حكاية اشتغلت بالاجرة
انت في الصفحة 1 من صفحتين
من سائق الي تاجر حبوب كبير
بيقول سبب اني بقيت تاجر كنت شغال بالاجره مع تاجر سنتين وعلشان لقمة العيش كنت مستحمل قرفه
كان بيبعتني نسافر في غير اوقات عملي كنت بنشوف كدبه وسخطه علي الرزق ويخليني ننزل ونرص العربيه الخ
ولم يعوضني عن الزياده في اوقات العمل الاضافيه وكنت نجيبله بيعات من عند جيراني ولم يعطيني عليها جنيه عموله كنت حامد ربنا علي ال جنيه الشهريه والقهوه اللي بيعطوها ليا العملاء
وفي مره غبت علشان كنت بنجهز لبنتي فرحها بعد شهرين راح جاب سواق اخر
ولم روحت الشغل لقيته حاطط رجل علي رجل ويشرب شيشه وقالي معلش انا مش هنوقف شغلي علشان خاطر بنتك
ويعلم الله انكسرت من كلامه قدام اصحابه التجار وخصوصا انه كان من دوري في السن ٤٣سنه وكرامتي غاليه وصعبت عليا نفسي وقلتله الارزاق علي الله يامعلم
ودي من عادتي لم نزعل ننام قمت في نص الليل وصليت ركعتين ودموعي علي المصليه ونقول لربنا
ياواسع الارزاق رزقي عليك انت بس وانت كفيل بيه
العبد جشع وطمع وانت الغني الفرد الصمد
الصبح بدري لقيت جاري سواق بيخبط عليا وبيقولي في واحد عايز حد يسافر معاه
عنده عربيه ملاكي وعايز حد يسوق بيه لان دراعه مكسور
انا ماعرفتهوش اني سبت الشغل
قلتله انا سبت الشغل امبارح اصلا
خدني ووصلني لعند الحج صاحب العربيه
كان بيشتغل في مجال المقاولات مع ناس كبار وعايزني نودي ماتور صغير لمكان العمل ومعاه اوراق مهمه للموقع
ولما روحت عرض عليا نشتغل معاه شهرين لعند دراعه مايخف وافقت من غير شروط
حكيت له كل اللي حصل
نزل الموقع ودخلني الاستراحه ونادي علي بتاع البوفيه ولقيته مهتم بيا كأني أخوه
روحنا في نص الليل ودخلنا مطعم علي الصحراوي واتعشينا ولقيته بيعطيني ظرف ويقولي دي شهريتك
اتحرجت نقوله كام ولم نزلت اعطاني 100
