قصه كامله مشوقه

بعت الخاتم الالماظ بتاعي الي كنت لبساه معايا 75 الف 
رجعت البيت متأخر 
زعق انتي كنتي فين
_ أنا..
انتي اي وزفت اييي انتي خرجتي لي انتي عارفه لو حد كان شافك كان حصلك اييي أنا ناقص بلاوي
_ بلاوي! أنا كنت بس..
كنتي فين يمريم
_ كنت في المستشفى الي باباك هيعمل فيها العمليه 
المستشفي ليي
_ أنا دفعت مصاريف العمليه وقالولي أنها هتتعمل بكرة وشوفت باباك وقعدت معاه شويه أنا اسفه مكنتش اقصد اني اخليك تقلق أو اسببلك أي بلاوي أنا لازم امشي 
دخلت الاوضه وقفلت عليا مريم مريم افتحي 
أنا آسف والله لما جيت وملقتكيش افتكرت إن أي حد تبع باباكي جه وخدك والضغط الي انا فيه هو الي عامل فيا كده انتي عمرك ما سببتيلي أي بلاوي بالعكس أنا مش عارف اشكرك ازاي 
فتحت الباب _ وانا فعلا مكنتش اقصد اخليك تقلق
متزعليش مني حقك عليا وبعدين أي الي خلاكي تدفعي الفلوس أنا كنت هتصرف 
ضحكت _ هما سلف أي
فلوس تجيلك تحوشها بقي عشان عاوزة فلوسي 
انتي طيبة اوي يمريم 
_ اهم حاجة باباك إن شاء الله يبقي كويس ولو أنا طيبه ف اتعلمت دا منك عاوزة شاورما يا احمد أنا جعانة 
تتجوزيني 
_ اييي 
تتجوزيني 
_ اييي
معتش ينفع نقعد سوا من غير اي مسمي كده 
_..
مټخافيش هيبقي علي ورق بس
_ طب وبابا!
انتي مش عاوزة ترجعيله يعني هتفضلي هنا 
_ طب ولو عرف مكاني! انت ساعتها مش متخيل ممكن يعمل اييي
مش عاوز اتخيل عاوز نتجوز عشان اضمن انك تفضلي موجودة 
_ نعم
مش احنا صحاب واقرب اتنين لبعض وكل واحد ساعد التاني في وقت كان التاني محتاج اي طوق نجاه
_ أيوة بس..
بس اييي
_ هنتجوز ازاي
هجيب مأذون بكرة وهيبقي جواز شرعي بس اتطمن علي ابويا الاول 
_ إن شاء الله هيبقي كويس 
يا رب يمريم ادخلي نامي دلوقتي
_ احمد 
نعم 
_ باباك طيب اويي ربنا يخليهولك 
يا رب وربنا يحنن قلب باباكي ويعرف إن معاه اجمل بنت ممكن الواحد يكون ابوها
_ انت بتعاكس ولا اييي!
لما نتجوز هعاكس براحتي يستي
_ هيبقي علي الورق متظطش 
خشي نامي يمريم واتمسي وقولي يمسا
ضحكت وقفلت الباب دخلت وانا مش مصدقة أنه طلب مني الجواز! طول عمري بقرأ عن الحب البطل الي حب البطلة اول ما عينه وقعت عليها أو لما جمع بينهم موقف أو اتنين صدفة كنت شيفاها قصص عيالي اويي وملهاش علاقه بالواقع بس بتهيقلي أنا بقي عندي احسن قصة حب في الدنيا .
نمت وصحيت كالعادة علي صوت خبطه علي الباب قومت فتحت واختارت معاه لبسه زي ما كنت بعمل لمدة شهر مشي وانا مستنياه يرجع يطمني علي باباه الليل ليل ولسه مجاش بدأت اقلق رنيت عليه مردش نمت علي الكنبة ڠصب عني وصحيت علي صوت كركبة برا 
يعم الشيخ بقولك امشي علي طراطيف صوابعك
صوابع أي ورجول أي انت عبيط يبني
لو حد عرف في الحارة اني بتجوز هتفضح استر عليا
وهو الجواز اليومين دول ڤضيحة 
يعم الشيخ اسمع كلامي هرقع بالصوت والله 
انت متاكد انك بحالة عقلية تسمح لك بالزواج
انت جاي تسألني في بير السلم عن حالتي العقلية اطلع يشيخ من غير صوت بدل ما حد يجي يشوفنا ف نتشبه 
طلعوا بالراحة وانا عمالة اضحك وانا سامعة كلامه سيبت الباب موارب ودخلت الاوضه لقيته جه ورايا 
المأذون برا 
_ بس انا لسه بفكر
وحيات خالتك الراجل مش طايقني برا بقولك
انت يبني ورايا افراح في العلن يبني مينفعش كده 
ما احنا مش خطيئه يعم الشيخ في أي حاضر!
ضحكت وجبت بطاقتي وخرجت معاه كتبنا الكتاب ومحدش عارف غيرنا! من غير زغاريط ولا فستان ولا قاعة بس انا مبسوطة ودا المهم .
المأذون مشي ف رجع بصلي اخيرا بقينا لوحدنا 
قلع الجاكت _ احمد انت اټجننت!
اخيرا جت اللحظة 
_ لا دا انت محتاج تفوق 
اخيرا اللحظة الي كنت مستنيها من زمان أنا وانتي في الشقه و..
_ واي واي اهدييييي
الجو مش سقة معتش هلبس جواكت يمريم!
_ ايييي
امال أنا قالع الجاكت لييي ما الدنيا حر 
_ اه
غمر انتي كنتي فاكرة اييي
_ باباك بقي عامل اييي
الحمد لله العمليه نجحت والدكاترة طمنوني عليه هيفضل في المستشفى يومين تلاتة يتابعوا حالته وهيخرج بعدها إن
شاء الله
_ الف مبروك يا احمد ربنا يخلهولك
قرب مني ويخليكي ليا يا رب 
_ هتعملي مكسوفة لا صحصحي معايا كده 
في أي