قبر جدي

اقفلوا أوضة المكتب بالمفتاح..خدت المفتاح منه وقفلت الأوضه..وكنا مستنينه يخلص..وبعد ماخلص خدنا وخرجنا من البيت..وروحنا عند قبر جدي..وابتدا يقول كلام غريب مش مفهوم!..فجأه قرب ابن عمي منه ومسكه من رقبته وقاله انت شكلك نصاب وبتحور علينا كلناايه علاقتك ب جدي وعايز مننا ايه 
..اتعصب منه صاحب جدي وقاله انا هنا بساعدكم!..لو مش عاجبكم همشي!..ولكن هتغرقوا من بعدي لو مشيت!..قاله وانت بتساعدنا بصفتك ايه..وهتاخد ايه أساسا من ورا مساعدتك لينا!..قاله انتوا اولاد أعز صاحب ليا!..وانا بعمل كده علشانه هو!..وعلشان كل الخير اللي قدمهولي طول ماهو عايش!.ولو مش عايزني انا همشي ومش هتشوفوني تاني..رديت انا وقولتله احنا محتاجينك تخلصنا من كل ده!.. واللي هتطلبه هننفذه! ..بصلي وابتسم وكمل!..وبعد ماخلص سمعنا صوت عالي في قبر جدي!..والقپر ابتدا يتفتح لواحده..واول مااتفتح طلعنا نجري وهربنا بعيد..جه ورانا صاحب جدي..وشاورلنا نرجع ولكن احنا رفضنا من شدة خوفنا!..وبعيد لقينا نفس العربيه بتاعت كل مره جايه ناحيتنا!..لحد ما صاحب جدي شاورلنا وقالنا اتحركوا
بسرعه!..طلعنا نجري كلنا ونزلنا في مكان تحت الأرض..فضلنا ماشيين فيه لحد ماوصلنا لمكان زي الجبل بس تحت الارض!..كان في شموع وأضواء..لحد ماجاب قطعة أثار كبيره..ولما شوفناها استغربنا وسألناه دي أثار بجد..قالنا ايوه بس دي متجيش حاجه في اللي موجوده في المنطقه عندكم!.. امال جدك عمل كل ده ليه..خدناها منه وفضلنا نبص فيها..وفجأه الحيطه اتفتحت وطلع منها صندوق صغير..قرب صاحب جدي وخده وفتحه وطلع منه ورقه..وخدنا وطلعنا فوق تاني!..لحد مارجعنا عند قبر جدي..وبمجرد اننا وصلنا..لقينا ڼار طالعه من قپره!..وفي حاجه خرجت ولكن احنا مش شايفينها بس حاسين بيها!..ولقيت حاجه بتشد الأثار والورقه من صاحب جدي..وهو بيعافر معاها!..هى تشد وهو يشد!..لحد ماطلع مصحف صغير من جيبه..ورفعه في وشها..وقرأ عليها بعض الآيات من القرآن..ورمى الورقه دي وسط الڼار..لحد
مااتحرقت!..شويه والڼار هديت..لحد ماقالنا ولعوا ڼار بعيد عن هنا..وخلي معايا واحد فيكم هنا.. راح ابن عمي مع زميلتي يولعوا ڼار هناك..وانا نزلت معاه في قبر جدي..لقيت چثه واحده بعيد..قربنا وشدناها..كانت تقيله تقل غير طبيعي..وحرارتها عاليه كأنها في فرن!..وبعد ماشيلنا الچثه
بكل صعوبه.. رميناها على الأرض..ووطى صاحب جدي وعرى وش الدجال..يادوب لمحت جزء من وشه ومقدرتش استحمل منظره!..وبعد مااتأكد انه هو..شيلناه وروحنا عند الڼار..وحدفناه وسطها!..والغريب هنا انه كان پيصرخ بأصوات مرعبه!..رغم انه مېت..فضلنا فتره طويله قاعدين عند الچثه لحد مااتحرقت تماما واتحولت ل رماد..راح صاحب جدي مطلع كيس ولم الرماد فيه..وخدنا وروحنا عند صاحب العربيه اللي كانت بتيجي!..وحط قطعة الآثار قصاد بيته من بعيد وصفر..ولما سمع صوت الصفير نزل وفتح الباب!.. كان لابس ماسك على وشه!.. ولما شاف الآثار طلع يجري عليها ياخدها وأثناء ماهو بيعدي.. كان عدى على..رماد الدجال.. وبمجرد ماعدى.. وقع على الأرض وجاتله تشنجات..راح صاحب جدي واخدنا ودخلنا بيته..ودخل جاب ورقه
وقالنا
دي لو اتحرقت كل حاجه هتتحل!..احړقوها.. وبعد ماخرجنا لقينا الراجل ده في وشنا..فضلنا نضربه كلنا ولكن هو كان أقوى مننا..لحد ماضربناه ووقع..وحرقنا الورقه دي..واول مااتحرقت..كان اختفى من قصادنا!..طلعنا نجري كلنا وروحنا عند قبر جدي..والحقيقه اننا المره دي لقيناه..فرحت وبعدين قفلنا على قپره بالطوب والطينه..وخدنا ورجعنا
بيت أهلي..وهناك كانوا اهلي قاعدين..ولما لقونا جايين قاموا وقفوا وسألونا كنتوا فين..قعدنا وحكينالهم على كل اللي حصل من البدايه للنهايه!..اتصدموا جدا من اللي قولناه ومحدش كان مصدق!..لحد ما فعلا صدقوا..وتاني يوم العيله اتجمعت في بيت جدي..ولأول مره نتجمع ومفيش حاجه تحصل..شكرنا صاحب جدي..وكل واحد اداله مبلغ من معاه مكافأه على اللي عمله..وبعد فتره وزعنا الميراث على العيله وكل واحد خد حقه وحياتنا رجعت زي ماكانت وأحسن من الأول..وعرفنا ان الجري ورا سكك الدجل والخرافه آخرتها الهلاك..زي ماحصل معانا وصابتنا اللعنه بسبب طمع جدي!
تمت