نبويه الفولي

الشرطة دخلت مكتبه لقوه واقع على الأرض وعينيه مبرقة وبؤه مفتوح على أخره ولأن القصة دي كانت جدلية أوي متنشرش عنها كتير بس أنا واللي معايا في المستشفى عرفنا كتير.

عرفنا إن الشرطة لما دخلت مكتبه ولقوه مېت لقوا في مكتبه چثة بشړية كانت محروقة وكتب سحر كتيره جدا بخور مولع ودم مرمي على الحيطان وجوه المكتبة بتاعته لقت الشرطة تراب كتير ورملة ورجحوا إن التراب ده من المقاپر وبعد تحقيقات وتشريح وبحث مقدروش يعرفوا الچثة المحروقة اللي كانت في مكتبه بتاعت مين وهل هو اللي قټلها وحرقها مثلا ولا جابها من المقاپر الله أعلم.

طبعا لأن الساحر راجل اللي وقف على تغسيله بعد تشريحه تلاته رجالة من اللي كانوا شغالين معانا التغسيل عدا بشكل طبيعي.. لأن الړعب كله بدأ بعد ما الچثة خرجت وراحت للمقاپر كنا كل يوم في نفس توقيت تغسيل الچثة نلاقي الأنوار بتشتغل وتطفي لوحدها نسمع أصوات مرعبة وعالية بتتفجر من كل حتة نشوف خيالات بتجري جوه الأوضة وحمامات الدور كله
بلغنا إدارة المستشفى طبعا مديرة المستشفى دكتورة ماجدة اللي كانت موجودة وقتها مصدقتش اتهمتنا بالجنون وقررت تقضي معانا يوم في دور أوضة التغسيل بمجرد ما شافت النور بيطفي وبيشتغل وسمعت الأصوات جريت على مكتبها وطلعت قرار تاني يوم بمنع طاقم المستشفى بأنه يدخل الدور ده وفضل الدور مقفول لوقت كبير لحد ما المستشفى فتحته جددته وجابوا كذا شيخ يقرأ فيه قرآن كريم والحمدلله الدنيا هديت.
كل البلاوي اللي حضراتكم سمعتوها دي عدت لحد ما حصل اللي غير مجرى حياتنا في القرية عدت السنين عليا في شغلي ومكانتي طبعا زادت لما سني كبر بقيت بس بشرف على عمليات التغسيل وفي يوم جاتلنا المستشفى چثة لبنت غرقانة مكملتش 18 سنة اسمها سعدية بنت عرفة العشماوي
عمدة القرية اللي عايشين فيها أو سيادة العمدة زي ما الناس بتقوله من حبها فيه راجل تقي بېخاف ربنا مافيش حد طلب منه مساعدة في مرة ورده.
علشان كده القرية والقرى المحيطة كانوا حرفيا حزانى على الحاډثة دي وأنا وطاقم المستشفى كنا مهتمين بكل الإجراءات وطبعا لأن المۏتة مكنتش طبيعية النيابة حققت بعدها الچثة اتشرحت والدكاترة ملقوش فيها شبهة جنائية.. بعدها الچثة جاتلنا وأنا نزلت بنفسي ومعايا صفية علشان نغسل الچثة يومها كانت الساعة 5 الفجر في شهر ديسمبر الجو ساقع الدنيا هادية التمرجية جابولنا الچثة حطيناها فوق ترابيزة التغسيل وصفية راحت جابت الصابون والمياه وأنا قربت من الچثة وقولت بصوت هادي
السلام عليكم يا عروسة السماء اسمحيلنا نغسل جسمك الطاهر.. السلام على روحك الطاهرة ربنا يرحمك ويسكنك فسيح جناته.
صفية بصتلي وابتسمت لأن دي طريقتي في تغسيل الچثث لازم أرمي عليهم السلام بعدها مسكت الصابون وقماشة مصنوعة من القطن مشيتها على جسم البنت حقيقي قلبي كان بيتقطع لأنها جميلة شعرها كان أصفر بيضاء وشها بشوش زي الأطفال. كملت تغسيل وصفية راحت شغلت قرآن ورجعتلي تاني.. بعد ما خلصت صفية مسكت كوباية مياه وقبل ما تغسل الچثة حطيت إيدي فيها واتأكدت إنها دافية احتراما لجسد المېت ولما صفية خلصت قالتلي

ميس نبوية أنا هروح أجيب العطور والمسک اللي جابهم العمدة.
ماشي وبلغي العمدة إننا خلصنا علشان لو هيحضر نفسه لحاجة صحيح هو حالته إزاي دلوقتي 
حاضر حالته صعبة مش قادر يمشي ومراته السكر علي عليها مقدرتش تنزل من بيتها.
لا حول الله ربنا يصبرهم.
بعد إذنك.
صفية مشيت بعدها شيلت الصابون وكوباية المياه لاحظت إن التسجيل اللي مشغلين عليه القرآن اطفى بصيت عليه لأن كنت مدية ظهري للچثة ولاحظت إن في صوت ورايا لفيت براسي لاقيت چثة البنت قاعدة على ترابيزة التغسيل ومدلدلة رجليها
يتبع