فخ طبيبه بقلم سيد داوود المطعني
لا مؤاخذة..
عارفة ليه
لأن جواكي بنت جدعة نضيفة بنت كلها تضحية وفداء وإنكار ذات..
واللي فيها الصفات دي مستحيل توافق على ندل خسيس جبان تافه يبيع صاحبه في أقرب محطة..
ده بالنسبة لرامي يا ليليان..
أما بالنسبة لاسمها ايه دي بتاعت التحرش وانتي أكتر واحدة عارفة سلوكها..
تخيلي أنا ابن خالتك وجيت أسألك عنها وآخد رأيك في اني عايز أتقدم لها هتعملي ايه وانتي عارفة أن رأيك ده أمانة
من غير ما تتكلمي يا ليليان أكيد في الحالتين هترفضي..
تخيلي إن ربنا جاب لك السكر علشان يكشف لك حقيقة رامي قبل ما تتورطي معاه..
لانك لو اتورطتي معاه هتتصدمي بأكبر ندل في الوجود وساعتها خدي عندك جلطة وضغط وانسداد في الشريان وذبحة صدرية ورعشة في الاطراف وعقدة نفسية واكتئاب حاد وقروض من البنوك واجبة السداد وسواد في المستقبل..
السكر مبقاش مرض يا ليليان خلاص انا اعرف ناس كتير عايشة بيه وبقى العادي بتاعها تنظيم أكلها وشربها..
ثم إن واحدة زيك لازم ييجي لها السكر حتى لو مفيش في حياتها رامي..
لأنك في عين كل اللي يشوفك أنثى كاملة من مجاميعه هدوء طباع ثقة بالنفس جدعنة وقار عقل كبير قيمة في مجالك رغم صغر سنك وكان لازم يبقى في ثغرة صغننة عندك علشان تفرق لك بين اللي بيحبك لروحك وشخصك وبين اللي ميستاهلش حتى يسمع منك تحية صباحك..
لو في حد كان السبب في كل اللي بيحصل لك ده هيكون أنا عارفة ليه
علشان مرة جيتي على بالي ودعيت لك دعوة في قلب الليل وقلت ربنا يبعد عنك ولاد الحړام..
وعلشان انتي عملك كويس ونيتك سليمة ربنا استجاب دعوتي وفلتر لك كل أهل السوء اللي حواليكي .
رامي انكشف على حقيقته والزفتة اياها كمان وقعت في شړ أعمالها..
واهو ارتبطوا بعض وانا بصراحة شمتان فيهم..
مش هعمل نفسي مثالي واقول لك صعبانين عليا..
انا مهما كنت بني آدم وأتأذيت منهم فيكي وشماتتي ڠصب عني .
وانتي لو حسيتي نفسك شمتانة فيهم متجلديش نفسك لانك اتأذيتي منهم..
ليليان..
قومي يا دكتورة اشكري ربنا على جرعة السكر الزيادة اللي جات لك علشان تنقذك من مرار السنين اللي كنتي هتعيشيها مع الزبون اللي غار في داهية ده..
وابعدي عن الضغوط سيبي المستشفى باللي فيها واطلبي نقلك للرعاية الصحية الشغل هناك اخف وأوضح ومفيهوش استريس..
ايه رايك في استريس بتاعتي يا دكتورة حلوة
ضحكت من جوايا
