يعني ايه عايزني افتح القپر واخرج الچثة؟

يا ابني انت مين 
انا خالد يا عمتي ابن فتحي اخوكي
خالد حمد لله على السلامة تعال يا ابني اتفضل ادخل اهلا وسهلا رجعت امتي من السفر 
امبارح يا عمتي 
وقاعد فين 
في بيت ابوي
بتقول ايه 
في بيت ابوي يا عمتي 
حسيت ان عمتي عايزة تقول حاجة بس خاېفة
خذ بالك من نفسك ومن ابنك مش ده ابنك برده 

اه ابني هو فيه حاجة 
لا لا مافيش بس خلي بالك على ابنك وخلاص
بصراحه كلام عمتي شغل بالي حسيت انه في حاجة بس هي مش عايزة تقول غيرت الكلام وقالتلي
بس انت عرفت بيتي ازاي لسه فاكره 
لا بصراحه عبد السميع هو اللي وصفلي البيت 
عبد السميع مين 
الحارس بتاع البيت 
ابوك عمره ماكان عنده حارس
ازاي ياعمتي ده بيقول انه من زمان مع بابا 
يا ابني انا عمري ماشفت حارس عند ابوك حتي لما ماټ ماحدش عرف غير بعدها بفترة وانا اللي عرفت كنت رايحة ازوره لقيته مېت
ازاي ياعمتي
اوصفلي الراجل ده
ولما وصفته ليها حسيت ان عمتي وشها تغير وقالتلي خلي بالك من ابنك
عمتي انتي تعرفي الراجل ده 
ها لا ماعرفوش بس يمكن يا ابني ابوك جابو في آخر ايامه
كلام عمتي ماكنش مريحني وبعد ما خلصت معاها عرفت منها المكان اللي مدفون فيه بابا وصلت مروى البيت وبعدين رحت عشان اشوفه بس الغريب اني لقيت المقاپر مفتوحة بصيت داخلها لقيت البنت اللي شفتها في البيت تاكل في چثة مېت وبتقلي تعال يا خالد اكيد ما استحملتش ده ووقعت مغمى عليا صحيت على صوت عبد السميع بيقولي انت نايم هنا ومراتك قالبة الدنيا عليك صحيت لقيت باب المقاپر مقفول وكأني كنت بحلم بس انا متاكد انه مش حلم
روحت لقيت مروى قالبة الدنيا عليا وعمتي عندها 
انت كنت فين ياخالد كنت فين يابني مراتك جت عندي دور عليك خفت عليك جيت معاها
اهلا ياعمتي اصلي لقيت عبد السميع يقولهم لقيته نايم عند المقاپر وقرب مني وقالي
2قصه خالد 
الجز التاني 
روحت لقيت مروى قالبة الدنيا عليا وعمتي عندها 
انت كنت فين ياخالد كنت فين يابني مراتك جت عندي دور عليك خفت عليك جيت معاها
اهلا ياعمتي اصلي لقيت عبد السميع يقولهم لقيته نايم عند المقاپر وقرب مني وقالي بلاش تحكي الحلم اللي شفته لحد. 
اڼصدمت هو عرف منين اني شفت حلم 

لسه هقول انت عرفت منين بس لقيته ماشي عمتي قالتلي 
حمدالله على سلامتك يابني هروح انا بقى 
خليك قاعدة معانا لحد الصبح عشان الوقت اتاخر 
لا يابني ماتخفش عليا انا عارفة الطريق كويس وكمان مش بخاف امشي بالليل يا لله سلام عليكم 
طيب خلي عبد السميع يوصلك... 
لا
استغربت من ردها بس ماركزتش معاها ومشيت
مروى قالتلي يالله عشان تنام شوية طلعت الاوضة عشان انام بس دماغي كانت ھتنفجر من التفكير ومش عارف انام ولما مروى نامت قلت لازم انزل لعبد السميع ده عشان اعرف منه ايه الحكاية وعرف منين اني كنت بحلم وهو اصلا حلم ولا حقيقة
بس لما نزلت شفت حاجة غريبه لقيت عبد السميع مولع شمع على شكل دايرة وفي نصها كانت قاعدة بنتداريت نفسي عشان ميشوفنيش واعرف ده بيعمل إيه ولما ركزت مع البنت لقيتها نفسها اللي شفتها في المقاپر ايوه هي كانت قاعدة في نص الدايرة وعبد السميع قعد يقول كلام مش مفهوم بعدها سكت شوية لقيت البنت بتولع ودخان كتير طلع خلاني مش شايف حاجة واختفى عبد السميع من قدامي
مابقتش شايفه ولا حتى عارف هو راح فين وفي اقل من دقيقة لقيت ايد بتحط على كتفي اټفزعت لقيته عبد السميع بيقول 
خير يابيه نزلت ليه 
رديت بعصبية وانت مالك نزلت ليه ده بيتي انزل واطلع براحتي 
ضحك ضحكة غريبه وقالي
طيب بالراحة عليا يا بيه انا بس قلت يمكن عايز حاجة 
لا يا سيدي مش عايز حاجة بس إيه الدخان ده 
دي ڼار يابيه مولعة عشان مافيش حاجة تقرب من المكان 
اه بقلك ايه ياعبد السميع انت عرفت منين اني حلمت عند المقاپر
هههههههه
انت بتضحك ليه 
اصل كنت عارف انك هتسألني السؤال ده طبيعي يابيه انا لما جيت اصحيك اتنفضت اكيد كنت بتحلم
اه طيب انا هدخل انام 
دخلت وانا عارف ان الراجل ده وراه سر انا مش عارفه وصلت لحد باب الاوضة المقفول وقفت قدامه افكر ياترى ايه حكاية الاوضه