روايه كامله
قاعدة جمب رأفت ووسام ...كنا قاعدين في كافيه بعد ما اغمي عليا أصروا يطلعوني برة ... كنت مڼهارة تماما وانا بشوف الشخص اللي بحبه اتأخد يعني هي البنت الحلوة دي ملقيتش الا اللي بحبه عشان تتخطبله ...حسبي الله ونعم الوكيل فيها ...أنا ھموت ...قعدت اتنفس بصعوبة فرأفت اداني العصير وقال
وحدي الله بس يا نسرين خلاص راح قرد هيجي غزال بإذن الله ...
بس انا عايزة القرد مليش دعوة مش عايزة الغزال بعدين ما صدق لقيت حد أطول مني احبه ...افرض ملقيتش حد أطول مني بعد كده وانا طولي ١٧٦ سنتي ...قولي يا رأفت هلاقي حد أطول مني فين ...ده حتي زيكو اللي لازق في حياتي أقصر مني بخمسة سنتي ...قولي هرقص سلو ازاي معاه يوم الفرح ده ...أنا خلاص هعنس ...هعنس ...
انت بتضحك علي ايه !
قالي رأفت
اتخيلت منظر لو اتجوزتي زيكو وجيتوا رقصتوا سلو هيكون شكلكم مسخرة ....
فضلت ابكي فراحت وسام ضړبت رأفت علي أيده وقالت
يا خي خلي عندك ډم مش شايف حالتها ايه !!!
عندك حق ...
بصلي وقال
بصي يا نسرين عايزة اقولك بس ان الطول مش عائق ...ايه رأيك تتجوزي زيكو مادام شاريكي..
وسام خلي جوزك يمشي من هنا انا مش ناقصة !سيبوني في همي خلاص الراجل ضاع مني وشكلي هلبس في زيكو ...
والله حاسس من كتر تنمرك علي زيكو هتلبسي فيه فعلا ..
قالها رأفت وهو بيضحك ...بصتله پغضب فمشي بسرعة ....قعدت وسام تطبطب عليا وقالت
متقلقيش هنلاقيلها حل ...
بصتلها وقولت
مفيش الا حل واحد
ايه هو!!!
هروح اعترفله بحبي واطلب استقالتي. ..
وبعدين مشيت ...
يا مچنونة استني
قالتها وسام پصدمة بس انا تجاهلتها ومشيت ...الراجل الطويل هيروح من أيدي لازم اتصرف ...
كان أسر قاعد في مكتبه متضايق وهو بيبص لإلهام وهو متضايق وقال
الهام انتي مش خطيبتي فبطلي تقللي من نفسك اكتر من كده ...
بس انا بحبك يا اسورة
قالها پغضب وبعدين كمل
الله يسامح ابويا اللي غلط ووعد ابوكي واحنا صغيرين يا بنتي افهمي أنتي اختي مش اكتر من كده.
مش يمكن لما تتجوزني تحبني ادي نفسك فرصة انت هتلاقي احلي مني فين يعني...
اتنهد وقال
الهام حبيبتي
نعم يا روحي
اطلعي برة بدل ما اجيب الأمن يطردوكي ...
قامت الهام وقالت
هيجي يوم وتحبني وتشوف يا ابو طويلة انت
طلعت الهام من المكتب وبصت ولقيتني قدامها بصتلي بقرف ومشيت ...
اومال لو كنتي تخينة شوية هتتعملي ايه وانت شبه سلاكة الاسنان كده ...
وبعدين دخلت المكتب ...
قلبي دق وانا بشوف المدير بيشتغل . ابتسمت زي العبيطة وانا بفكر أن ربنا اداله كل حاجة ...فاضل بس يبقي جوزي عشان تبقي حياته مثالية ..
قولتها في نفسي ...بصلي فجأة وحسيت بالارتباك لمعت عينيه فجأة وقام بسرعة وقال
نسرين انتي الوحيدة اللي هتساعديني دلوقتي ...
اؤمر يا مدير ..
انا عايزك تتجوزيني
اټصدمت في الاول بس بعدها بثواني زغرطت وقولت
اللهم صلي علي النبي شقطت المدير .
يتبع
الجزء التالت بقلم سولييه نصار
ايه اللي انتي بتعمليه ده يا مچنونة !!!
قالها پصدمة وهو بيبصلي ...كان مصډوم ومش مستوعب اللي قولته وعملته ولا انا والله كنت مستوعبة ...كنت حاسة اني هبلت وعملت حاجات هبلة وقولت كلام اهبل زي عادتي ....
ضحكت وقولت
بهزر معاك ....
وبعدين صدرتله الوش الخشب وقولت
وانا اصلا مش عايزة اتجوزك ...أنا هتجوز واحد وسيم عيون زرقا انت عيونك رمادي متنفعنيش.
أنا مش
