حبيبي عبر الزمان

 

 

فعلا مشروع حلو وهيدخل مكاسب كتير
ايهم كمان زين المهدي لا غبار عليه
ميرال طيب انا بعت المشروع لشركة الهندسة الخاصة بانجي وهيبعتو الدراسة المبدايه للمشروع فى خلال يومين ولو فعلا الدراسة طلعت كويسة والمكسب عالي يبقي هنفذ
ايهم أعتقد زين هيرفض النسبة المقترحة بتاعتك كمان لما هو هياخد 30 واحنا بردو 30 يبقي انتى ليكي نسبة 40 بس

ميرال بسخرية ليه يا روحى حد قالك انى برمي فلوسي فى الأرض زين فعلا هياخد 30 بس انتم هتخدو 15 وانا 55 
ايهم نعم يا روح امك 15 ليه حد قالك احنا بنرمي فلوسنا ولا بنصنعها تحت السلم
ميرال خلى الكلام ده لبعدين لسه وقته مجاش تمام
جابر لما الدراسة تيجي هنقعد تاني ونتكلم انا دلوقتي عاوز انام علشان تعبان من السفر يالا تصبحو على خير
الكل تلاقي الخير
صعد جابر وخلفة أيار وخرج ايهم يلعب مع الولاد وتركو ميرال تعمل وتراجع أرباح المصانع وتصلت على ليلي
ليلي الو
ميرال الناس الواطية اللى مش بتسأل
ليلي يا ختي انا ھموت بسببهم
ميرال ليه يا بنتي
ليلي جدو تعبان وكمان طنط ماجدة بقت فى حالها من بعد طلاق مها والبيت بقي حزين ومها بقت فظيعة ومروة ومصطفي سابو البيت وقعدو لوحدهم بسبب مشاكل مها مع مروة مانتى عارفة
ميرال جدو مالو فيه ايه
ليلي نفسه يشوف كينان واقف على رجله ذي الأول والله لولا انتى بتوزعي الخضار و الفاكهه كان زمانه ضعنا
ميرال متقوليش كده والله لولا ان كينان كان معرفني كل حاجة مكنش فى حاجة هتمشي
ليلي بس انا سمعت جمال وهو بيتكلم مع بابا و عمي وجدو ان السعر بقي فى الخسارة ومش عارفين يعملو ايه
ميرال سبيها على ربنا وانا هحاول اتصرف بلاش تقلقي
ليلي بأمل ياريت يا ميرال جدو حالته بقت وحشه اوى مبقاش ذي الأول
ميرال سلميها لربنا يا لي لي
ليلي طيب معلش انا هقفل دلوقتي علشان بعمل ليهم القهوة
ميرال ماشي حبيبتي سلام
قفلت ميرال وفضلت تنظر على صورة الجد محمد والعائلة كلها وبعد فترة صعدت الى الاعلي
بعد مرور يومين
وصل الدراسة المبداية للمشروع وكان غير مشجع بالنسبة للكل فعتذرت ميرال لزين وقالت ليه على الدراسة وكيفية الخسارة المحتمله التى من الممكن ان تخسر الكل جميع أموالهم
ميرال بجد اسفة زين بيه
زين ولا يهمك انا مكنت متوقع الأرباح ديه فى مصر
ميرال بالعكس خالو كان متوقع النسبة ديه علشان لسه مصر مش وصلت انها تفتح منتجع علاجي بس خير الحمد لله
زين باسف بصراحة كان نفسي افتح مشروع هنا
ميرال امممم انا قدامي مشروع وهو نفس نوعية مشاريعك فى ايطاليا
زين بستغراب نفسها تقصدي ايه
ميرال انا عاوزة افتح مصنع مواد غذائية شامل
زين بإعجاب وانتى بقي عندك موردين خضار و فاكهه
ميرال عندي مزارع شامله لو عاوز تشفها ممكن اوريهالك
زين بابتسامة حضرتك مجهزة كل حاجة
ميرال الست الشاطرة مش بتسيب حاجة للظروف ولا للوقت
زين تمام مدام ميرال هراجع الدراسة وهنشوف
ميرال انت فهمت ايه معلش
زين اني ادخل معاكي شريك
ميرال انا مجهزة دراسة الجدول للمشروع وإلى عملها شركات الامبراطورة وأكيد مش هتخسر
زين طيب متوردي ليا الخضار والفاكهه ويبقي وفر ليكي قولتي ايه
ميرال بتنهيدة تصدق فكرة كويسة انا فعلا معنديش وقت لمشروع جديد
زين بصراحة انا عاوز اشتغل معاكي فمن فضلك عاوز اشوف عينات من الأنواع
ميرال اديني يومين والحاجه تكون وصلت لان المزارع فى الصعيد وهبعتهم ليك
زين تمام مدام هنتظر الحاجة بعد يومين استأذن انا
ميرال شرفتني زين بيه
غادر زين فتصلت على جمال وطلبت منه عينات من الخضروات و الفاكهه ولازم توصل فى اسرع وقت فوافق
مر يومين وأحضر جمال المطلوب وارسلته ميرال الى زين وعجبه جدا المنتجات وجاء لميرال ومضي معاها عقد توريد الخضار و الفاكهه وبسعر عالى جدا مما أسعد الجد وباقي العائلة
مر شهرين بسرعة دون أحداث تذكر غير مرض صفيه وسفر ميرال الى أمريكا للاطمان عليها
واخير عودة الحبيب الغائب
فى غرفة كينان
شعرت الممرضة وهى تصلي بصوت همهمات بتعب وصوت كلمه اااه فقطعت الصلاة بسرعة وتوجهت إلى كينان وجدته يحرك ايده وجسمه
الممرضة بفرحة اهدي بلاش حركة أخيرا صحيت حمدلله على السلامه
كينان بضعف عطشان ماية ماية
الممرضة حاضر حالا لحظة واحدة
أحضرت كوب من المياة وعادت له ورفعت جسده بهدوء وشربته وعدلته بحيث يكون ظهره على ظهر السرير
كينان انا فين وانا مين
الممرضة انت فى بيتك وانا الممرضة بتاعتك
كينان بستغراب فين ميرال
الممرضة المدام مسافرة عند جدتها علشان تعبانة
كينان اه افتكرت
الممرضة افتكرت ايه انت فى غيبوبة بقالك 6 سنين يا فندم
كينان بتعب عارف وممكن تقولى عليا مچنون بس انا كنت بسمع ميرال وهى بتحكي ليا كلام كتير
الممرضة لا متقلقش انت مش مچنون لان فعلا العقل بيكون شغال وحاسس بالى حواليه اه صحيح لازم اتصل على الدكتور هروح اتصل وهبلغ الحاجة تحت بلاش تحاول تتحرك لأنك مش هتعرف لان كل أعصابك واقفة لازم شويه رياضة
كينان حاضر
نزلت الممرضة واخبرت عفاف التي صعدت بسرعة ولم تهتم لتعبها وسنها وكأنها تطير