قصه رائعه

بس ده لما أكون أديت حق نفسي مش أول ما أفتح عيني.
إنتي ياستي شخصية عاقلة مش زيي أنا واحدة دماغي مطرقعه ومش هينفع معايا الجو ده.
_طول مانتي شايفة كده مش هتعملي حاجة السوشيال مبسوطة منك عمالة تجيبي أرباح للبلوجر والصفحات والأخبار اللي مش مفيدة وإنتي يا بائسة قاعدة تتفرجي وتقولي حياتهم مثالية ليه!
ما حياتهم مثالية علشان البائسين اللي زيك سابوا حياتهم وقعدوا عالإنستا يشوفوا البلوجر دي إتجوزت ودي سافرت قارات مش موجودة عالمجرة أصلا ودي سافرت الصين. ورجعت في نفس اليوم ودول إتجوزوا ودول إتطلقوا وده فرحهم كان كبير وده فرحهم صغير وشوف الفستانين بتوع الفرح!

خلص يومك وهما خدوا الفلوس عملوا بيها اللي إنتي بتتفرجي عليه ويكون سبب بؤسك أهو دفعتي تمن بؤسك بنفسك وبقيتي بائسة وغبية ومناخيرك بقت حمراا من كتر مانتي كلاون أنا مش بقلل منهم أنا كمان مش هنزل غير المثالي عن حياتي وإنتي كمان بس الفكرة إنك تكوني فاهمة إن فيه عالم ورا الكاميرا فيه حياة متعرفيش عنها حاجة ولا ليها علاقة بالصور والفيديوهات عيشي حياتك وقدري وقتك السوشيال مليانة كورسات مليانة حاجات كتير مفيدة بتساعدنا وتخلينا نقدر نروح في عالم تاني إستغلي المفيد والباقي يستي مش هقولك إمنعي إنك تتصفحي بس بالمعقول له وقت معين مش هو اللي مسيطر على وقتك!
مش عارفة خاېفة حاسة الكلام سهل بس التطبيق صعب وبعدين أنا بسمع فيديو بالعافية بمل أوي.
_طب إنتي عارفة هقولك حاجة ومتتنمريش يمكن إنتي أول حد يعرفها.
حاجة إيه
_أنا بدأت كورس وأنا بعمل بسلة مع ماما.
بسلة
_والله بسلة كنت حاطة الهاند فري في ودني وبسمع كنت بغسل المواعين وبسمع حاجة مختلفة أكنس الشقة لماما أنشر الغسيل كل ده وأنا بسمع بدل ما كنت بسمع أغاني بقيت أسمع بودكاست أسمع أى حاجة مفيدة مع الوقت لقيت مخي مختلف حتى شغل البيت اللي كنت بحسه أصعب شئ بقيت أنا اللي بدور عليه لأن مبعرفش أقعد هادية راسية كده أسمع فيديو بقيت أسمع وأنا بطبخ وبشتغل!
يعني أغسل المواعين وكمان أسمع بودكاست إيه البؤس ده إيه وصلك لكده يابنتي إحكيلي بس!
_أنا اللي وصلت نفسي لنفسي لو محاولتش أحل كل عائق ليا في طريق نجاحي وبطلت أعذار مكنتش هبقى قاعدة هنا ولا بسمعك!
أنا مكنتش بستحمل أسمع عشر دقايق بس كده بقيت أسمع محاضرة فوق الساعتين عادي وبقيت أستمتع بشغل البيت بعد ما كان أرخم حاجة بالنسبالي دلوقتي بزعل لو الشغل قليل!
سكت شوية وبدأت أفكر في كلامها.
إنتي حد قالك قبل كده إنك عندك مهارة الإقناع
ضحكت بمكر وقالتلي
_كلهم بيقلولي كده.
أنا حاسة إن إتحمست إن عاوزة أجرب بيجي في بالي دلوقتي حملة ليه لأ
_ليه لأ فعلا!
هو أه ليه لأ!
ومشيت وأنا بردد الكلمة والكوتش بتضحك عليا وأنا بردد الكلمة دي!
طول ما أنا في الطريق بردد ليه لأ..
روحت البيت ماما قابلتني..
_ليه لأ يا ماما
إنتي إتهبلتي يابت!
_ليه لأ!
البت مخها لسع وهي لسه عشرين سنة.
دخلت أوضتي وكنت برددها بحماس وقررت تكون البداية بتاعتي من كلمة ليه لأ
ركزت فيها ولقيت الكلمة حلوة أوي أنا ليه كل حاجة في حياتي بقف قدامها كتير أنا ليه بتردد كتير!
ماهو فيه إحتمال إن مجربش وأفضل مكاني وبين إن أجرب وأفشل برضه عادي وأرجع مكاني برضه بس معايا خبرة التجربة! أو أجرب وأنجح وأبقى وصلت مكان أعلى!
في كل الحالات أنا مرجعتش ورا! 
أنا في نفس مكاني أو أعلى ف ليه لأ
قررت تكون مبدأ حياتي وبداية التغيير وبما إني كنت زعيمة الشلة ف قررت متغيرش لوحدي أصحابي ليهم حق عليا أنا هاخدهم معايا اللي تقع تقوم التانية وتشدها.
_ولاد أنا عاوزاكو ضروري تعالولي نتجمع النهاردة.
كانوا خايفين من التجميعة المفاجئة دي كنت متحمسة أوي ومستنياهم يجوا..
_إيه بقى يا رورو سر التجميعة المفاجئة دي
إحنا عاوزين نتغير.
كلهم بصولي باستغراب جامد.
_لأ معلش وضحي كلامك أكتر.
يعني نشجع بعض ننزل الجيم سوا ناخد كورسات نطور من نفسنا ونتابع بعض.
_يعني إنتي جيبانا وقلتي ضروري ده إحنا قلنا عندك مصېبة وفي الآخر ده السبب!
هو ده مش سبب كفاية
_إحنا مش وش الكلام ده يومين وهتلاقونا رجعنا أكتر من الأول وهندفع فلوس الجيم والكورسات ومش هنكمل أنا حافظانا.
طب ما