عاصم والقدر

ي بابلي مكنتش متوقعه كده معرفش سليم ماله مع أن عاصم والله ي بنتي طيب ومفيش منه لو تعرفوا اللي بيعملوا علشانكم مش هتعملوا معاه كده 
بابلي. هو فعلا طيب ي داده مع كل اللي بيحصل معاه مننا ومن سليم لسه بيتعامل معانا بطيبه ولو كان واحد غيره كان بقا مش طايقنا وكان قال أنا مالي يرجع المدرسه ولا أن شاء الله عنه ما رجع بس هو عمل العكس وسليم مش مقدر كده 
عايشه. روحي ي بنتي شوفي هتعملي اي وخلي بالك من اريان وغيث واهتمي بيهم لأن عاصم تعبان الايام دي وعايز اللي يهتم بيه 
بابلي. حاضر ي داده وانتي اهتمي ب عاصم وانا هشوف سليم 
عايشه. ماشي راحت عند عاصم بس لقتوه نايم سابتوه وطلعت وقفلت الباب بابلي كانت قاعده مع اريان وغيث وتذاكر ليهم وكانت بتلعب معاهم وتذاكر ل نفسها لحد ما اريان وغيث ناموا وراحت علشان تشوف سليم بس مكنش موجود دورت عليه في البيت كله بس مكنش موجود والوقت أتأخر وبابلي مش عارفه تعمل اي ولا عارفه سليم راح فين سالت عليه عايشه. بس قالت إنها متعرفش وكانوا قلقانين علي سليم اووي 
بابلي. هنعمل ايه ي داده وهنروح ندور عليه فين في اخر الليل وهيكون راح فين 
عايشه. معرفش ي بابلي اول مره يعمل كده معرفش الولد ده ماله وبيتصرف ليه كده 
بابلي. انا هطلع ادور عليه مش هقعد كده ومعرفش حاجه عن اخوي ولا حصله اي انا خاېفه عليه اووي وكانت طالعه من البيت بس وقفها صوت عاصم 
عاصم. بصوت عالي وهو نازل من علي السلم بابلي 
بابلي. بصت وراها وقالت عاصم 
عاصم. رايحه فين في نص الليل وازاي تطلعي في الوقت المتاخر ده 
بابلي. ريحه اشوف سليم فين ي عاصم 
عاصم. يعني اي ريحه تشوفي سليم لي هو فين 
بابلي. مش موجود في البيت وانا خاېفه عليه اووي ليكون جرا ليه حاجه 
عاصم. وانتي عارفه هو فين علشان تطلعي تدوري وتشوفي هو فين وخليكي طلعتي انتي عارفه ممكن يحصل فيكي لو طلعتي بره في الوقت ده 
بابلي. معرفش ي عاصم انا بفكر في اخويا وبس انا مليش غير اخواتي ي عاصم انا عايزه سليم 
عاصم. طيب اهدي انا هطلع اشوفه فين 
عايشه. بس ي ابني انت هدور عليه فين وحتي لو لقيته هيرضا أنه ياجي معاك 
عاصم. هدور عليه لحد ما القيه واهو علي الاقل نعرف هو فين ويرجع علشان خاطر اخواته ولو مرضيش ياجي معايا ف هو يرجع البيت وانا هسيب البيت انا مش هقدر اني اعيش في جو متوتر كده ومحدش متقبلني فيه ولو كان علي الميراث والأملاك ف انا مش عايز حاجه ومنه لله ابوي وحسبي الله ونعم الوكيل فيه ومشي وهو متعصب 
بابلي. بدموع اعمل ايه ي داده واحد هيرجع والتاني هيمشي انا مش عرفه بيحصل فينا كده ليه واريان وغيث اتعودوا علي عاصم وهو اللي شجعهم علي المدرسه وأنهم بقوا شاطرين وبيعملوا الواجب وبيذكروا ويروحوا المدرسه من غير ما يعيطوا ويقولوا مش عايزين نروح لما يعرفوا أن عاصم ممكن يمشي أو ماشي هيعملوا اي والبيه التاني اللي معرفش هو فين معرفش ليه مش طايق عاصم اووي كده مع أنه بيحاول يساعدنا ويكون معانا وهو مش مطر ل كل ده ما كان ممكن أنه يعاملنا بطريقه وحشه وقاسيه ويسبنا زي ما احنا وكان مرضيش يروح مع سليم ولا كان رجعه المدرسه وكان قدام ركان كان اهتم بينا كمظهر علشان ياخد حقه وبعد ما المهله تخلص يمشي. 
عايشه. اهدي ي بابلي أن شاء الله خير فكري في ايجابيه واكيد هتتحل ادعي انتي بس أنه يلاقي سليم ويرجعه 
بابلي. ي رب ي داده. 
علي الجانب التاني عاصم كان ماشي في الشوارع وعمال يدور علي سليم وينادي عليه علي امل أنه يسمعه ويلاقيه 
بس مكنش فيه فايده وفضل يروح شمال ويمين ويدور هنا وهناك واتصل علي ريان صاحبه وقاله أنه هو مش لاقي سليم وأنه عمال يدور عليه وريان راح عند عاصم وفضل يدور معاه لحد ما فجاه لقي مكان كده ضلمه ومش طالع منه غير نور بسيط وكان لاقي ناس كتير كانت عماله تحمل بضاعه فراح عندهم علشان يسألهم لو شافوا ولد صغير هنا بس لما راح وقرب منهم وكانت المفاجأة بالنسبة لي عاصم وهو أن سليم كان بيحمل مع الرجاله دي البضاعه ويشيل ويحط في العربيات وفي واحد واقف وعمال يقوله برافو عليك ي سليم طلعت قد المسؤولية والشغل . سليم. تشكر ي معلم غانم 
غانم. الا قولي ي واد ي سليم انت ليه مش بتاجي
تشتغل الصبح بدل بالليل 
سليم. علشان بروح المدرسه الصبح ي معلم وبعدين علشان محدش يعرف اني بشتغل 
غانم. يعني اهلك مش عارفين انك بتاجي هنا وتشتغل
ده انت بقالك مده حلوه معانا ازاي ميعرفوش
سليم. وهو بيشيل البضاعه ويحمل وقال اصل ي معلم