حب مجهول الهويه 33
انت في الصفحة 5 من 5 صفحات
بتوعد وكان مغير صوته عشان معرفوش!!
طارق وهو بيضحك احلام نهدا كده يا حبيبتي لحد ما نخلص من الموضوع ده احنا خلاص قربنا وانا الايام دي معنديش وقت خالص اجيلك هنا كل شويه.. الافضل اكون بعيد عنك خالص.
احلام بزعل انا مش متخيله اني هقعد ايام لسه مش هشوفك فيها!
طارق وهو بيضمني معلش يا حبيبتي خلاص هانت وان شاء الله اول لما الموضوع ده ينتهي ليكي عند مفاجأة.
ابتسم وضمني وقال حاضر.
وبص في ساعة ايديه وقال انا لازم امشي دلوقتي اتأخرت اوي وعندي ميعاد مهم.
احلام مع مين
ضحك وقال مع واحد صحبي انتي متعرفهوش.
كتمت ضحكتي وبصتله بزعل ماشي يا طارق برحتك.
قام وانا كمان معاه وقالي وهو بيمسك خدودي وكأني طفله صغيره مش عايز اللي حصل ده يتكرر تاني.. مفهوم.
طبع بوسه على خدي وقال سلامة خدودك.
وبصلي اوي وقال تعرفي انتي وحشتيني قد ايه
اتكسفت من نظرته ليا وفهمت معناها وقولتله طارق حبيبي انت عندك ميعاد مهم متنساش صحبك اللي انا معرفوش.
ضحك وقال خلاص تعالي اتفضلي قدامي نطمن طاهر اللي رعبتيه ده.
مسك أيدي وانا كنت فرحانه اوي وانا ماشيه جنبه وسانده عليه وحاسه بأمان الدنيا كلها في وجوده ونفسي الوقت يقف وهو ميبعدش عني تاني وقربنا من طاهر اللي كان قاعد وخافض وشه في الارض وبسمه قاعده وشايله ابنها واول لما قربنا منهم طارق اتكلم بهدوء مع طاهر وقاله متقلقش خلاص يا طاهر احلام كويسه محصلش حاجة.
طارق وهو بيضحك معلش مرات اخوك بتحب تهزر شوية.
بصيت ل طاهر وقولتله كان هيحصل ايه يعني لو عرفتونا من الاول
طاهر رد وهو بيبص ل طارق والله الكلام ده تقوليه ل جوزك انا بنفذ خطته وبس.
بسمه قامت وقفت وقالت يا جماعه فهموني ايه اللي بيحصل انا مش فاهمه حاجة
بسمه بصتلي وانا هزيت لها راسي بمعنى اني هفهمها كل حاجة بعدين وطارق بص في ساعة ايديه وقال انا لازم امشي دلوقتي..
وبصلي وهو بيضمني وهمس ليا هتوحشيني.
رديت عليه وانا عيوني بتلمع بالدموع وانت كمان.. خلي بالك من نفسك وابقى طمني عليك كل شويه.
لما لقيته بيسلم على طاهر وخلاص هيمشي كنت حاسه ان روحي بتبعد عن جسمي وتروح معاه وخلاص مشي وطاهر دخل البيت تاني وانا مقدرتش اقف وجريت على الاوضة وانا ببكي واترميت على السرير وانا بدعي من قلبي انه يرجعلي بسرعه.. رواية حب مجهول الهوية بقلمي ملك إبراهيم.
طارق بصله بعمق وقاله للاسف في خبر وحش.. مرااتك وابنك اتخطفوا... بقلمي ملك إبراهيم.
.. يتبع
حبايب ملوكة اللي يقرأ البارت يحط لايك ويتفاعل ضروري جدا من فضلكم
