وحيده انا

اتقدملي راجل وسيم جدا 
من وسط ١٠٠ بنت بيحبوه وأنا معرفتش الا منهم نفسهم انهم بيحبوه وهو عارف ومع ذلك هو اختارني أنا ..
بنت ٣٦ مش جميلة ومش محبوبه في اسرتها وشافت منهم الويل والمر ومعندهاش استعداد ترجعلهم لو اتجوزت في يوم من الأيام..
المهم هو كان سبقله الجواز ومعاه ولد ومنفصل عن ام ابنه من أربع سنوات والولد ١٢ سنه 

لما اتخطبنا انا حبيته جدا واتجوزنا وكانوا كتير قوي البنات بتوقع ما بينا بس حبنا كان أقوي من كيدهم واستمر ..
في أول جوازنا وبعد ٣ شهور وقعت على السلم وانا نازله معاه جالي انزلاق غضروفي حماتي مرقدتنيش رغم ان كلام الطبيب اني لازم ارقد واستحملت وبقيت امشي اموري عشان خاطره ..
وبعد سنه كامله وهي وأنا بدور على الحمل وهو مصر أن ماروحش إلا لطبيبات نساء 
وطبعا لن اخفيكم سرا ان افشل من دخل كلية الطب هن النساء 
مفيش واحده منهم فكرت للحظه 
من اول شهر جواز وانا بلف على الحمل وكل واحده تديني منشطات شكل وكل واحده تعللي على التانيه في المنشطات 
المهم بعد سنه اقتنع بعذاب اخير اني اروح لطبيب راجل ..
واول ما دخلت عيادة الطبيب قال لزوجي عايز تحاليل سائل منوي منك 
طبعا انا معرفش السبب اللي خللى جوزي جاب الوان وقتها من جملته ..
نزلنا من عنده وروحنا معمل التحاليل واخدوا العينه 
ونزلنا ومن لحظتها جوزي بيتعامل معايا بطيبه غريبه وبيقوللي العيب هيطلع مني 
ليه بتقول كده يا ابو احمد طبعا بسميه باسم ابنه اللي من الزوجة الأولى
قاللي اصل احمد جه بعد خمس سنين علاج 
وانا عملت التحليل قبل جوازنا وكنت باخد علاج لغاية بداية جوازنا 
طيب ليه مقولتليش 
انا من حقي كنت اعرف 
ومن حقي اقبل او أرفض 
قاللي اصلي مكنتش اعرف ان حاجه زي دي تهمك 
يعني لو مكانتش تهمني يبقى تهم مين 
وانت عارف اني مش هرجع بيت اهلي 
اللي كانوا بيعاملوني كده قبل ما اتجوز 
هيعاملوني ازاي لو رجعت مطلقه 
المهم طلبت يتعالج وكان رافض العلاج 
واخده بالعافيه علشان نوصل بعد شهور ل ٥ مليون حيوان منوي 
طبعا رقم ولا ليه اي لازمه لان الحمل مش بيحصل غير من بعد ال ١٥ مليون 
المهم رفض نعمل حقن مجهري وتعبت جدا علشان أقنعه واقنع امه اللي شايفه انه مالهوش لازمه 
ودخلت اول عمليه ورفض اني اروح عند اهلي علشان يخدموني وانا راقده الأسبوعين الاولانيين 
ورجعت البيت اللي امه عايشه معانا فيه 
كان ينزل للشغل وهي تقوم تشقيني مخصوص 
ومروا الاسبوعين وطلع نتيجة التحليل فيه حمل بس بيسقط 
اڼهارت وروحنا لطبيب تاني وقرر عمليه تالت شهر من العمليه الأولى 
وعملناها وبرضوا رافض اروح عند اهلي
واخد وعد من امه انها متكررش اللي عملته 
وكانها وعدته بالعكس 
كل الشغل اللي مكناش بنعمله في الأيام العادية بقت تخليني اعمله وطبعا نفس النتيجة الحمل بيسقط . 
وبقيت حرفيا
من عمليه للتانيه عدوا خمس عمليات والشهور اللي بينهم منشطات ومتابعه وحقن 
وفي يوم من كتر العمليات جالي ارتشاح في قنوات فالوب عملت عمليه فصلت قنوات فالوب لغاية لما بقيت انا كمان مينفعش احمل غير بحقن مجهري
وخارجه من كل ده صفر اليدين
وفجأه هو في شغله جتله جلطه في القلب 
امه كأننا قلنالها اني انا اللي عندي القلب 
كانت بتزود المشاكل كل يوم علينا والضغط