حسن

ايوا يا باشا لسا ساعه على معادنا 
سعد بمكر لا انا غيرت رأى وجاااى بنفسى اتعرف على البنت وامها والا فى مانع 
خالد بقلق من الا بيفكر فيه ابوه بعد اذنك يا حجه والدى جاااى يفطر معانا 
توحيده يشرف يا حبيبى 
خالد اتفضل يابابا احنا ها نستناك والعنوان 
سعد بعد فتره وصل وبيخبط على الباب وخالد الا قام فاتحله 
خالد بصوت واطى بابا عشان خاطرى 
سعد ما تقلقش ودخلنى ايه ها تفضل واقف كدا 
خالد ډخله وقعدو جوا وتوحيده بتحضرالفطار وجورى لبست وطلعت .... 
جورى السلام عليكم 
سعد وعليكم السلام 
جورى محرجه وقلقانه واقفه قدام راجل شكله مش سهل وملامحه جامده وعماله تقول ربنا يستر .... بعد اذن حضرتك أجيب ماما .... 
سعد اتفضلى وبيبص لخالد مش بطاله حلوه 
خالد بدايه مبشره
سعد مش قوووى يعنى هى خاڤت وجريت اول ما شافتنى ليه....
خالد فكها ياباشا ..عشان تاخد الامان وما تخافش ... 
سعد ماشى يا سيدى ها أفكها وها أثبت لك انك غلط وانا صح بس استحمل القرار .... 
خالد بثقه .... ها أستحمل متقلقش على ابنك انا واثق فى اختيارى 
جورى خرجت وماسكه مامتها ست بسيطه جدا وشكلها تعبانه 
توحيده السلام عليكم 
سعد وعليكم السلام
توحيده منورنا .... 
سعد شكرا انا ولسا مكملش 
توحيده قبل ما
تقول أى حاجه انتو جاين لنا انهارده .... خالد يوفى بوعده ليا واننا ناكل عيش وملح مع بعض .... فا انا عملت انا وجورى الفطااار ان شاء الله ها يعجبك بنتى شاطره ونضيفه والله يعنى تاكلو بقلب جامد وبعدين نعمل الشاااى ونتكلم براحتنا .... 
سعد ماشى يا ست توحيده انتى كدا بتاخدينا من الدار وبتحرجينا بزوقك والله وبيبص لجورى نظره مش مفهومه والا ايه يا جميل 
جورى لا طبعا يا عمو دا طبعنا محدش يدخل بيتنا الا لما يبقى فى عيش وملح بينا حتى لو مش ها يجلنا تااانى بس لازم يبقى عارف ان البيت بيته فى أى وقت .... وكل بيوت الحاره كدا 
سعد طيب نفطر مع بعض وندوق أكلك 
قعدو كلهم .... يفطروووو 
جورى مسكت العيش وبتدى خالد وسعد وبتقولهم .... انا

روحت أشتريت عيش فااااخر من عم مجدى كان مش مصدق نفسه عشان تعرفو تاكلوه 
سعد يعنى ايه عيش فاخر دا 
جورى الحليوه الابيض الا قدامك دا 
سعد مش دا عيش عاااادى بردو 
خالد 
جورى ليه هو فى أفخر من كدا دا انا اروح فى عم مجدى فى داهيه مش كفايه عيش الفرن الا منعرفش له وش من ضهررر ..
توحيده افصلى خليهم يعرفوووو ياكلووو 
سعد سبيهااا 
جورى بص بقى يا باشا بكره البتنجان المخلل الا برا وبعشق أعمله فى البيت تقريبا كدا الشارع كله بيستغلنى 
سعد ها ندوق ونعرف يمكن استغلك انا كمان .... والفول دا بقى 
جورى رفعت ايدها لا بقى دا
لعبتى أحلى فول بالصلصه انما ايه دماااار شامل 
خالد ربنا يستر 
سعد وايه دا بقى 
جورى بتضحك دى بقى على رأى أم فخرى ....أقول لها شكشوكه تقول شخشوخه 
سعد انتى فظيعه 
جورى وربنا منا دى ام فخرى الحشريه 
سعد يا شيخه وطبعا دى طعميه ودى جبنه 
جورى أسمحلى بقى دى جبنه قديمه انما ايه تأكلها من هناااا وعينك تنور من هنا 
خالد لا ما تقلقيش عليه بيعشق الحاار
سعد بقولك ايه شكل الاكل حلوووو وانا جوعت وعايز أكل سبينى بقى وبعدين أقولك رأى ماااشى 
توحيده اتفضل بألف هنا 
وخلصو الفطار وجورى شالت الاكل وراحت تعمل شااااى 
جورى اتفضلوو الشاى كله مظبوط 
سعد تسلم ايدك الفطار طعمه يجنن .... 
جورى بجد عجبك والا مكسوف وبتجاملنا 
سعد مكسوف أقعدى يا بنت عشان لو شغلت دماغى عليكى ها تلفى حوالين نفسك 
خالد تسلم ايدك على الفطااار والشاى 
جورى عد الجمايل .... وقامت جابت علاج مامتها وبتديهولها وبتشربها الميه الباب خبط وراحت تفتح 
جورى مالك يا حمودى
حمودى طنط جورى ماما ضربتنى 
جورى ليه ... 
حمودى عشان لعبت فى الطينه 
جورى كدا حمودى القمر الا ها يبقى مهندس لما يكبر يلعب فى الطينه عيب كدا روح اعتذر لماما وقول لها انا اسف 
حمودى وها تجيبلى شيكولاته 
جورى خد هات أحلى شيكولاته لأحلى حمودى ياله بقى عشان عندنا ضيوف وقفلت ودخلت تانى لهم وسعد قاعد مراقب تصرفاتها كلها لانه قاعد وشايف الباب وبحكم ان الشقه صغيره فا سامع كل حاجه 
سعد وانتو بقى عايشين منين يا ست توحيده كنتى بتشتغلى 
توحيده عندى مكنه كنت بخيط لأهل الحاره ولما تعبت جورى بقت تشتغل وتساعدنى عشان مصاريف البيت والعلاج 
جورى من راسها وايديها ربنا ما يحرمنى منك يا ست توحه يا عسل
خالد جورى ممكن فنجنين قهوه واحد ساده والتانى مظبوط 
جورى حاضر وراحت تعمل القهوه وتوحيده استأذنت وقامت عشان كتر القاعده بتتعبها 
خالد عشان خاطرى بلاش تحرجهم بوضعهم 
سعد انا بفهم عايشين ازاى واحمد ربنا انا لولا فعلا انى ارتحت للبنت كنت قولتها لهم صريحه انى مش عايزها فى حياتك بس انا معنديش مانع فى فترة خطوبه نتعرف على اخلاقها وطباعها وبعد كدا ربك يسهلها 
خالد بفرحه ايوا كدا ها تفاتحهم دلوقتى 
سعد لا طبعا ....