ابنة القاضي والفتي الصغير
مش قبل ما اعرف بتقراي ايه
_هيكون ايه يعني بقرا روايه
_يادي الروايات اللي كلت دماغك
_بحبها يا اخي
_والله محظوظه الروايات دي
_ليه بقى
بص في عيوني _عشان بتحبيها طبعا
_والله طيب اطلع بره يا نادر ل نادي ل ماما واقولها بيعاكسني !
_طيب وايه الجديد مش فاكره لما ناديتي عليها وبعدها ضربتنا احنا الاتنين
ضحك_ اعيش واغلس عليكي بقولك ايه
_ايه
_خدي اقراي الروايه دي
_ايه الروايه دي اسمها غريب يعني ايه ايكادولي
_اقرايها ووقتها هتعرفي معناها
_اممم ماشي
_لما تعرفي قوليلي
_اوكي
_طيب سلام بقى
طلع وانا كملت الروايه بتاعتي عشان بحبها اوي خلصتها وقعدت اسمع اغاني بهدوء .
_ها عايز ايه
_حتى في الموبيل غلسه
ضحكت _عايز ايه بجد
_قراتي الروايه
_ لا لا
_ ده انتي مش غلسه ده انتي بارده كمان يا بارده
_يا عم اخلص هبقى أقرأها خلاص
_طيب ابقى اتصلي بيا بكره عشان عندي شغل و متأخرش
_ليه بقى ما انت معاك المنبه
_طيب افرض قفلت عليا
_ما انتي هترني عليا لحد اما اقوم
_ليه بقى انا مش غلسه
_يعني انتي غلسه في كل حاجه وجايه على الحاجه المهمه وتقولي لا
ضحكت_خلاص خلاص متعيطش هبقى اصحيك
_سلام
قفلت معاه وانا بضحك عليه اوقات بيكون زي الطفل بالظبط وأوقات مش بعرف اتعامل معاه خالص !
تاني يوم قومت من النوم ورنيت عليه اول مره مردش وبعدها رنيت مرتين وبعدها رد
_انت نايم فين يا ابني
_في بيتنا هيكون فين !
_مش قصدي كده يا ذكي قصدي يعني عماله ارن عليك وانت مش بترد انت نايم في مية البطيخ
_ لا مية الاناناس يا حبيبتي شكرا على المكالمه
قفلت معاه وانا مندهشه هو كلمة حبيبتي دايما بيقولها انا قلبي دق ليه دلوقتي
_ايه يا زفت
_انزلي يا زفته تحت انا مستنيكي
_ليه بقى إن شاءالله
_البسي وانزلي بسرعه عشان هاخدك معايا الشغل
_شغل ايه ده لا انا هروح شغلي
_هتروحي معايا الشغل وترجعي لوحدك ما انا مستحيل اسيبك ترجعي لوحدك متأخر
_لا
زعق _ عارفه لو منزلتيش هطلع اجيب من شعرك زي الاول
قفلت في وشه ولبست ونزلت بعد ما قولت ل ماما بعدها لقيته واقف
_يلا امشي يا هانم
_على فين
_هنروح الشغل هنروح فين يعني
_وانا هشتغل معاك
_انا وانتي هنشتغل في شركه واحده فهمتي
_امم
وصلنا الشركه ودخلنا بعد ما قدم ورقي وبعدها قعدت في المكتب اللي قصاده
_خلصي كل الورق ده من غير مرقعه
_هنبتدي أوامر بقى خليك في شغلك
قعدنا نشتغل وانا مركزه تماما عجبني شغلهم اوي بعدها بصلي
_بما انك مش بتحبي القهوه تشربي عصير
_ما تقعد تشتغل
_محتاج قهوه ها هتشربي
_اهه هشرب عصير مانجا
_ تمام
خرج عشان يجيب القهوه والعصير وبعدها لقيت واحد شد الكرسي وقعد قصادي وابتسم
_انتي جديده هنا صح
_اهه
_انا وائل زميلك هنا
ابتسمت _اتشرفت بمعرفتك يا استاذ وائل انا جنة
_نورتينا يا استاذه جنة والله
ايمان_صالح
لسه هرد عليه لقيت نادر داخل متعصب وحط العصير قدامي وبصله پحده
_فيه حاجه يا استاذ وائل
_ها لا مفيش بس كنت بتعرف على الاستاذه جنه
_تتعرف على الاستاذه جنه ! واتعرفت
_ اهه اتعرفت عليها هي جدعه و
_يلا اتفضل على مكتبك بقى عشان عندنا شغل
وائل مشي وهو بصلي بعصبيه
_هو انتي اي حد يكلمك تكلميه كده
_انا متكلمتش غير لما عرفت أنه زميل معانا هنا
_والله وده عادي كده زميل يبقى تكلميه
_وانت زعلان ليه يا نادر
_اول واخر مره تتكلمي مع حد كده ولا تضحكي في وشه حتى
_هو انا اللي روحت عنده
