رساله واتساب
علي السواق قبل ما حد يشوفني خليته روحني عالبيت بسرعه عشان افكر هعمل ايه....
صدمتي فيهم هما ال ٢ كانت كبيرة ازاي هو يعمل فيا كده وبعد كل ال عملته معاها دا جزائي. .
انا لازم اندمهم ندم عمرهم هما الاتنين علي الي عملوه فيا ده..
اول حاجه عملتها كلمت محامي واتفقت معاه اني عاوزه ارفع قضيه خلع بس ميجبش اي سيرة ل جوزي دلوقتي لما الإجرائات تخلص....
رجع الاستاذ عالبيت وهو في غاية السعادة ....
_ ها يا حبيبتي لسه تعبانه....
_ لا اتحسنت شوية لما شوفتك...
بس انت اتأخرت ليه كده النهارده....
الشغل كان كتير مش ملاحق عليه....
حتي اتغديت بره...
طيب ياحبيبي روح غير هدومك وتعالا نقعد مع بعض...
ماشي زي ما تحب...
رحت اتصلت ب بنت عمي اول ما سمعني جري يشوفني بقولها ايه..
ازيك ياسارة عاملة ايه وحشتيني
الحمد لله ياهند انتي وحشتيني اكتر...
فينك مختفيه فين ولا بتسألي ولا بتيجي..
معلش مشغوله شوية فالبيت...
طيب ايه رأيك تيجي بكرة تقضي معايا اليوم هنا فالبيت ونتغدي سوا...
قفلت التليفون ولقيته بيقولي ..
اشمعنا يعني عزمتي سارة عندنا بكرة...
_ ابدآ اصلها وحشتني اوي بقالي كتير مشوفتهاش....
راحت بعتاله رساله عالواتس..
_ هند عزمتني عندكم بكرة
اه منا عرفت كويس اهو بالمرة اشوفك اصل انتي وحشاني اوي..
_ مانت لسه كنت معايا النهارده...
_ انتي بتوحشيني وانا معاكي اصلا...
رحت دخلت نمت عشان ميحسش بحاجه
وجه اليوم الموعود الي اخيرا هواجههم بالكلام وكل شيء هينكشف ويبان .....
وتشوفوا اڼتقامي هيبقي ازاى
الجزء الرابع الأخير
وجه اليوم الموعود الي اخيرا هواجههم بالكلام وكل شيء هينكشف ويبان .
صحيت من النوم كلمت اختي الصغيرة جت خدت العيال ودتهم عند ماما عشان مش عوزاهم يسمعوا اي كلام مهما كان هما صغيريين بس الكلام هيثبت في دماغههم.
ادم خرج من الاوضه انبهر بجمالي
ايه الحلاوة دي
انا طول عمري حلوة
بس النهاردة انتي حلوة اوي
امال فين العيال
ودتهم عند ماما عشان نعد انا وانت وسارة براحتنا من غير إزعاج.
طيب متعتزري لسارة ونعد انا وانتي بس.
لا طبعا عيب اعزمها وبعدها اعتزر
لا منا طلبته دليفري هيجي وقت ما سارة تيجي عشان يبقي سخن..
هو كمان فاكرني هطفحهم اكل ده النهاردة يومهم اسود معايا....
فجأه الباب خبط ...وجري يفتحلها...
ازيك يا سارة
ازيك يا ادم.
وانا مقومتش من مكاني هي جت تسلم عليا وتبوسني..
هند عاملة ايه وحشتيني جدا امال فين العيال...
ودتهم عند ماما عشان ميلخموناش....
بس ايه الحلاوة
