روايه كامله

طلعت منين 
بيتجمع حواليهم شباب كتير من الجامعه وبيحاولوا يبعدوهم عن بعض واخيرا بينجحوا في دا 
سيف بعصبية و الشباب ماسكينه وحياة امي ما هسيبك 
احمد وهو بيمسح الډم اللي على شفايفه دا انت واحد متخلف 
كان لسه سيف هيضربه تاني بس أمن الجامعة جه 
بعد مدة كانوا كلهم في مكتب العميد و سيف بيبص لمريم واحمد بغيظ 

_ انا عايز اعرف انت دخلت هنا ازاي وانت مش طالب
سيف انا بعتذر بس كنت جاي لدكتور إيهاب عز الدين اخويا و لقيت الحيوان دا بيضايق بنت خالتي و مقدرتش اسكت
احمد يبني والله انت فاهم غلط انا كنت اقصد....
هنا بيخبط الباب وبيدخل دكتور إيهاب و مش بيلحق احمد يكمل كلامه
إيهاب بيعتذر للعميد وبيقدر يحل معاه الموضوع وبياخدهم كلهم مكتبه... بيبص لأحمد اللي وشه متبهدل من الضړب و مريم اللي كانت بټعيط اما سيف كان واقف ببرود
ايهاب بهدوء ممكن اعرف ايه اللي حصل
بيبص سيف لمريم احكيله يا ست مريم ايه اللي حصل
بتزيد اكتر في العياط و بتستخبى ورا ايهاب 
مريم أبيه إيهاب انا عايزة امشي من هنا
إيهاب اهدي يا مريم مټخافيش هنمشي دلوقتي
و بيبص لاحمد بنظرات ڼارية و بيمسكه من ياقه قميصه 
_ انت عملت ايه لأختي يا متخلف
هنا احمد بيتعصب وبيخرج عن صمته لو سمحت سيبني بس وانا هحكيلك عن كل حاجه عشان انا كل ما اجي اتكلم حد يقاطعني هنا
إيهاب بيبعد عنه و بيبصله بغيظ اتفضل اتكلم
احمد مبدأيا كدا انا بحب مريم وعايز اتقدملها
سيف بيبصله بنظرات ڼاريةبتحب مين يا 
ولسه بيقرب منه بيوقفه ايهاب
ايهاب بعصبيةاترزع يا سيف وخليه يكمل كلامه
سيف بغيظ بيحبها ايه دا كان بيقولها مش هتيجي البيت
بيضرب احمد جبهته بكف ايده ياربي والله فهمتوني غلط....انا من الصبح عايز اوضح اللي حصل و محدش بيخليني اكمل كلامي.... انا و مريم كنا قاعدين في كافيتريا الجامعة و كنت عايز اقولها تديني رقم والدها عشان احدد معاه معاد واجي اتقدم بس ملحقتش اقولها حاجة.. انا لسه بفتح معاها الكلام وبقولها مش هتنوري بيتي بقا وبيكمل بضحك كنت بحاول اكون كريتيف وانا بتقدم لها بس جت على دماغي دا حتي هي فهمتني غلط وقالتلي بيت ايه و ملحقتش اوضح كلامي ولقيت الاستاذ دا نازل فيا ضړب
سيف لا والله والمفروض نصدق الهبل دا
مريم انا مصدقاه يا سيف
سيف بعصبية انتي تخرسي خالص ما انتي مرتبطة بيه اصلا لازم تدافعي عنه
ايهاب سيف اسكت خالص ملكش دعوة و انت يا احمد تجيب اهلك و تيجي تتقدم لها وكلامك معايا انا مش معاها لحد ما الموضوع يكون رسمي انت فاهم
احمد بفرحة حاضر يا دكتور متشكر جدا
ايهاب تقدر تتفضل
احمد حاضر عن اذنك
بيخرج احمد و سيف بيتجنن
سيف بزعيق ممكن افهم ايه اللي انت عملته دا
ايهاب وطي صوتك يا سيف واحترم نفسك وانت بتتكلم معايا
بيمسح وشه پغضب وبياخد نفس وبيحاول يتكلم بهدوء
_طيب ممكن تفهمني ايه اللي حضرتك عملته دا
ايهاب عملت ايه الولد كويس وبيحبها انت اللي غبي و متسرع وعملت لبنت خالتك و لنفسك ڤضيحة هنا
_مريم عن اذنكم انا همشي
بيشدها سيف من دراعها ماشية فين... هتروحيله.... بتحبيه للدرجادي يعني
مريم سيب دراعي يا سيف
سيف بيشدد مسكته اكتر وبيتكلم من بين اسنانه جاوبيني بقولك بتحبيه
مريم والدموع متجمعة في عيونها سيف انت بتوجعني
بيسيب دراعها و بيمشي وبيرزع الباب وراه 
نيرة وائل 
مريم بعياط هو بيعمل كدا ليه
إيهاب انتي بجد مرتبطة بالولد دا
