بارك الله بينكم

انا عمرى مكان ليا صحاب ولا حد قريب منى عمر محد شافنى حلوة وانت على طول شايفنى كده هه دا انا عمرى معملت اكل وانت كلته وقولتلى تسلم ايدك
كان هيجيلى ټسمم
_اهو اجبلك حاجة مش احسن من مفيش انت بتحبنى صح
نامى يمريم
فضلت اهلفت في الكلام لغايه منمت صحيت الصبح لقيته نايم جنبي هو اى دا هو جه امتى دا!
_اه دماغي انا مالى في اى!
صحي على صوتى إلى كان تقريبا زعج الجيران باين
وطى صوتك
_انت شربنتى حاجة أصفرا صح كنت عاوز تستفرد بيا لي يا احمد دا انا كنت واثقه فيك و..
خلصتى
_استنى لسه هكمل
اتفضلى
_انا مصډومة مصډومة مصډومة اااه

الله يست الله يفنانة معتيش تعملى كده تانى بقي
_انت شربتنى حاجة امبارح
انتى الى شربتى انتى الى اتحرشتى بيا يمريم
_انا أخرس يسافل انا لازم اقول لباباكانا انا محترمة يا استاذ انا مش من الشارع
أداءك اوفر والله انتى الى طلبتى انام هنا حتي!
_خلصانة صدقتك
انتى دايخة
_اوى يا احمد حاسه ان دماغي ھتنفجر
قام عملى قهوة إلى مش بحبها وصمم اشربها عشان افوق الله ينتقم من الظالم يشيخ حسبي الله ونعم الوكيل يا اخى
_ها احسن
اه الحمد لله
_انتى مش فاكرة حاجة خالص!
لاء اشمعنا
_اصلك قولتى كلام مهم امبارح
زي ايه!
_لاء متخديش في بالك المهم انك كويسه
فونه رن
_اي دا رقم ملك! دا احنا متقبلناش من ايام الجامعة استنى ارد
نعم يحمادة انت هتخيب!
_نعم يحمادة انت هتخيب!
خلاص خلاص والله مال عينك احمرت كده لى!!
_متخافش انا كده لما اتعصب يعنى اى ملك اخت هانى يعنى!!
هه انتى فوقتى
_ايوة احسن فوقت
طب انا نازل افطر مع بابا ابقي تعالى بقي
_احمد
نعم
_هو انت ازاى مفتكرتش ملك مع انك فاكر إلى حصل امبارح
. !
_وازاى افتكرت الكلام بتاع امبارح! وعرفت منين انى شربت حاجة!!
لا دا انتى فوقتى اوى
_انا مش بهزر
انا مش فاهم انتى بتتكلمى عن اى حضرتك!
_احمد انا مش فاهمة حاجة ازاى دا حصل وانت مين فيهم!
قرب منى لما لقانى بزعق
_اهدي طيب
انت مين فيهم!
_انا انا..
احمد انت اى انا مش فاهمة حاجة
_انتى بتعيطى لي
عشان مش فاهمة إلى بيحصل هنا ومحتاجة افهم
مسك ايدى من ناحيه اكتافي وقعدنى على السرير من آخره وبصلي
_اقعدى انا هفهمك
يريت قول
_بس وعد متزعليش أو تضايقي
انا لي شيفاك الاتنين سوا! لى حاسه انك كويس!
_انا فعلا كويس
ايه!!
_اهدي انا كنت مريض ومريض منفصم فعلا ولما قربت اخف بابا جه قالى ان لازم اتجوز بقي وانى اتجوز بنت عمى وانا مش عاوز اتجوزها يمريم ف انا ملقتش طريقه غير انى اكمل ان اكون لسه تعبان وان حالتى بعد مكانت على وشك العلاج رجعت وأسوأ من الاول لغايه مشوفتك ضحكتك وهبلك وطيبتك سيرتك بين الناس حاجات كنت محتاجها فعلا
قولت لبابا ان عاوز اتجوزك وهو عشان عارف ان انا محتاج فعلا مساعدة وانى اتجوز وافق على طول وانا إلى طلبت منه أن يروح هو لوحده ويتم الجواز غيابي عشان إبان فعلا انى لسه مريض جيتى هنا غيرتى كل حاجة بهزارك وجمالك إلى مالى البيت ب اكلك إلى ميتكلش بكسوفك لما أقرب منك من طريقه كلامك إلى بضحكنى بكل حاجة فيكى انا بحبك يمريم والله بحبك اوى
زقيته بعيد عنى وانا وشي مليان عياط
انا وثقت فيك! انا بخاف اثق في حد!! انا شوفتك صاحب انا قلبي كان بيتقطع في كل دقيقه وثانيه وانا شيفاك قدامى كده كنت بدعي ربنا دايما انك تكون احسن إلى بيحب مش بيخبي إلى بيحب مش بيمثل يا أحمد انا انا بكرهك
_مريم انا مكنش قصدى..
