جبروت حماتي الحلقه الاولى بقلم هويدا زغلول
اقعدي انت افرشيه ودي حاجه بسيطه يعني مش هتستاهل ان احنا كلنا نقعد نعملها يلا بينا يا ماما وفعلا مشيوا
الحما _ معقول دول اخواتك دول ازاي يسيبوكي كده في يوم زي ده ويمشوا يعني
اسما_ انا مش فاهمه ليه بس يا حماتي احمد عمل كده ما هو عارف ان انا جايه وهفرش في شقه النهارده انا واخواتي
الحما _ والله يا بنتي ما كانت مقصوده ده هما يا دوبك كانوا بينزلوا ليا التلاجه بتاعتكم وبيطلعوا ليكي التلاجه بتاعتي لقوا شقه كده قالوا يفرشوها بالمره
الحما _ انتي يا حبيبتي هتعيشي عندي تحت مش هتطلعي شقتك دي الا على النوم كده كده اصلا ولا هتطبخي ولا هتشيلي اكل في الثلاجه عايزه ثلاجه ليه بقى
اسما_ بس لو اخواتي جم و شافوا الحاجات دي هيتكلموا يا حماتي كنتي على الاقل صبرتي لحد ما اتجوزنا
الحما_ حبيبتي انتي هتفرشي الدولاب ومحدش هيدخل الشقه دي تاني الا يوم دخلتك انا اضمن منين حد يرمي حاجه لابني كده ولا كده انا بخاف على ابني قوي
وبعدها روحت ولقيت إخواتي قاعدين
قدام التلفزيون
رنيم _ ههههه والله الفيلم ده حلو اوي
مهما اتفرجت عليه مش بزهق منه
اسما_ والله العظيم انتوا الاتنين بجاحه يعني بدل ما تقعدوا معايا تفرشوا الشقه قاعدين قدام التلفزيون ورنيم قامت وقفت وقالت
كنتي تعدي الحوار اللي حصل ده
اسما_ والله ولما كنت عملت كده بقى هيكمل ليا فرش شقتي وخرجت ماما وقالت
الام _ اسمعي يا اسماء احنا عمر ما حد عمل فينا كده الا لما انتي اتخطبتي للواد ده مخليه حماتك ليها كلمه علينا وانا لا يمكن اقبل الموضوع ده خالص
رنيم لا والله هو انتي مصدقه نفسك ان شاء الله ده حماتك بكره بتتشرط امتى نجيلك وامتى ما نجيلكيش
اسما_ هو انتي ليه كده عايزه تولعي الدنيا ما تهدي شويه يا رنيم في ايه
رنيم _انا بۏلع الدنيا يا اسما على العموم اللي انتي شايفاه صح اعمليه وعدا الاسبوع
الحما _ رايحين فين يا هوانم ما خلاص العروسه للعريس والجري المتعيس
ملك _ احنا بس هنطلع عليها العشا وهنطلع الحاجات دي وهننزل على طول ولا عايزاها هي اللي تشيلها وهي لبساه فستان الفرح ولا ايه
الحما _ وانا ما يهونش عليا تعبكم خالص والله سيبوا الحاجه هنا وانا هبقى اطلعها الف مبروك وتعالى بكره بقى متاخر
