حب مجهول الهويه 23
يوم ورد وشيكولاته وفي اي مشكله تحصلي يظهر هو ويحلها وفي لحظة كده يبقى جوزي!! المفروض انا اعمل ايييه
بصلي بطرف عينيه وهو بيحاول يخفي ابتسامته وقال_ وتخيلي انا راجل عايش طول عمري حياة جادة جدا وعندي مشاكل ملهاش اول من اخر وفي يوم بالصدفه اقابل بنت في القطر رغايه جدا وبتتكلم 500كلمة في الدقيقه واكبر مشكله في حياتها ان تليفونها البسيط وقع منها ومبقاش يشتغل واشوف عيونها الحلوة بتلمع بالدموع عشان خاطر تليفون بسيط زي ده!!..
قلبي كان هيقف من جمال كلامه ومقدرتش امنع نفسي اني احضنه وهو كان سايق العربيه لسه وقولتله بكل صوتي_ بحبك.
وقف العربيه فجأة وبصلي پصدمة ودموعي نزلت مني وخفيت وشي في حضنه بكسوف وهو رفع وشي بعيد عنه وقالي_ قولتي ايه
بصلي بدهشة_ ليه خاېفه من الحب ده
رديت وانا ببكي_ لان حبنا ده غريب اوي حب عمري ما سمعت عنه.. حب مجهول الهوية.
مسك ايدي وقربها من شفايفه وباسها بكل حب وقال_ القدر جمعنا وربطنا ببعض وانا لقيت فيكي البنت اللي طول عمري بدور عليها ولو في حد مننا ممكن ېخاف من الحب فهو انا لان انا حياتي صعبة وفيها مشاكل كتير انا بحاول احلها عشان اوفرلك الحياة الهاديه اللي تستحقيها.
رد وهو بيبتسم بحب_ مستحيل ابعد عنك او اسمحلك تبعدي عني.
ابتسمت بسعادة وحضنته فجأة وهو بادلني الحضن وهمس بسعادة_ انا عايزك تثقي فيا.. انا مستحيل اسمح لحد يآذيكي.
رديت وانا جوه حضنه_ وانا هثق فيك طول عمري .. اوعدك... رواية حب مجهول الهوية بقلمي ملك إبراهيم.
طارق هز راسه ومسك ايدي ودخلنا المول وانا سألته بفضول_ هو ايه الحكاية انا مش فاهمه حاجة
طارق_ ناجي باعت رجالته يرقبونا من وقت ما خرجنا من القصر وانا اوهمتهم اننا جوه المول عشان ميعرفش اني كشفتلك خدعته وتزوير قسيمة الجواز.
بصلي اوي وقال_ ناجي ظلم نفسه لما دخلك في مشاكلنا مع بعض .
احلام_ يعني ايه
طارق_ متشغليش بالك وانا وعدتك اني احل كل المشاكل دي بعيد عنك.
وكان لسه هيمشي بس انا وقفته تاني_ طارق استنى في حاجة مهمة لازم اقولهالك.
وقف بصلي باهتمام وانا
