الفرق بين الحزن والاكتئاب

يعني ايه اكتئاب وايه الفرق بيه وبين الحزن ؟
خلينا نوضح الفرق كده بشويش ..

الحزن :
دي احد المشاعر الاساسية .. واساسية يعني زي الالوان الاساسية كده ممكن يخرج منها ويتفرع الوان تانية كذلك الحزن لما يختلط بمشاعر تانية مكن يخرج لون - مشاعر - تانية اساسية كمان يعني موجودة عند اغلب المجتمعات … هتلاقي المصري والسعودي والاردني والامريكاني والهندي والصيني والاوروبي كلهم عندهم اسم لهذه الحالة اللي هي الحزن 

امتي بيصيبنا الحزن وليه ؟
الحزن بيصيب الانسان لما بيتعرض لمواقف مختلفة زي الفقد .. زي الخسارة …. الخ

ليه ؟
عشان يدفعنا نعمل حاجة مختلفة .. الحزن يدفعنا لطلب القرب من القريبين مننا

الحزن يدفعنا لطلب المساعدة ..

الحزن بيظهر جزء من ضعفنا الانساني .. فبيدفع الاخرين انهم يقربو في محاولات للاحتواء .. بالضبط زي الام اللي بتشوف طفلها بيبكي فتجري عليه عشان تحضنه وترعاه

هل الحزن مشكلة ؟
ابدا بالعكس .. يعني غياب الحزن في مواقف الحزن ده اللي علامة مش صحية وبينذر بأن في مشكلة ممكن تحصل ..

زي اللي ماټ والده القريب منه ويقول ما قدرتش اعيط عليه ولا احزن كان في حاجز بيني وبين البكاء
ده الحزن .. مشاعر انسانية طبيعية بتصيب الجميع ..

طب لو ده الحزن امال ايه الاكتئاب ..

لا الاكتئاب ده قصة تانية ..

خلينا نبدا ببعض الحقائق عن الاكتئاب .. نقلا عن منظمة الصحة العالمية ..
* يعتبر الاكتئاب من الاضطرابات النفسية الشائعة. فعلى الصعيد العالمي، يعاني أكثر من 300 مليون شخص من جميع الأعمار من الاكتئاب.

* الاكتئاب هو السبب الرئيسي للعجز في جميع أنحاء العالم، وهو المساهم الأساسي في العبء العالمي الكلي للمرض.

* يتأثر عدد أكبر من النساء بالاكتئاب مقارنة بالرجال.

* في أسوأ حالاته، يمكن أن يفضي الاكتئاب إلى الاڼتحار.

* هنالك وسائل علاج فعالة ضد الاكتئاب.
ده كلام منظمة الصحة العالمية ..

الاكتئاب ده عامل بالضبط زي الثقب الاسود .. حالة قادرة انها تشفط اي طاقة .. اي حياة ..