روايه كامله

و بتفتكر انه سيف قالها متعرفش حد
نورا الوووو يبنتي
زهرة هااا... نعم
نورا الاه .. مالك يا زهرة
زهرة بتوتر لا مفيش عادي
نورا متأكدة
زهرة ايوا المهم انتي عامله ايه
نورا الحمدلله
زهرة مالك يا نور بقالك فترة مش على بعضك و رافضة تتكلمي او تحكي لأي حد
نورا بتنهيدة كان شوية مشاكل فى البيت بس مع ضغط الامتحانات و كدا لكن دلوقتي الحمدلله تمام اهو
زهرة طيب كان ممكن تحكيلنا وتشاركينا علفكره بدل ما تنعزلي لوحدك كدا
نورا محدش فاضي لحد و كنا كلنا مضغوطين في الامتحانات يعني كل واحد كان فيه اللي مكفيه
زهرة حتى لو يا حبيبتي مكنش ينفع تشيلي كل دا لوحدك امال احنا لازمتنا ايه

نورا بمرح خلاص يا زوزة بقا انا بقيت زي الفل اهو و عدت الحمدلله... ها قوليلي هتلبسي ايه بكرة
زهرة بتغيري الموضوع بس ماشي هعديهالك... لسه مش عارفه هلبس ايه و مجبتش حاجه جديدة
نورا وانا كمان لسه مجبتش حاجه ايه رأيك ننزل دلوقتي في محل فاتح جديد وعامل خصومات هايلة
زهرة اصل... اصل انا لسه مقبضتش
نورا طيب ممكن اسلفك لحد القبض ها ايه رأيك
زهرة لا مش هستلف عشان اجيب لبس اكيد يعني
نوراهو انتي هتستلفي من حد غريب يا زهرة
زهرة لا مش غريبة طبعا بس انا مش بحب استلف وانتي عارفه
نورا استغفرالله العظيم... يبنتي فيها ايه بس
زهرة مفيهاش حاجة بس انا مش بحب كدا
نورا خلاص براحتك مش هضغط عليكي
زهرة نورا اقفلي ثواني معايا حد على الويتينج هشوف مين
نورا تمام
بتقفل زهرة و بتلاقيه سيف... بتحط ايديها على قلبها اللي دقاته بتزيد جدا و بتاخد نفس وهي مبتسمة
_الو
سيف ازيك يا زهرة
زهرة الحمدلله بخير... وحضرتك عامل ايه
سيف بضحك لا حضرتك ايه بقا فكي كدا
زهرة....
سيف ايه يبنتي روحتي فين
بتكون في الوقت دا حاطة ايديها على بوقها و بتنطط بفرحة بتاخد نفس وبتتنهد
_ايوا هنا يا استاذ سيف
سيف اقولك بلاش حضرتك وفكي تقوليلي استاذ
زهرة بإحراج طيب
سيف طيب انتى شفتي المسدج اللي بعتهالك
زهرة لا مسدچ ايه 
نيرة وائل
سيف بعتلك 2000 جنيه على رقمك اتأكدي انهم وصلوا طيب
زهرة بتوع ايه دول المرتب لسه باقي عليه أسبوعين بعدين انا بقبض 1500
سيف احم... لا ما دول مش المرتب
زهرة امال ايه
سيف دول عشان تجيبي بيهم فستان لبكرة
زهرة بتوتر لا طبعا مستحيل اقبلهم
سيف زهرة ممكن بلاش رسميات بينا بقى
زهرة صدقني مش هقدر اقبلهم مينفعش
سيف بيتنهد خلاص يا زهرة اعتبريهم المرتب
زهرة بس دول زيادة 500
سيف بضحك اهه ما انا زودتلك المرتب
زهرة بس...
