حماتي وسلايفي

فتحت عنيا على الدنيا مشوفتش غيرة
الام
ااه يابنتي هو بصراحة يستاهل مصطفى مكنش فيه أطيب ولان امه متنطاقش دي عماله وسط النسوان في العزا تتكلم ومش مبطله كلام عن جوازة النحس على ابني دي وليه اعوزو بالله منها
حسناء
هي اصلا عمرها ما حبتني ولا هتحبني وهو كان عارف كده كويس وكان نفسه نطلع من البيت بسبب معاملتها ليا وكان بيوضب البيت التاني بتاعنا عشان ننقل فيه بس ياحبيبي ملحقش
الام
الا بالحق ياحسناء هي حماتك متعرفش بالبيت التاني ده ولا مصطفي قالها
حسناء
معرفش ياماما بس انا اخر مره مصطفى قالي انهم ميعرفوش حاجة ولا امه ولا اخواته

الام
ربنا يستر بقا لما يعرفو مش عارفة ممكن يعملو ايه معاكي
حسناء
هيعملو ايه مصطفى كان شغال لوحده وكان بيشقا وبيتعب لوحدة وعملت شركتة وكل حاجة لوحده
الام
ااه يابنتي بس امه بقا مش هترضي انك تاخدي حاجة من اللي جوزك تعب فيها دي ومش بعيد ياخدو كل حاجة ربنا يسترها عليكي يابنتي انا قلقانة منهم
حسناء
ان شاء الله خير ياماما انا ومصطفى عمرنا ما عملنا حاجة وحشة في حد
عند سلايفي كانت ازهار قاعدة هي وسعاد
سلفتها بيشربو الشاي وسعاد قالت
سعاد 
يعني هما راحو للمحامي ولاقوه مسافر يابت يا ازهار طيب جوزك مقالكيش هيرجع امتى
ازهار
لا مقاليش وبعدين ياختي يرجع ولا انشالله عنه مارجع احنا مالنا
سعاد
مش مالنا ازاى بس يابت ده مالنا ومالنا ده مصطفى عنده شئ وشيوات وشركة وفلوس وبلاوي واكيد الورث ده هاينوبنا منه كتير واصلا حماتك مش بتحب اللي اسمها حسناء دي ومش هترضي تديها مليم من ورث ابنها وبالزات انها مخلفتش
ازهار 
حقة يابت ياسعاد والنبي كلامك صح احنا العز بتاع مصطفى ده لازم يبقا لينا لاولادنا
سعاد 
بس برضه البت دي هتاخد فلوس وانا 
عارفه مش فاهمه ليه مصطفي مش طلقها 
قبل ما تغور
ازهار
بس بالنسبه ل اخواته وأمه هتاخد فتافيت 
وحماتك مش هتخليها تقعد هنا 
كتير اكيد هتمشيها
وعند حماتي سالت جمال وقالت
الحما 
ايه ياجمال هو الزفت المحامي ده هيرجع امتى ده طول اوي يابني خلينا نخلص بقا ونرمي الزفته اللي كان متجوزها دي في الشارع
جمال 
وحتى لو المحامي رجع هترميها في الشارع ازاى بس ياما ما حنا قولنا لك انا وممدوح انه مينفعش انتي عايزة الناس تاكل وشنا
الام 
ناس ناس مين ياجمال اخوك خلاص راح وهي ملهاش لازمة وسطينا وخلي اللي يتكلم يتكلم ملناش دعوة بالناس
جمال 
طيب ياما يومين بس والمحامي يرجع من سفرة وكل حاجة هتبقا تمام
وبعد كام يوم المحامي اتصل بممدوح وقاله
المحامي 
انا اسف يا استاذ ممدوح علي التأخير 
بس كان عندي قضيه مهمه اوي 
والله
ممدوح
ولا يهمك يا متر نقدر نيجي لحضرتك أمتي باذن 
الله علشان نخلص موضوع اعلام الوراثه
المحامي 
انا هستني حضرتك واخوك في المكتب بكره 
بس ياريت تجيب الست الولاده ومرات مصطفي 
معاك
ممدوح 
اكيد يا متر بكره باذن الله هنكون عندك 
وممدوح وجمال للمحامي وحماتي قالت له
الحما 
انا عارفه انك كنت المحامي بتاع مصطفى ابني وجاين عشان نعرف ابني كان عنده املاكة كانت ايه
المحامي 
الله يرحمة الاستاذ مصطفى كان من أحسن الناس اللي عاملين توكيلات عندي بصراحة كان في قمة الادب والاحترام ربنا يرحمة
الام 
اللهم امين يارب مصطفى مكنش في حد في طيبة قلبة المهم يا استاذ اكيد مصطفى سايب عندك وصية او انت تعرف كل حاجة عنه
المحامي 
فعلا الاستاذ مصطفى كاتب وصية من زمان وهي معايا بس اااا هي المدام بتاعته مجاتش ليه معاكم
الحما 
وهي لامؤاخذة يا استاذ ايه لازمة هي المدام بتاعته ايه ډخلها في الموضوع احنا جاين عايزين نعرف املاك ابني 
المحامي 
ازاى هي مش المفروض انها كانت المدام وليها ورث ولا ايه
جمال 
واحنا مش هناكل عليها حقها طبعا يا استاذ بس عايزين نعرف دلوقتي ايه اللي اخويا سابه
المحامي 
انا اسف ياجماعة لازم المدام تبقى موجوده والوصية مش هتتفتح غير في وجودها
الام 
هو اسمه ايه ده ياخويا بنقولك احنا عايزين نعرف ابني سايب ايه واعتبر ان مراتة دي راحت معاه يبقا عرفنا بقا ومتتعبناش
المحامي 
وانا ياحجة اسف برضو مش هفتح الوصية غير بوجود مدام المرحوم مصطفى وده كلام استاذ مصطفي الله يرحمه
ممدوح
خلاص يا أمي يلا بينا ونبقا نجيب حسناء ونرجع تاني
المحامي شرفتوني ياجماعة 
ومشيو من عنده والمحامي ياساتر ايه الناس دي اومال لو عرفو اللي فيها هيعملو ايه بقا ربنا يستر
ورجعت حماتي وقالت هي فين الهانم