب غيبوبة لفترة كبيرة زي دي! الفترة الي كان المفروض إني أعيش أحسن سنين حياتي فيها.. من شاب عنده ٢٣ سنة لراجل المفروض متجوز ومخلف عنده ٣٨ سنة بس للأسف معملتش حاجة من دول.

بس دي مكنتش المشكلة المشكلة إني اكتشفت إني خسړت كل فرد في عيلتي متبقاش منهم حد غير عمي الي فضل محافظ على بقائي تحت الأجهزة الفترة دي وبيدفع مصاريف المستشفى وكنت ممنون ليه جدا بس لما خرجت من المستشفى اضطريت أقعد لوحدي عشان متقلش على عمي أكتر من كده.
أخدت منه مفاتيح شقتنا الي محدش ډخلها من 3 سنين تقريبا لما خرجت من المستشفى ومشيت في الشوارع اكتشفت إن العالم أتغير تماما الشوارع المواصلات طريقة لبس الناس الدنيا بقت متقدمة بطريقة مرعبة هو اه لسه موصلناش للعربيات الي بتطير بس أنا فاكر قبل الغيبوبة مكنش موضوع الموبايلات منتشر بالطريقة الرهيبة دي كل واحد ماسك في أيده موبايل وكإنه جزء منه.
بغض النظر عن كل مظاهر التطور الي شوفتها بس الشيء الي لاحظته وكنت معجب بيه جدا الناس الناس بقت لطيفة جدا بشوشة بشكل ملحوظ ودايما بيضحكوا وخصوصا الشباب مبقوش ياخدوا الحاجة على صدرهم زي ما بنقول بيضحكوا دايما حتى لو في مشكلة بسيطة بيعدوها ويضحكوا بكل بساطة الموضوع ده كان مفرحني جدا.
لحد اليوم الي نزلت فيه عشان أدور على شغل وانا ماشي شوفت ست كبيرة بتعدي الطريق كان في عربية بتتحرك بسرعة حاولت أنده عليها أحذرها بس ملحقتش عشان.. العربية كنت خبطتها جسمي اتنفض من المشهد جريت عليها لقيت الست واقعة وطالع منها تأوهات ألم كانت حالتها شكلها صعبة كنت لسه هسأل لو حد معاه عربية أو نوقف تاكسي عشان نلحقها وكنت متوقع طبعا اللمة الي حصلت حواليا لإن ده الطبيعي في المواقف الي زي دي بس الي مكنش طبيعي الي شوفته بيحصل منهم!
الناس الي كانت ملمومة مكنوش خايفين ع الست الناس كانت واقفة تضحك! استغربت من الي شوفته حواليا كلهم واقفين يضحكوا صړخت فيهم..
أنت بتضحكوا على ايه!
كانوا لسه بيضحكوا سمعت واحد بيقول لصاحبه..
شوفت الست اترمت ازاي! دي هتطلع تريند النهاردة.
ساعتها حسيت إن في حاجة غلط هو في ايه! هو ايه الي يضحك في الموضوع! الست بټموت قومت زقيت الناس الي حواليا كل ما كانت تيجي عربية صاحبها كان بيقف ويفضل يضحك! اضطريت أشيل الست واجري بيها ناحية أقرب مستشفى

الناس كانوا لسه بيتحركوا ورايا وبيضحكوا اتعصبت وفضلت أصرخ وأزعق فيهم أنا.. أنا
وأنا ماشي لقيت تاكسي وقفلي كان راجل عجوز قالي أركب سألني ايه الي حصل فحكيتله سألته..
هى الناس مالها!
رفع حاجبه وقالي..
مالها ازاي!
حكيتله الي شوفته فقالي باستغراب..
ايوه وايه الجديد!
رده صدمني ساعتها سكت ومكملتش كلام روحت المستشفى اتطمنت على حالة الست الي الدكتور قال هتبقى كويسة وصلت لرقم ابنها وكلمته وعرفته الي حصل واسم المستشفى خرجت من المستشفى وأنا مش قادر أصدق الي