سيف مفيش بس... يلا سلام يا زهرتي
قفل الخط وهي فضلت مبتسمة و حاضنة الموبايل بعدها وقفت على السرير و فضلت تتنطط زي الاطفال
_ دا قالي يا زهرتي... دا... دا جميل اوي
بتمسك موبايلها و بترن على نورا
نورا ايه يا زوزة
زهرة بقولك ايه يلا ننزل نجيب لبس
نورا ايه دا جبتي فلوس منين
زهرة من ماما... يلا بقا
نورا طيب تمام هلبس و نتقابل كمان ساعه
زهرة تمام
________________________
بيكون سيف واقف في البلكونه و سرحان بيجي ايهاب يقف جمبة
_مريم خطوبتها بكرة
سيف بتنهيدة عقبالك
ايهاب سيف هو انت اهبل ولا بتستهبل بس
سيف الاه ليه الغلط طيب
ايهاب سيف انت بتحب مريم
سيف انا هخطب قريب
ايهاب متضيعهاش من ايدك لسه في فرصة
سيف اسمها زهرة وجميلة اوي
ايهاب انت بحب مريم عيونك ڤاضحاك
سيف اخدت رقم عمها و هتقدملها قريب عايزك معايا بقا يومها
بيمسكه ايهاب من ياقة قميصه و بيزعق انت بتعمل كدا ليه... انت مش شايف حالتك بقت عامله ازاي من ساعه ما اتخطبت بتحبها لازمته ايه ۏجع القلب دا بقاا... عايز تعمل زيي عايز تفضل عايش طول عمرك وحيد و قلبك مكسور و زاهد الدنيا و كاره كل حاجه.... بتعيدوا نفس القصة ليه انتوا اغبية
سيف انا مش بحبها... انا مش بحب حد
ايهاب بتحبها و بټموت فيها و عيونك ڤضحاك...دا انت حالك اتبدل 180 درجة من ساعه ما وافقت على احمد مش شايف شكلك بقى عامل ازاي انت بقيت عايش جسم وبس لكن روحك... روحك معاها
بتدمع عيون سيف و بيزق ايد ايهاب و بيتكلم بعصبية ايوا بحبها... بحبها اوي انا بعشقها بس هي محبتنيش... هي حبته هو و لما اتقدمتلها رفضتني عشانه
ايهاب پصدمة اتقدمتلها
سيف ايوا.... يوم ما اتعاركت مع احمد في الجامعه و عرفت انه هيتقدملها جريت على بيتها زي المچنون وقولت لخالتي انى عايزها لكنها رفضتني وقالتلي مدخلش في حياتها هي واحمد 
نيرة وائل 
بيحضن ايهاب و بيعيط
_ انا بحبها اوي يا ايهاب انا مش هقدر اعيش من غيرها.... مكنتش اعرف اني بحبها غير لما لقيتها بتروح من بين ايديا... طول عمرنا كنا صحاب واخوات و ارتبطت اكتر من مرة لكن ولا واحدة ملت قلبي وعيني زيها مكنتش اعرف ان دا حب هي كانت جمبي من يوم ما وعيت على الدنيا زيها زيكم فرد من عيلتي وجمبي دايما بس مكنتش اعرف انها مختلفة... مكنتش اعرف اني بحبها والله مكنتش اعرف
بيشدد ايهاب من حضنه وبيطبطب عليه
سيف هي محبتنيش ليه يا ايهاب زي ما حبيتها... ليه حبته هو عملت فيا كدا لييه
ايهاب اهدى يا سيف... اهدى
سيف مش قادر ڼار في قلبي حاسس ان روحي بتطلع... مش عارف هشوفها ازاي بكرة..... هشوفهم مع بعض ازاي انا هستحمل ازاي
ايهاب متروحش يا سيف وانا هقول انك تعبان و معرفتش تيجي
سيف لا... هروح لازم اروح
_______________________
واخيرا اليوم المنتظر 
كانت مريم واقفة قدام المراية بفستانها الازرق الستان و رافعة شعرها بطريقة رقيقة كانت جميلة جدا لكن عيونها كانت بتلمع بالدموع
بينادي حد من برا الاوضه يلا يا مريم اطلعي العريس وصل
بيبدأ صوت الزغاريط يعلا و الكل بيتحرك حواليها و بيناديها... بتمشي ناحية الباب بخطوات بطيئة كان في دماغها الف فكرة نفسها تسيب كل دا و تهرب... بټلعن قلبها اللي حب سيف واللي بسببه تعيسة لحد دلوقتي بتفتح الباب و بتلاقيه في وشها اول ما بتشوفه دموعها بتنزل و بتترمي في حضنه و بتتعلق في رقبته 
زهرة مريم انتي بتعملي ايه
يتبع
التفاعل نزل خالص  
عايزة تفاعل كويس البارت دا و كومنتات عشان تشجعوني اكتب اللي بعده علطول 
شاركوني رأيكم و توقعاتكم في الكومنتات 
يتبع
البارت_الرابع
زي_الروايات
اسڪريبت
بقلم_نيرة_وائل 
روايات_واسكريبتات_مميزة
_ لابسة اسود ليه 
_ مطقمة مع حظي 
_ بيرد بضحك لا رد مقنع برضو
بس طالعة جميلة اوي النهارده هتغطي على العروسة كدا 
بتبتسم بخفة خلاص بقا يا ايهاب راحت عليا 
ايهاب راحت عليكي! ... هو انتى مش بتبصي على نفسك في المراية يا دلال 
دلال بتنهيدة لا لسه كنت واقفة قدامها اهو بس مشوفتش حاجه من اللي انت بتقول عليه
ايهاب لو تشوفي نفسك بعيوني هتحبيها اوي والله 
بتفرك ايديها بتوتر عن اذنك هروح اشوف مريم 
كانت لسه هتمشي لكن بيشدها من دراعها و بيبتسم بۏجع 
_ هتفضلي تاعبة قلبي كدا كتير يا ديدا 
غمضت عيونها عشان تتفادي النظر في عيونه اللي بتلمع كل ما بيشوفها 
ايهاب بصيلي يا دلال... بصي في عيني ولو لمرة شوفي الحب اللي ليكي فيها 
بتفلت دراعها منه و بتمشي بسرعة من غير ما ترد عليه... بيبص لطيفها بحزن وبيتنهد بحرارة 
________________________
زهرة انتي بتعملي ايه يا مريم
بتبص