كارمن 29
بداخل غرفتها تحمل ابنها وتنظر اليه وقلبها ينبض بالحياة وكأنها ولدت معه من جديد.
عاد فراج الي الدوار واخبر جده بمۏت اللواء نور الدين الجبالي منذ عدة أشهر وسفر عائلته جميعا الي خارج مصر.
بعد مرور ثلاثة اعوام على فراق كارمن ورشيد. استطاع رشيد تأسيس عمل ضخم يشاركه به والده في احدى الدول الاوروبيه استقر في العيش هناك ولم يفكر في العودة. كبرياءه يمنعه من العودة او معرفة اخبارها كلما فكر بها يتذكر حديثها وكلماتها القاسيه التي جرحته واهانته كثيرا امام عائلته وعائلتها.
جلست كارمن بجوار عمتها وداد يرتدون الثياب الأسود حزن على ۏفاة الحاج عبد الرازق منذ شهرين.
تحدثت كارمن الي عمتها بهدوء
لو سمحتي يا عمتي كنت عايزة اتكلم معاكي في موضوع مهم واستنيت يعدي على مۏت جدي الفترة دي عشان اعرف اتكلم معاكي.
استمعت اليها وداد باهتمام
تحدثت كارمن
انا من بعد مۏت جدي وانا بفكر ان انا لازم امشي من هنا.. عايزة ارجع القاهرة تاني.
تحدثت وداد پصدمة
ليه يا كارمن في حد زعلك في حاجة يا بنتي!
تحدثت كارمن
لا طبعا يا عمتي مفيش حد زعلني ولا حاجة بس انا مش مرتاحة كده.. وخصوصا ان وجودي عامل مشكله ل ازهار.. انا فاهمه يا عمتي وعارفه ان ازهار بتحبني بس مضايقه من موجودي انا وعمر هنا وطول الوقت خاېفه وغيرانه علي جوزها وبصراحه ده حقها.. انا والله مستحيل ابص ل فراج لاني بعتبره اخويا مش ابن عمي وبس.. لكن ازهار ست ومن حقها تغير وتخاف علي جوزها وخصوصا لما يبقى في ست مطلقه عايشه معاهم في نفس البيت.
مش عارفه اقولك ايه كارمن.
تحدثت كارمن برجاء
قولي ان انتي موافقه يا عمتي.. عشان خاطري وخاطر ازهار.. كده كلنا هنرتاح.
وهتعيشي هناك لوحدك ازاي يابنتي
تحدثت كارمن
هعيش في شقتي يا عمتي اللي كنت متجوزة فيها انا ورشيد.. رشيد كان كاتبها بأسمي والشقه مقفوله من يوم ما سبتها.. وكمان بفكر اعمل مشروع بفلوس الارض بتاعي.
نظرت اليها عمتها بتفكير وتحدثت بحزن
ابتسمت كارمن وهي تتذكر كم كانت فتاة ساذجة بالماضي وتحدثت بثقة
متقلقيش يا عمتي.. انا مبقتش العيله الصغيره بتاع زمان..
انا دلوقتي ام وبربي ابني لوحدي.. يعني لازم اكون له الام والاب واقدر احميه واحافظ عليه وعلى فلوسي.
تحدثت وداد بقلق
بس هتقدري تشتغلي ازاي يا كارمن وتعملي مشروع وابنك لسه صغير ومحتاجك يا بنتي!
تحدثت كارمن بثقة
انا فكرت في المشروع خلاص يا عمتي.. انا هفتح مطعم وكافيه وهيكون فيه كيدز اريا للاطفال عشان اقدر اخد عمر معايا كل يوم وميحسش بملل هناك وفي نفس الوقت اقدر اتابع شغلي وابني قدام عيني.
تحدثت وداد بابتسامه
ربنا يوفقك يا حبيبتي وان شاء الله يوسع عليكي ويباركلك في ابنك ويعوضك عن كل اللي فات.
ابتسمت كارمن وعانقت عمتها بسعادة وهي تشعر بالراحة بعد دعاء عمتها لها.
عادت كارمن الي القاهرة ومعها ابنها وقفت أمام باب