مكنش قصدك! انك تخلينى لعبه في ايدك مكنش قصدك انك تخلي قلبي يتعب بسببك مكنش قصدك انك تخلينى مثقش في حد تانى انت كنت اول حد اثق فيه! انت كنت اول حد في كل حاجة كنت اول صاحب اول حد يقرب منى اول كل حاجة يا احمد لي تعمل كده! انا عمرى مأذيتك!!
_اهدى اهدى عشان خاطرى كله هيبقي تمم
تمم! مستحيل اى حاجة تبقي تمم يا احمد مستحيل
جت كوثر تقولنا ان البيه الكبير مستنى تحت عشان يفطر معانا
_حاضر يكوثر جايين اهو قوليله انى هنزل مع احمد دلوقتي
ماشي يست مريم
مسحت دموعى إلى كانت ماليه وشي
_يلا ننزل لو سمحت
مسك ايدى وانا عطياله ضهرى ومش بصاله
_ممكن تسيب أيدى لو سمحت
شديت ايدي ونزلت كل دا كان وهم! كان مريض اه بس بقي كويس لى مقليش! انا اول مرة ابقي ضعيفه كده اول مرة قلبي يوجعني كده كان نفسي تقولى قبل كده ومكنش هيبقي فيه حد اسعد منى لى تحسسنى انى ولا حاجة لي!
_ازيك عامل اى النهاردة
الحمد لله يبنتى امال فين أحمد!
_نازل ورايا عاوزة اقولك على حاجة
قولى
_الدكتور قال ان احمد اتحسن وانه هيرجع لحالته في خلال أسبوع مش اكتر
بتتكلمى بجد
_ايوة بجد
انا مش عارف اقولك اى انتى الى طلبيه دلوقتى هعمله
نزل احمد وهو باصصلى وواقف قدامى على السفرة
_عاوزة عاوزة اطلق
_عاوزة عاوزة اطلق
بصلي پصدمة هو وباباه
_انت قولتلى انى ممكن اطلب الطلاق لو هو بقي كويس
يعنى معرفوش تتفقوا
_لاء ممكن بقي تخليه يطلقنى على حسب اتفاقنا
كنت ببص بنظرات قوة وانا ھموت واعيط يجماعة بالله
_وانا مش هطلق
وانا مش عوزاك معتش عاوزة حتى ابص في وشك
طلعت اوضتى وانا بعيط ولمېت حاجاتى ونزلت لقيته مش موجود
_مشي
اه
_طب انا همشي انا كمان بقي
استنى انا مش عارف اقولك اى شكرا جدا مش عارف ارد جميلك دا أزاى
_المهم انه كويس دلوقتى
اتفضلى
_اي دا!
دا شيك ممكن تبدأى حياتك ب اى مشروع
_بس انا مش عاوزة فلوس
عارف بس دا أقل واجب اعمله
مسكت الشيك وابتسمت
_صدقنى انا مش عاوزة حاجة عوزاك على طول مبسوط بس
بتهيقلي لو عندى بنت مكنتش هتبقي حنينة كده
_انا زي بنتك
طب طب انتى عاوزة تمشي وتسبينا لي! احمد زعلك
_لا خالص بس انا الى محتاجة ارجع لحياتى محتاجة ارجع لبابا
فهمت وشكرا مرة تانيه ربنا يجزيكى خير
ابتسمت ومشيت مش بكبر الموضوع بس الفكرة انه خدعني مش هقدر اكمل مع واحد كان بيضحك عليا!!
رجعت البيت واول ما بابا فتح الباب اترميت في حضنه وعيطت مش عارفة اشكره ولا ازعل منه اشكره انه خلانى اعرف زى احمد واحبه ولا هو السبب بردو في كسرة قلبي دلوقتى
_في اي يبنتى!
مفيش وحشتنى اوى
_انتى كمان كنتى وحشانى اوى فين جوزك!
انت كنت تعرف ان جوزى مش الراجل الكبير
_ايوة هو قالى كل حاجة قبل كتب الكتاب ووفقت لما شوفت قد اى هما ناس طيبين
انا عاوزة اطلق
_لي في اي!
مفيش متفقناش
_طب وانتى بتعيطى لى
مفيش يبابا انا داخلة جوا عشان محتاجة انام
دخلت مكنتش عاوزة انام عاوزة اهرب من كل الأسئلة إلى بابا عاوز يعملها
لقيت رقم غريب بيتصل بيا
_ألو
انتى مشيتى لى
_انت بتزعق لي
عشان مكنش ينفع تمشي قبل متقوليلى
_هه اقول لمين فيكم! احنا مننفعش مع بعض يا احمد
انتى مكبرة الموضوع يمريم
_انت مصدق نفسك بتقول ايه! انت ضحكت
عليا يبنى ضحكت عليا وخدعتني
انا اسف
_يااه مشاكل العالم اتحلت تصدق
اعمل اى يمريم يرضيكى اى وانا اعمله
_تطلقنى
قفلت السكة هما اه ساعات قليلة بس وحشنى وحشنى هزارنا وكلمة يحلوة وحشنى عيونه وطيبته وكتبه انا فرحانة اوى انه كويس بس زعلانة اوى انه خدعنى
نمت بعد