الملك النمر 1

1
فى القصر الملكي بتنتشر قوات الحرس الأسود بعد أقتحامهم للقصر وبيتقدم قائد الحرس الملقب بالحارق إلى غرفة الملك وبيكسر الباب بمساعدة مجموعة من الحرس وبيشهر سيفه وبيقرب من الملك حام إللى كان نايم على سريره جنب أبنه هرماس وزوجتة صوفيا وبينزل بسيفه على رقبة الملك وبيفصلها تماما عن جسمه ...
كان مشهد مفاجئ ومروع لطفل فى عمر ال ٨ سنوات وأمه زوجة الملك القتيل أصوات صراخهم وبكائهم كانت بتهز القصر مسكت الملكة صوفيا أبنها وضمته لحضنها وحوطته بدراعتها وهى بتبكى بحړقة وخوف كمحاولة لحمايته من القتل على أيد الحرس ..

ولكن بيتاخد الطفل هرماس من إيديها بالقوة من أحد الحراس وواحد تانى من الحرس بيتكلف بمهمة القبض عليها بطريقة مهينة بدون رحمة او إنسانية إتسحبت من شعرها وأنجرت على الأرض وزحفت على السلالم لحد سجن القصر ..
بتترمى صوفيا فى سجن يشبه قفص الحيوانات وبيترمى ابنها فى قفص تانى قدامها صړاخ وبكاء هرماس مأثرش فيهم ولا مانعهم من ألتمادي فى قسوتهم ولا من سخرية ألحرس عليهم والاستهزاء بيهم بعد وقت بسيط بتنسحب المجموعة من قدام الأقفاص وبتخرج من المكان وبيقفلوا عليهم بوابة السچن الرئيسية
السچن مكون من ١٠ أقفاص 
خمس أقفاص فى الناحية اليمين 
وفى المقابل خمس اقفاص في الناحية الشمال
وهو مش سجن بشړي ولكنه مصمم خصيصا لتربية النمور داخل الاقفاص الحديدية ..
لأن النمر هو شعار ورمز لمملكة نيبرو وملكها حام اللي إتقتل على أيد الحرس الأسود
وأمام عرش الملك بيقف الحارق وبيقول للي موجودين من أتباعه ..
إلنهاردة انتهى عصر الملك حام وابتدى عصري أنا أنا الملك الجديد لعرش نيبرو إنشروا الخبر في كل مكان في المدينة عن طريق المنادين وخلوا الراوي يحكي عني إني انقذت المدينة من أيد الملك الظلم حام اللي كان عايز ېقتل شعبه ..
بيتقدم من بين الحرس شخص فى ال٥٠ من عمره وله مهابة بينهم وبيقف قدام الحارق وبيقوله 
طبعا كلنا فخورين بإن جلالتك حصلت على العرش اللي تستحقه ولكن إزاي هنقنع أهل المدينة إن الملك حام كان عايز يقتلهم وهو مشهور بينهم بمعاملته الطيبة وحبه للشعب
ده دورك يامستشاري العزيز سيلمار أنا محتاج خبرتك وحنكتك في إقناع الشعب بإن حام مچرم واستحق جزائه وإني شخص منقذ ليهم من جبروته وإستبداده
أوامر جلالتك طبعا بث الحكايات في الودان اقوى من السحر هنحتاج نألف قصص كتير تقنع الناس مع تكرارها على مسامعهم إن حام مچرم والملك الحارق منقذهم
عظيم بعد ماتنفذ الخطوة دي أطلب مني ما تشاء وهيكون ليك
العفو جلالتك أنا ديما عبد مطيع في خدمتكم ويهمني أكسب رضاكم فقط
وأنا بثق فيك ياسيلمار وعشان كده إستعنت بيك تكون مستشاري وأيدي اليمين ورفيق لرحلة كفاحي من وقت الصعود على العرش لحد