الفرق بين الحزن والاكتئاب

حالة فيها تعطيل لكل معالم الحياة الوظيفية والاجتماعية .. يعني لو ام مفيش ام ولو موظف مفيش وظيفة .. عطلة كاملة

في الاكتئاب بيكون في حزن بس مش حزن بس ده كوكتيل كده مع الحزن ..
حزن .. مستمر موجود طول الوقت ..
فقدان القدرة علي الاستمتاع .. وده عرض عظي جدااااا

يعني .. في حاجات كتير في الحياة بتبسطنا ..

من اول اكلة بحبها لحد واحدة بحبها مرورا بكوباية القهوة علي انغام فيروز ساعة مغربية في يوم شتوي تحت المطرة

حاجات بسيطة بتبسطنا وتسعدنا .. من خلالها الحياة بيكون ليها طعم وبيقدر الانسان انه يستمر ويكمل ..

الشخص اللي عنده اكتئاب بيمر بأزمة عڼيفة من عدم القدرة علي الاستمتاع بأي شئ فتلاقيه بيقول يا دكتور معتش في اي حاجة في الحياة ممكن تبسطني وتسعدني ..

وزن بيتلخبط زيادة او نقصان .. وكذلك النوم ارق او زيادة عدد ساعات النوم ..
الحركة بتاعته بتكون زيادة بلاهدف بيفرك يعني او فيها تراجع وقلة ..

مفيش طااااااااااااقة .. وبالتالي مفيش حاجة بتخلص او بيتم انجازها
واخيرا احساس بالعدمية وقلة القيمة ويمكن احساس بالذنب عن حاجات لم يرتكبها اصلا…

التركيز مفيش خالص .. ضايع وبالتالي كمية اخطاء لا حصر لها .. من اول تنسي الڼار والعة لحد اللي تنسي عيالها في الحضانة

في النهاية مع سيطرة كل ده بيكون في كمان افكار كتير ليها علاقة بالمۏت .. من اول تمني المۏت لحد محاولة الاڼتحار

علي الاقل خمس اعراض من دول موجودين باستمرار لمدة اسبوعين متواصل ..

نعمل ايه لو عندنا اكتئاب او حد نعرفه جاله اكتئاب ؟ ده موضوع نكمله المرة الجاية