رواية نغم المعتز ((مكتملة جميع الفصول)) بقلم سُهيلة ياسر
ده وازاي يكلمني كده !!!!!
في اليوم التاني
نزلت وروحت شغلي كالعاده وكان يوم مرهق جدا طبعا عشان زي ما قولت قبل كده ملكيه الفندق بتتنقل لمالك تاني لقيت المالك الجديد الي منعرفش عنه حاجه لغايه دلوقتي عمل قرار غريب أوي ان كل البنات المسلمه الي بتشتغل فالفندق هيكون اليونيفورم بتاعها بحجاب....
طبعا كل الناس استغربت من الحكايه دي اصلا ده كان من شروط الشغل اني مكنش محجبه وكمان اليونيفوم كان جيب قصير ولقيت الموفوض عنه بالكلام بيبلغ الجميع ان الي مش هيلتزم بالقرار ده يستقيل.....
سناء تصدقي انه راجل محترم وشكله ابن ناس وبيخاف ربنا...
نغم بس غريبه انه بيفرض علينا موضوع الحجاب ده انا عمري ما شوفت كده...
سناء بصي يا نغم انتي من زمان كان نفسك تتحجبي على الأقل تداري نفسك من عيون الي يسوى والي ميسواش وكان شغلك هو العقبه الوحيده واهو ربنا حلها من عنده من بكره تغيري لبسك كله وتتحجبي...
سناء بحب واهي جت من عند ربنا بصي احنا نتغدا وننزل نشتري لبس جديد وطرح عشان من بكره هتلبسي الحجاب.....
نزلنا باليل انا وماما واشترينا حاجاتنا ورجعت هلكانه يادوب غيرت هدومي ونمت
لقيت تليفوني بيرن
رديت
نغم الو
الشخص كنتي فين
نغم باستغراب انت عاوز مين
الشخص كنتي فين يا نغم انا شوفتك وانتي راجعه متأخر....
نغم وانت مالك.... انت مين أصلا...
الشخص بصي يا نغم تقدري تقولي انا زي خيالك انا شايفك قدامي 24 ساعه تقريبا...
نغم انت عبيط .... ولا حد في عيلتكم اهبل ...ولما انت شايفني 24 ساعه مشوفتنيش ليه وانا برا...
نغم طيب يا شاطر روح ألعب بعيد انا عاوزه انام..
الشخص نغم!!
نغم ششششش اقفل ومتتصلش بالرقم ده تاني
ملحوظه هو يجماعه نفس الشخص الي بيرن عليها كل يوم بس من أرقام تانيه لأن نغم بتعمل بلوك اوريدي
قفلت السكه من غير ما يرد عليه وسألت نفسي مين الغلس ده عملت بلوك للرقم الي اتصل منه وقررت اني انام المهم انا مش بحب افكر كتير انا اهم حاجه عندي النوم
صحيت واتوضيت وصليت وغيرت هدومي ولبست كنت مبسوطه لا كنت طايره من السعاده بجد الحجاب كان شكله حلو أوي عليا نزلت روحت شغلي وقفت كتير عشان الاقي مواصلات مكنتش لاقيه كنت خلاص هتأخر على شغلي اضطريت اخد تاكسي يلا ان شالله مع عن حد حوش
وقفت تاكسي وركبت ورا السواق وقولتله عالعنوان فضلت سرحانه فالشارع وانا ماشيه بس اتفاجأت بالسواق بيقولي
بصيتله فالمرايه واتفاجأت بيه هو هو نفس الشاب بتاع الكروباص تنحت
شويه وبعدين قولتله
هو انت عامل زي الفرقع لوز ناتطلي في كل حاجه
_ ههههههههههههه تقدري تقولي حاجه زي كده....
نغم انت بتشغل عالتاكسي ده
_ يعني حاجه زي كده عموما خدي رقمي واتصلي بيه في اي وقت لو احتاجتي مشوار ومش هاخد منك فلوس...
نغم لا شكرا ربنا يخليلنا النقل العام...
_ مد ايده بورقه مكتوب فيها الرقم
اسمعي الكلام مش لازم تركبي ميكروباصات تاني...
نغم وانت مالك يلا انا وصلت نزلني هنا ...
وقف بالعربيه طلعت الفلوس عشان احاسبه مارضيش جيت افتح الباب مفتحش قلتله
نغم افتح الباب
_ لما تاخدي الورقه الاول...
نغم اووووف ماشي
اخدت منه الورقه عشان اخلص وبردو مرديش ياخد الفلوس نزلت من العربية بعد ما فتحها
