حماتي
حماتي حلقتلي شعري عشان ټنتقم مني
وقبل ما بدا حكايتي اعرفكم بنفسي انا اسمي سارة عندي 27 سنة متجوزة ومعايا بنتين صغيرين
وفي يوم وحماتي في بيتها بنتها قالت لها
ريم
ماما انا كنت عايزة فلوس عشان اخرج مع اصحابي وكمان عايزة اشتري هدية لعيد ميلاد واحدة صاحبتي
فايزة
انا مبقاش معايا فلوس ياريم انا اخر فلوس انتي واخدها مني امبارح عشان تشتري الكتاب بتاعك
ريم
مليش دعوة ياماما اتصرفي انا لازم انزل مع اصحابي وكمان اجيب الهدية مش هينفع ابقي اقل منهم انتي عارفاني لازم اكون احسن واحدة فيهم
فايزة
طيب ياقلب امك وانا مش هزعلك هرن على امجد اخوكي واخد منه فلوس ماهو ابني برضو واحنا لينا حق عليه يصرف علينا
ورنت على امجد جوزى وقالتله
الحما
ازيك يا أمجد بقولك ايه ياحبيبي كنت عايزة فلوس لحسن اختك عايزة تدفع فلوس الدروس ومش معايا اديها
امجد
فلوس دروس ايه ياماما هو انا مش لسه من يومين بس مديلك فلوس الدروس بتاعت الشهر كلها
فايزة
الله جرا يا أمجد هو انا مش امك ودي اختك ومن حقك تصرف علينا ولا ايه اه انت صحيح جبتلي فلوس الدروس ودفعنا نصها للدروس ونصها جبنا بيه حاجات للبيت وفي دروس لسه مندفعتش ولا هي الست مراتك هتمنعك تصرف على امك واختك
امجد بنفاذ صبر
وهو ايه دخل مراتي دلوقتي ياماما هي مراتي بتتكلم ولا حتى هتقولي متديش فلوس لأمك برضو
فايزة
انا بحسب يعنى لتكون بتسلطك علينا ولا حاجة المهم دلوقتي انا عايزة فلوس تعديهم عليا دلوقتي انت فاهم وقفلت السكة
امجد
استغفر الله العظيم انا مش عارف اتصرف
ازاي بس يا ربي والله وفي الوقت ده خرجت
وقولت ليه
سارة
مالك يا امجد في ايه هي مامتك قالتلك حاجة ضايقتك
امجد
امي دي مش بترحم ياسارة ولا تقول اني واحد متجوز ومعايا عيال هما أولى بكل قرش لا دي عايزه تفضل تاخد مني وعايزه وعايزه مبقتش ملاحق على مصاريفها هي وبنتها اللي مدلعها ومش عارف اخرتها معاها ايه
