مكالمة نصف الليل
انت في الصفحة 4 من 4 صفحات
تعرف ان اختك بتلعب من وراك
مديحه
والله العظيم ابدا ارحمني شويه حرام عليك مش ذنبي اني طلقته وجيت قعدت هنا علشان كل شويه الذل اللي انا شايفاه ده
سيد
هو انت لسه شفتي ذل ده انت ما تعرفيش انا هعمل معاكي ايه ادخلي جوه يا مخفيه انت حسابك معايا كبير
مديحه
اوعى بقى انا مش هقبل انك تمد ايدك عليا تاني انت سامع ولا لا مش كفايه بعمل كل اللي بتقول عليه وانا مش راضيه عنه
والله وبقي ليكي صوت والله العظيم ما هخلي
فيكي حته سليمه انهارده
مديحه
انا مش هسكت على اللي انت هتعمله تاني ولو فكرت تمد ايدك علي هطلع على القسم وهشتكيك انت ومراتك اوعي كده من وشي
مبقاش الا العر اللي يعملوا معايا كده وبعدها
دخلت
نجلاء
هي البنت دي بتعمل كده ليه من امتى وهي بتقدر تبجح فيك كده لا لا البنت دي وراها حاجه
اصبري بس نخلص المصلحه اللي احنا بنعملها وانت هتعرفي انا هعمل ايه معاها بالظبط والله لاخد منها حقي ثالث ومتلت بس دلوقتي مينفعش نعمل اي حاجه
وفي اوضه مهجوره كنت قاعده ولقيت واحد
داخل
سما
والله العظيم نوديكم في 60 داهيه انت مين وازاي تجيبني في المكان ده
الراجل
ما تهدي يا ست الحسن والجمال مالك صوتك عالي ليه كده الباشا جاي اهو ودلوقتي تعرفؤ
سما
طب ارجوك فكني بجد ما ينفعش اكون موجوده هنا ما تعرفش اهلي زمانهم قلقانين عليا ازاي
الراجل
اهو الباب اتفتح شكل الباشا الكبير وصل هو بقى يمشيكي يخليكي اتصرفوا مع بعضيكوت
وبعدها دخل قدمها رؤوف
رؤوف
اخيرا يا حلوه جبتك هنا ما تعرفيش انا بدبر لليوم ده من بدري ازاي
سما
اخص عليك يا رؤوف انت اللي عملت كده طب ليه انا عملت معاك ايه عشان تعمل كده
رؤوف
هقولك على كل حاجه بس الصبر
