قصة الرجل الاخر
انت في الصفحة 3 من 3 صفحات
الليل..وانا بتصل وفونه مقفول
اليوم اللي بعده..روحت الشغل عشان اعرف منه
هو بيعمل كدا ليه
لو سمحت يوسف كامل فين..هو مجاش النهارده
موظف الأمن بص لي وقال
يوسف كامل دا شغال هنا عندنا
اوه حضرتك دا شغال من مدة كبيرة !
انا شغال هنا من سنه ومعرفش انه في حد
هنا ف الامن شغال معانا بالاسم دا
أزاي دا !! انت هتجننني
ايوه انا عارفاك..حضرتك مش فاكرني
قولتله اسمي
لا مش واخد بالي الحقيقة..خير بتزعقي ليه
الموظف قاله
دي بتسألني عن حد اسمه يوسف كامل وبتقول شغال هنا معانا !
الراجل ملامحه أتبدلت وكان مذهول
وقالي
انتي بتسالي عن يوسف كامل اللي كان شغال امن هنا
من 3 سنين
ايوه حضرتك انا مراته
اااه افتكرتك..فعلا انا حضرت فرحكم
يومين !!
ايوه
يومين أزاي بس حضرتك..دا جوزك م١ت في حاډثة
من سنه ونص
سمعت الجملة اللي كانت زي الصاعقة عليا
وافتكرت كل حاجة
لحظة ما سمعت الخبر..وجريت ع المستشفى
نظرته ليا وهو بين الحياة والمت..إيده لما فلتت مني
والدكتور بيجس نبضه وبيهز رأسه وبيقول في اسف
لحظتها افتكرت كل حاجة الدنيا لفت بيا
ووقعت على الأرض فاقدة الوعي
لما فوقت كلمت بنت خالتي وجات لي ع المستشفى
اول ما دخلت حضنتني
سلامتك يا حنين..مالك يا قلبي
تقى..يوسف يا تقى
اهدى يا حبيتي.. وقوليلي حصل ايه
حكيت لها على كل حاجة حصلت..وتغيره معايا اخر فترة
لغاية ما ساب البيت من يومين معقول
لأ مكانش وهم يا حنين
يعني ايه !!
بعد ۏفاة جوزك بشهرين..كانت حالتك النفسية
سيئة جدا وتصرفاتك كانت عدوانية مع الكل
في ست كانت بتيجي تنضفلك الشقة مرة كل اسبوع
اه فاكراها
لما شافتك كدا..اقترحت توديكي لوحده تعرفها
بتحضر أرواح وانتي عشان مكنتيش في وعيك
وحزنك على مت يوسف..واشتياقك ليه
سمعتي كلامها وروحتي للست دي
نفسيتك أبتدت تتحسن ومع الوقت بقى عندك ادمان
على الموضوع دا
لدرجة انك قررتي تعملي دا بنفسك ف البيت
وبعد كذا محاولة حضرتي روحه..وبقى عايش معاكي
مكنتش مستوعبه كلامها
بتقولي ايه !!
انتي من سنه او اكتر فاكرة نفسك عايشه مع يوسف
وصدقتي الكدبة اللي كدبتيها
لكن مع الوقت ابتديتي تفوقي لروحك
ايوه شريف صح
يوسف جوه البيت كان مسيطر عليكي لكن بره لأ
..وعرف أن في راجل دخل حياتك..عشان كدا
تصرفاته اتغيرت معاكي من وقتها
ساعات كان بيبقى حنين عشان متبعديش عنه
وساعات يعمل امور تخوفك..لما تزعليه بحكاية شريف
اللي كان بيخليكي تنسيه اول ما رجلك تدخل البيت
وانتي كنتي في صراع نفسي رهيب.
وانا كنت دايما بحاول اخرجك منه..بس هو كانت
سيطرته اكبر عليكي مني ومن أي بشړ
ومن 3 ايام تمت خطوبتك على شريف
ودي دبلته اللي ف ايدك
بصيت لأيدي وشوفت الدبله وافتكرت ليه انا كنت راجعه
سعيدة يومها وطايرة من الفرحه
وعشان كدا يوسف كان ڠضبان وفضل
يزعق
ويكسر..لأنه كان غيران عليا
فضلت أعيط وأنا بسمع كلام تقى وبجمع الخيوط ببعضها
خلاص يا حبيبتي..يوسف كدا سابك وعرف
انك مش ليه..سابك تعيشي حياتك مع راجل غيره
امسحي دموعك بقى..عشان شريف عرف انك تعبانه
وزمانه على وصول دلوقت.
لازم تنسي وتعيشي حياتك وكفاية اوي اللي حصلك لحد كدا
متقلقيش..ربنا هيعوضك خير
تمت
