فرصه تانيه الفصل الاول
انت في الصفحة 1 من 9 صفحات
زياد اتفضلى ادخلى
منة فى نفسها هو ماله قلب وشه كده ليه فين الضحكه اللى كانت من الودن للودن هل انا عملت حاجة غلط مثلا
دخلنا ولقيته قعد وندهالى اقعد
زياد بصى بقا يا منة انا اسف فى اللى هقوله بس لازم تعرفى الحقيقة انا مش بحبك انا اتجوزتك بس عشان ارضى امى لانها كانت بتحبك ومصممة عليكى لكن انا بحب واحدة زميلتى بالبنك
زياد المواضيع دى مفيش فيها هزار ع فكرة المهم متقلقيش هما ٦ شهور بالكتير وهطلقك عشان مظلمكيش
منة تظلمنى لا ابدا اتجوزتنى ڠصب ومعرفتنيش بالموضوع من قبلها عشان تسيبلى حرية الاختيار وكمان ٦ شهور وهطلقنى فين الظلم ده عن اذنك
دخلت الاوضة ورزعت الباب بس رجعت فتحته وقولتله ع فكرة انا كمان مجبورة عليك عشان امى مش حب فيك
زياد ايه ده انتى لسه لابسة الفستان ليه
منة معرفتش اغير وبعدين انت مالك اصلا
منة ميشغلنيش ع فكرة اناا معرفتش هستنى لما مريم تيجى وتساعدينى
لقيته بيقرب منى وانا ببعد عنه لحد ما خبط بالحيطة توهت فى عينه وانا مش حاسة بحاجة خالص يخربيت ام جمال عنيه بجد مفوقتش غير ع صوته وهو بيقولى ..زياد خلاص ممكن بقا تدخلى تغيرى
طلعت اجرى من ادامه غيرت هدومى لبست اسدال صلاة وطرحة وطلعت تانى
منة اومال المفروض البس ادام حضرتك ايه يعنى
روحت شربت ودخلت اوضتى تانى لحد ما سمعت باب الشقة ببخبط وسمعت صوت ماما واختى ومامته غيرت بسرعة ولبست عباية استقبال تايجر وسيبت شعرى وخرجت
ساعة ما شوفتها بلمت البت كانت صاروخ يخربيت ام كده دى هعيش معاها ازاى كده بس
فاطمه يا اخواتى بنتى قمر يا ناس طالعة لامها
فاطمه ها طمنينى الواد ده عامل معاكى ايه ها قوليلى لو عمل حاجة اقرصلك ودنه
منة بابتسامة صفرا ده ده ملاك وفى سرها استغفر الله العظيم ع الكدب
مريم بعد ما ميلت عليا بت مالك شكلك مش مريحنى انتى كويسة بجد
كنت ھموت واحكيلها بس مسكت نفسى وقولتلها ابدا يا قلبى يمكن عشان منمتش كويس
زياد انا جعان اوى
منة طيب
زياد هو ايه اللى طيب تعالى حضرى ليا الفطار
منة ليه انت اتشليت
زياد الملافظ سعد يا بومة بس مش المفروض انك مراتى
منة ع الورق وبس يا برنس
زياد ولو بس برضه ع ذمتى وده واجبك
نفخت بضيق ودخلت غيرت هدومى ولبست طرحة وبعدين دخلت المطبخ اجهزله الفطار وبعدين حطيته ع السفرة ومشيت
زياد مش هتاكلى
منة وانت اللى يشوفك يجيله نفس للاكل وفى نفسها سامحنى يارب ع الكدب واقعة اوى البت دىعدى اليوم وسمعت الباب بيتقفل عرفت انه نزل بس اتأخر اوى يا ترى كان فين ومع مين وبيعمل ايه اول ما جه خرجتله وانا متشاطة ڠضب وقولتله
منة كنت فين يا بيه الوقت ده كله ومع مين
زياد ابدا كنت...... انتى مالك اصلا انتى هتحققى معايا ولا ايه اسمعى يا بت انتى من هنا ورايح حسك عينك تعلى صوتك عليا تانى ومتسألنيش بعد كده انت رايح فين وجاى منين وكذلك انا برضه تمام
الدموع اتجمعت فى عيون منة بسبب زعيقه لكن مسكت نفسها وقالتله وانا مبسألش حبا فيك ولا خوف عليك بس حضرتك نزلت يوم الصباحية والناس هتتكلم عليا انا بعد اذنك
اخدت بعضها دخلت اوضتها وقفلت ع نفسها لما شوفت دموعها صعبت عليا كنت هروح اعتذرلها بس لقيت فونى بيرن
زياد ايه يا ايسو وحشتينى اوى
اسراء بزعيق بقالى اكتر من ربع ساعة برن عليك وانت مبتردش ايه كنت بتخونى مع مراتك
زياد ههههههههههه وربنا ضحكتينى وانا مخڼوق يخربيت شيطانك يا شيخة
اسراء انا مبهزرش ومقولتش حاجة تضحك ع فكرة
زياد جرى
ايه يا ست البنات اهدى كده
