وحيده انا

وطلبت انفصل عنها وابقى في شقه لوحدي مش اكتر او حتى في اوضه فوق السطوح 
طبعا رفض 
وصاحبه الانتيم اللي هو اخوه اكتر من صاحبه واللي كلامه بيمشي حتى على جوزي رفض هو كمان اني انفصل عن امه 
في خلال السنين دي جالي أمراض اول مره اعرف عنها او اسمع حتى اسمها 
المهم 
والدته كانت متسلطه علينا زي ما كانت متسلطه على اللي قبلي وجالها سړطان ثدي ونفدت بجلدها بعد ١١ سنه جواز 
أما انا مقدرش اطلق ولا ارجع حتى لو جالي سړطان زيها عشان عيشة أهلي طبعا أصعب من عيشتها وبلاويها ..
وبعد مرور سنتين حالة زوجي ادهورت وكان محتاج عمليه صعبه جدا وحياته على المحك 
رفض ان امه تعرف وقاللي متعرفيهاش 
احنا عايشين في دور رابع غير الأرضي وكمان السلم وحش جدا 
الطبيب أشار انه مينفعش يطلع سلمه واحده ولازم أنقل من المكان دا لدور أرضي 
روحت اتكلم مع أمه اللي شايفه ابنها حالته متدهوره وبنلف بيع على الأطباء 
صړخت فيا 
انت عايزه تاخديه 
روحي خديه في شقه دور ارضي 
بس انا مش هسيب بيتي 
يا ستي ابنك مش عايز يسيبك وبيقول لو فاضلي يوم من عمري عايز اكون معاها وماخدش ڠضبها 
لا انت عايزه تاخديه 
وبلابلابلا كتير قوي فوق ما تتصور لما خلتني ندمت أن كلمتها اصلا ..
المشكلة أن غيرتها عليه كانت قتلاه قبل ما تقتلني
كانت خانقاه ومضيقه عليه الحياه وبتعد عليه النفس 
وفي يوم بعت لمستشفى مجدي يعقوب لعمليات القلب ..
وحالته استقبلت هناك بعد عڈاب وقبل العمليه وسافرنا انا وهو لأسوان اټجننت جنان رسمي أن ازاي اسافر أنا معاه وهي لا
هي اللي عندها ٨٦ سنه 
طبعا الكل بعين العقل قالولها ازاي مش هتقدري تخدميه 
لازم مراته هي اللي تعمل ده وتكون معاه ..
وروحنا بالعافية من غير ما تعمل لتعب ابنها أي حساب أو تحطه في الدرجة الأولى قدام عينيها ..
وبعد شهر من إجراء الجراحه جوزي قابل وجه كريم بكل ما حمل في قلبه من ألم وۏجع
يعني بقيت شجرة بيره لا كنت ولا هكون ام 
ولا هعمل التحليل زي كل الستات ويطلع شرطتين 
مفرحتش جوزي قبل ما ېموت 
ولا أنا كمان فرحت ولا هفرح 
مش هشوف بطني تكبر قدام عيني واتابعها في المرايا 
ولا هتكلم مع ابني اللي في بطني كل صبح وأصبح عليه 
مش هيقرب جوزي من بطني ويتكلم معاه 
مش هيتحدد ميعاد الولاده 
ولا هروح أولد وايدي في ايد جوزي وانا مړعوبه وايدي متلجه من
الخۏف والشوق والقلق والرهبه 
مش هاقبله وهو خارج من بطني 
مش هشم ريحته 
مش هضمه ولا اصحى على بكاه 
مش هرضعه ولا اتابع مع طبيب اطفال 
ولا هشتريله لبس ولا العاب 
ولا هاخد بالي من جدول التطعيمات 
ولا هحفظ ملامحه 
ولا اقيس طوله ووزنه كل يوم 
ولا هقدر أرجع كل صاحباتي وجيراني اللي قاطعوني لان مخلفتش وبقوا خايفين علي عيالهم من عيني لأحسدهم ..
ولا كمان المعايرات بعدم الخلفه المستمرة لغاية النهارده هتخلص ..
حياتي انتهت وحلم عمري الوحيد بالخلفه محصلش ومش هيحصل وبقيت وحيدة من أهل وزوج وأبن .. بالله عليكم متنسنويش من دعائكم وادعولي كتير قوي لأن في عڈاب ..