أنوار الهلال الفصل الثالث للكاتبه زهرة الربيع

أنوار_الهلال
انا عيزاه هو وهتجوزو هو وجريت ناحيه الباب بس هلال جري وراها وشدها من ايده وقال...لو قولتي كلمه عنيه تاني ھدفنك هنا..انتي مرتي سامعه..مرتي
كان بيتكلم بطريقه مرعبه قوي وانوار هزت راسها بسرعه وخوف منو وبقت دموعها تنزل بشده وهيه بتحاول تفتكر اي حاجه من الي قال عليه وداخت جدا وقعدت على السرير
هلال شاف حالتها وزعل جدا من نفسو مكانش لازم يحكيلها كل جاجه كده بس لما قالت انها مخطوبه مقدرش يتحكم في نفسو قرب منها واتنهد وقال..انوار...حاسه بايه...شوفي حاولي متفكريش في حاجه و
بس قاطعتو وقالت ببكا...مفكرش ازاي..انامفكراش حاجه عنك واصل...كمان ابوي بيقول انك كداب..وانا معرفاش اصدق مين..احب على يدك يا هلال بيه لو كنت بتضحك عليا قولي انا مقدارش استحمل كده واصل احب على يدك... وبقت تبكي بقوه

هلال اتجمعت الدموع في عيونه وبقى يطبطب عليها ويهديها وهو پيتألم جدا
كان بيهديها بس بعدت عنه بسرعه وقالت طب انا هعتبر نفسي صدقت كلامك فين قسيمه جوازنا احنا مش اتجوزنا ..وريني قسيمه جوازنا
هلال ضحك بخفه وقال...حاضر اوريهالك... وفتح واحد من الادراج وجاب منه قسيمه الجواز وقال... ادي القسيمه وقعد جمبها وطلع البوم صور وقال... ودي حاجه اجمل من القسيمه بكتير ده ملخص الاربع شهور اللي عشناهم سوا...كنتي دايما تحبي تتصوري كنا ناخد الصوره بالتليفون واروح اطبعهالك .. ده انا كنت بدوخ على ما الاقي بت تطبع الصور عشان ما تتكشفيش على حد غيري
فتح الالبوم وكان فيه صور جميله جدا ليهم في كل ركن في البيت وفي اوضتهم صور كتير وكان فيه بتضحك وحاطط ايده على بطنها وهي حاطه مخده على بطنها...قال بضحك دي لما عرفنا بحملك كتي ھتتجني من الفرحه
انوار بصت للصوره بابتسامه كانت سعيده جدا فيها وهلال بصلها وقال.. عرفتي انك حب حياتي يا انور 
بقلم...زهرة الربيع
انوار بصتلو وحطت ايدها على بطنها بدموع وقالت ..وانا حامل صح انا حامل حامل كيف انا ازاي هعيش كده ازاي اخلف طفل انا ما فكرهاش حتى اي حاجه عن جيته
هلال اتنهد كانت صعبانه عليه جدا حاول يخفف عنها وقال بمرح .. يا ستي لو على كيف جيه حالا اوريها لك على الطبيعه و تبقي كسبتي فيا ثواب كمان
انوار ضحكت على كلامه ودفعته وقالت..انسى انا اصلا مش مدياك اي امان ..اياك فاكر صدقتك كده خلاص عادي ممكن تكون مزور كل الحاجات دي على فكره عادي ...اديني وقتي لحد ما افتكر ونشوف موضوع جه كيف دي بعدين
هلال ضحك بقوه وقال.. يا ستي انتي افتكريني بس وصدقيني ومعايزش حاجه تاني ...واستناكي قد ما عايزه يا ست البنات انتي تستاهلي استناكي العمر كله وقال ..بس يعني لو تتكرمي بتصبيره صغيره
انوار بصيتله باستغراب وقالت..ايوه يعني عايز ايه مفاهماش
انوار ابتسمت وبصت لعيونه ومشيت