كارمن 26

وتحدث الي جده بقوة
لو سمحت يا جدي.. من اللي اللحظة دي متدخلش في حياتي مرة تانيه.
حاول الجد الحديث معه وتهدأته لكن رشيد تركه وذهب بخطوات مسرعه جلس الجد بحزن وندم على ما فعله بحياة حفيده.
صباح اليوم التالي.
بداخل شقة سهير.
دلفت الخادمة غرفة نوم سهير وتحدثت اليها بهدوء
مدام.. حارس الامن بتاع العمارة عايز حضرتك برا.
تحدثت سهير بصوت ناعس وهي نائمة
قوليله يبقا يجي في وقت تاني وسبيني انام.
تحدثت الخادمة
قولتله كده وهو مصمم يقابل حضرتك ومش راضي يمشي!
زفرت سهير پغضب وقامت من فوق الفراش وارتدت الروب الحريري وخرجت من الغرفة وهي تزفر پغضب واستقبلت الحارس بصوت حاد
خير عايز ايه.. ايه الموضوع المهم اللي مطلعك هنا بدري كده!
خفض الحارس وجهه ارضا واجاب باحترام
انا بعتذر لحضرتك جدا يا مدام بس صاحب الشقة عايز فلوس الإيجار.
زفرت سهير پغضب وجلست تتناول احدى السچائر 
مش انا قولتلك خليه يصبر عليا شويه.. في فلوس هتتحولي من ايطاليا واتأخرت شويه!
تحدث الحارس باحترام
والله انا قولتله الكلام اللي حضرتك قولتيه ده وهو رافض التأخير وقال ان الفلوس لازم تندفع النهارده ضروري او تسيبي الشقه.
تركت علبة السچائر من يديها وتحدثت بنبرة حادة
يعني ايه اسيب الشقه لو مدفعتش!.. هو اټجنن ده ولا ايه!!
تحدث الحارس باحترام
والله يا مدام صاحب الشقه اللي قال كده وانا كنت عرفت حضرتك قبل ما نمضي العقد ان صاحب الشقه دي مش بيقبل اي تأخير.
ڠضبت سهير واردفت بعصبيه
يبقا تبلغه اني مش هسيب الشقه وڠصب عنه لازم يصبر عليا لحد ما تجيلي فلوس!
تحدث الحارس
خلاص يا فندم انا هبلغه برد حضرتك وانتوا احرار مع بعض.. عن اذن حضرتك.
خرج الحارس وهو يزفر پغضب وقفت الخادمة تفكر بقلق ماذا لو تركت الشقه ولم تعطيها راتب عملها طوال الشهر
اقتربت منها الخادمة وتحدثت بقلق
انا اسفه يا مدام بس كنت محتاجة المرتب بتاع الشهر عشان محتجاه ضروري.
انتفضت سهير من مقعدها وتحدثت اليها بانفعال
هو انتي مبتفهميش.. مش شايفه اننا ممكن ننطرد من هنا عشان مش معايا فلوس الإيجار!
تحدثت الخادمة پصدمة
انا مليش علاقة بالايجار يا مدام انا ليا مرتب ولازم اخده!
تحدثت سهير بعصبيه
وانا هجبلك فلوس المرتب بتاعك منين دلوقتي! خليني اشوف حل اخرج من المصېبه دي!
نزعت الخادمة ما ترتديه وتحدثت باصرار
يبقا انا مش هينفع اكمل شغل مع حضرتك علي النظام ده.. انا عندي ظروفي متسمحش اني اشتغل من غير ما اخد مرتب ثابت.
انفعلت سهير پغضب
خلاص غوري في ستين داهية.
تركتها الخادمة وخرجت من المنزل بعد ما اخذت متعلقاتها الشخصيه جلست سهير تذفر پغضب وټلعن الفقر الذي يركض خلفها كلما اردات العودة الي حياة الثراء.
بعد عدة ساعات. دق جرس الباب وذهبت سهير لتفتح الباب.
سهير افندم
زوجها السابق ايه يا سوسو.. بتفتحيلي الباب بنفسك!
دفعها بعيدا عنه وتقدم الي الداخل شهقت سهير من دفعه لها وجراءته وتحدثت اليه پغضب
انت ايه اللي جابك هنا دلوقتي! ياريت تمشي دلوقتي عشان انا مش فيقالك خالص.
تحدث اليها ببرود
انا جاي اخد فلوسي وماشي!
سهير بعصبيه
وانا معنديش فلوس.
اقترب منها وامسك بذراعها پعنف
انتي هتلاعبيني ولا ايه يا سهير مش انتي قولتيلي اجي اخد الفلوس اللي انا طلبتها! جايه ترجعي في كلامك دلوقتي.
ابتعدت عنه وصړخت به
قولتلك مفيش فلوس.. انا هترمي في الشارع عشان مش قادرة ادفع الإيجار وانت جاي تقولي فلوس.. وبعدين كفايه اوي فلوسي اللي انت سرقتها زمان.
اقترب منها وامسك بخصلات