قصه ممتعه
ودايما بيجي للولاد هنا كان الاول بيجي بزوجته الله يرحمها بس بعد ۏفاتها بقي يجي لوحده
زوجته!!!هو هو متجوز .......
كلامها كان غريب بالنسبة ليا صعب انك تغير اول فكرة اخدتها عن شخص وكانت فكرتي عنه انه مجرد
انسة نور انت فين
هاا لا انا معاكي اهو تمم تسلمي يامس سلمي انت اتفضلي وانا هبدأ مع الولاد
كان يوم في منتهي اللطف يمكن عشان شوفت فرحة الاطفال ومعاهم الالعاب او عشان فهموا مني وكانوا متحمسين اوي
وبصراحة دخلت اول مرة اشوفها بتفحص كده لان المرة الي عدت كان كل همي اطهر الچرح عشان ميلتهبش
فضلت اتفرج علي الاوضة كانت غامضة زيه بص كأنها حزينه زيه برضه ولقيت صورة جنب السرير وبصراحة نفس الفضول الي دخلني الاوضة خلاني اقرب عشان اشوف الصورة بس دي......
دي شبهي اوي مش معقول دي دي نسخة مني
مفيش داعي بس ياريت تتفضلي عشان عايز انام
خرجت وانا في منتهي الاحراج من نفسي ومن الي عملته وبرضه مصډومة ان في حد شبهي كده
برضه معرفتش انام وفضلت اليل كله افكر هي ازاي شبهي كده طب وسبب انه ينقذني في المرتين معقول لاني شبه مراته يارب انت الي عالم بحالي وغني عن سؤالي اهدي لي قلبي وابعده عن الضلال يارحمن
كان شباك اوضته مفتوح وكان ساجد وبيبكي ياربي بكاء طفل انا جسمي كان مقشعر من الموقف
مش قادرة اوصف اد اي كنت مزهولة
اولا لاني مكنتش اعرف انه مسلم
ثانيا قلبي انفطر علي بكاه كان عامل زي الطفل وهو بيناجي ربه بس اللهم بارك كان في منتهي الجمال محبيتش اقف اسمع هو بيقول اي محبيتش اتدخل في خصوصيته مع ربه
رجعت اوضتي تاني وصليت وبكيت ونجيت ربي انا كمان ناجيته انه يبرد قلبه ويريح باله وانه يزيح همه
انت يا جاموسة حرام عليكي مش كل محاضرة كده هتفوتنا بسببك قومي بقي
يووووه طيب طيب ياشيخة منك لله يكرمك بقرة عين كده تطلع عينك بأذن الله
ياختي ياريت هو فين ده وانا الي هديلو عيني من غير ما يطلب
الله يهديكي روحي ياختي البسي ومتنسييش الشندوتشااات هااا
احنا وخارجين من الاوضة كان هو كمان طالع لقيته بيبتسم لينا وبيقول صباح الخير
اححم صباح النور انا كنت حابة اعتذروالله مكنتش....
خلاص الحمد لله ولعله خير في كسرها وانا والله مش زعلان
ماشي ياست فاطمة اديني هشتري
عم محمد اخبارك اي ياعمو اي الغيبة الكبيرة دي
في نعمة يابنتي اللهم لك الحمد انت عاملة اي مرتاحة في الاوضة
الحمد لله والله ياعمو ماشي الحال
شكلك لسه راجعة من الشغل
اه والله ياعمو ورايحة اشتري سحور ليا انا وفاطمة
لا بقي سحور اي انتوا معزومين علي السحور والفطار كمان