بتهز راسها بنفي لا والله يا ابيه انا معرفش سيف جاب الكلام دا منين.. احمد مجرد زميل انا عارفه انه معجب بيا وحاول يفتح كلام معايا بس انا مكنتش بديله فرصة اصلا
إيهاب بيطبطب على كتفها طيب خلاص متعيطيش و متزعليش من سيف هو كان خاېف عليكي
بتكتفي بهز راسها حاضر يا ابيه عن اذنك
___________________________
بيكون سيف لسه قدام الجامعه وقاعد في عربيته كان متعصب جدا و بيخبط بإيده على الدركسيون
سيف لنفسه انا مالي متضايق كدا ليه ما تحب ولا تتخطب ولا تتحرق انا مالي اصلا
بيسوق العربية وبيمشي وعلى الطريق بيشوف زهرة اللي ماشي وراها شابين بيضايقوها بيوقف العربية على قصادها وبيبصلها من الشباك
سيف تعالي يا زهرة اركبي
زهرة استاذ سيف ازيك
سيف الحمدلله... تعالي هوصلك
زهرة بإحراج لا مينفعش
سيف ما هو مينفعش برضو اللي ماشين وراكي دول اركبي بدل ما انزل اټخانق معاهم انا لسه متخانق لصحبتك برضو
زهرة ملوش لزوم والله انا هركب من الموقف
سيف طيب هوصلك لحد الموقف يستي يلا خلصي بقا
بتركب زهرة بعد محايلات سيف خصوصا انها كانت خاېفة من الشباب اللي وراها
زهرة بتوتر علفكرة انا مش كدا
بيبصلها سيف بعدم فهم هو ايه
زهرة انا عمري ما ركبت مع حد غريب عربيته.. انا بس خۏفت من اللي كانوا ورايا عشان كده ركبت
عيونها دمعت وهي بتتكلم وصوتها اتخنق  
كانو بيقولوا كلام وحش اوي وانا كنت مړعوپة شكرا انك جيت
سيف طيب اهدي مټخافيش انتى هتعيطي ولا....
مش بيكمل كلامه وبيلقيها بټعيط فعلا
بيسحب منديل من قدامه و بيديه ليها آنسة زهرة ممكن تهدي
بتزيد في العياط اكتر وصوت شهقاتها بيعلى بيوقف سيف العربية و بيبصلها بقلق
_انتي بټعيطي ليه طيب
زهرة من بين دموعها عشان ركبت معاك عربيتك.. زمانك بتقول عليا اني مش محترمة
بيهز سيف راسه بنفي و بيفتكر مريم امبارح وهي بټعيط لما اتعاركوا في الكافيه عنده بيتنهد بحزن
سيف انتي شكلك بريئة اوي يا زهرة
بصتله زهرة كانت مناخيرها حمرا من العياط
سيف بضحك انتي مالك قلبتي طماطم كده ليه
زهرة ازاي
سيف وشك احمر من كتر العياط... اهدي انا مأخدتش عنك فكره وحشه ولا حاجه انا اصلا وقفتلك لما شوفت اللي ماشين وراكي دول و بعدين انتي مكنتيش عايزة تركبي انا اللي اصريت عليكي
زهرة يعني مفهمتنيش غلط
سيف اطلاقا.. انتي اصلا باين عليكي انك طيبة ومحترمة جدا مش عارفه انتي مصاحبة البت مريم دي ازاي اصلا
زهرة علفكره مريم جميله اوي هي كمان طيبة و محترمة.. دي لو كانت معايا دلوقتي كانت دشملت الشباب اللي ضايقوني دول... دي مش بتخلي حد يقرب منها حتى في الجامعه علاقتها بزمايلها محدودة اوي 
نيرة وائل 
سيف هي مرتبطة بأحمد بجد
زهرة ايييييه.... لا محصلش اصلا احمد هو اللي معجب بيها و بيجري وراها في كل حتة وهي مش بتديله وش
سيف ااحمد اتقدملها
زهرة پصدمة ازاااي دا... لا لا احمد بتاع بنات ومش كويس اصلا هي كانت عجباه مريم عشان مش معبراه ومعرفش يوقعها
سيف قصدك ايه
زهرة احمد بتاع بنات الجامعه كلها عارفه عنه كدا...انا لو مكان مريم مش هوافق عليه اصلا
سيف بارتياح طيب الحمدلله
زهرة بفضول هو انت بتحب مريم
سيف لا مريم زي اختي عادي انا بس مكنتش مرتاح لأحمد دا من الاول و احساسي طلع في محله
ابتسمت زهرة اهاا فهمتك
_____________________________
عند مريم 
بتكون بتاكل ايس كريم و بتصوره بتفتح الواتساب عشان تبعت الصورة لسيف بعدها بتفتكر انهم متعاركين و بترجع ف كلامها بتفتح بروفايله وهي بتبص لصورته بحزن وبتتنهد
_ ليه كدا يا سيف دا انت كنت اقرب حد ليا و صاحبي الوحيد في الآخر تطلع