حب مجهول الهويه الحلقة 30 بقلم ملك ابراهيم
قالت باقتناع عندك حق يا احلام وبابا اصلا مصمم على رأيه وانا مبقتش مرتاحة للموضوع ده من كتر المشاكل اللي حماتي بتعملها واحنا لسه متجوزناش اومال لما نتجوز هتعمل ايه!
احلام بقولك ايه سيبك من ابن امه ده مش ناقصه حړقة ډم.. انا هبقى اجيلك انا وبسمه عشان اقعد معاكي ونشوف الموضوع ده.
هند هي بسمه هنا
احلام اه هنا وكانت بتسألني عليكي عايزة تشوفك.. هشوف كده ظروفي وممكن نجيلك بكره.
قفلت المكالمة وبصيت لطارق اللي كان بيبصلي ويضحك وقال ارتحتي كده خربتي جوازة صحبتك!
رديت عليه وانا بقرب منه هو اللي بيزعلها كل شويه وتخيل مش عايزين يكتبوا اوضة الاطفال في القايمة.
طارق ضحك وقال وده سبب يبوظ الجوازة!!
بصيت ل طارق وانا بفكر جوايا هو انا زودتها ولا ايه! معقول هند هتبوظ الجوازة فعلا! انا شكلي اتحمست بزيادة وانا بكلمها بس كان هدفي ان طارق يعرف ان هند عندها مشكله كبيرة وضروري اروحلها عشان يسمحلي اروحلها انا وبسمه.. انا الازم اخرج بسمه من القصر هنا بأي طريقة ومتكنش ملفته ل طارق.
رديت عليه بتوتر بفكر في مشكلة هند.
ضحك وقال مشكلة!! هي دي كده مشكله! عموما انا ممكن اساعدك في حل المشكلة دي ونجيب احنا اوضة الاطفال هدية منك ل هند وتكتبها في القايمة برحتها.
بصتله اوي.. معقول في انسان بالطيبه دي!
بصلي بستغراب تاني وقال ايه يا حبيبتي انتي بتروحي مني فين كل شوية
ابتسم وقام من مكانه وه وقال تعرفي بقي ان انا اكتر راجل محظوظ في الدنيا دي عشان اجمل بنت في الكون بتحبني.
اتكسفت منه وسألته وانا ببص جوه عينيه وبشوف انعكاس صورتي جواه بجد يا طارق انت شايفني جميلة
الرد على سؤالي كان في نظرات عينيه اللي كانت بتتأملني بطريقة حلوة اوي وقال انا عمري ما شوفت ولا هشوف في حياتي أجمل منك وبعتبر نفسي راجل محظوظ لانك بقيتي من نصيبي.
طارق حبيبتي انتي عارفه اني مش حابب خروجك برا البيت الفترة دي.
احلام عشان خاطري يا طارق.. هند وحشتني وكمان عايزة اقف معاها في مشكلتها وبسمه محتاجة تغير جو شويه.
احلام طب عشان خاطري عشان خاطري عشان خاطري.
طارق بس يا زنانه خلاص موافق.
ضحكت وانا ببصله وطبعت بوسه على خده وقولت حبيبي ربنا يخليك ليا يارب.
طارق وهو بيبتسم بس اعملي
