انا عايشه انا وجوزي

إتخضيت ولفيت رقبتي علشان ألاقي الشيخ عدنان إمام المسجد هو اللي حط إيده علي كتفي 
وبيقولي أنتي رايحه فين يا أم محمود 
قولتله أبني ھيموت نفسه 
قالي فين ابنك ده 
قولتله أهووو واقف قدامك 
ولفيت رقبتي وبصيت ناحيه شريط القطار ولساني أتعقد لان أبني ماكنش موجود اټصدمت وقولت هو راح فين 
الشيخ عدنان قالي اللي كان قدامك ده مش ابنك ده كان شيطان رجيم وانا هطرده من القريه بإذن الله 
كنت مصدومه ومش عارف أنطق كلمه 
الشيخ عدنان كمل كلامه وقالي ارجعي بيتك وخليه دايما عمران بذكر الله وواظبي علي صلاتك اللي انتي اهملتيها من يوم غياب ابنك 

وعايزك تطمني ابنك موجود عند واحد صاحبه في القاهره والورقه دي فيها العنوان وإداني ورقه صغيره خدت الورقه وانا مذهوله ومش مصدقه اللي حصل الظلمه مخلتنيش أعرف اشوف ايه المكتوب ولاني مش بعرف اقرأ فالموضوع ماكنش هيفرق كتير
الشيخ عدنان وصلني لنص الطريق وقالي انه هيدخل المسجد علشان صلاه الفجر شكرته وكملت لوحدي بقيت الطريق لحد البيت وانا مش مدركه ولا مستوعبه حاجه من اللي حصلت دخلت بيتي وشغلت القران وصليت الفجر وحمدت ربنا أنه نجاني وقلبي أطمن لاني أخيرااا هعرف طريق أبني ولما النهار طلع طلبت من جارنا يقرألي العنوان اللي مكتوب في الورقه ولكن جارنا قالي أن المكتوب في الورقه مش عنوان المكتوب في الورقه كان جمله وأنا منا الصالحون 
مبقتش فاهمه حاجه بس أضيقت من الشيخ عدنان اللي أستغل اني مش بعرف اقرأ وإداني ورقه مفيهاش عنوان المكان اللي فيه أبني وروحت لحد بيته علشان أعاتبه 
وصلت لحد بيته وخبطت على الباب فتحت لي مراته ورحبت بيا سألتها علي الشيخ عدنان قالتلي أنه مسافر مصر من يومين 
قولتلها بإندهاش من يومين إزاي ده انا قابلته امبارح
الست حلفت أيمانات مغلظه أنه مسافر من يومين وجاي انهارده بالليل مبقتش مصدقه اللي انا سمعاه وبقيت في حيره ما بعدها حيره امال مين اللي انا قابلته ده !!
هو انا كنت بحلم ولا بتوهم بس الورقه دي مين اللي إدهالي 
روحت البيت وحكيت لجوزي علي كل القصه دي واللي ماكنش مصدق منها حرف
بس انا طلبت منه أنه ينزل مصر يسأل علي محمود عند أصحابه بس هو اعتبر إني بخرف ورفض 
إضيقت من رده فعله وبقيت ألعن الأرض والشړاكه اللي بينه وبين أخوه اللي اتسببت في أن أبني يبعد عن حضڼي
عدت الايام وابني مرجعش وفي ليلة كنت قاعده قدام الراديو اللي شغال على إذاعة القران الكريم كنت السوره اللي شغاله سوره الجن 
وفي واحد من المشايخ بيفسر معني آيه من السوره 
والآية دي لفتت انتباهي جدا لانها كانت 
وأنا منا الصالحون ومنا دون ذلك كنا طرائق قددا 
الشيخ قال تفسير الآية 
وأنا منا الصالحون وهم المسلمون العاملون بطاعة الله 
ومنا دون ذلك ومنا دون الصالحين يعني الكافر
كنا طرائق قددا يقول الحق سبحانه وتعالى على لسان الجن نحن أهواء مختلفة وأجناس مختلفه منا المؤمن والكافر 
دماغي بقت بتربط اللي سمعته باللي حصل معايا والورقه ولأن معرفش كتيرعن العالم ده جسمي قشعر لمجرد الفكره ومبقتش مصدقه هل ممكن أكون قابلت حد منهم فعلا 
أبني بعد فتره رجع البيت واتفاهم مع أبوه واتحلت المشكله وعمل اللي يرضيه ولكن انا لما سالت أبني انت كنت فين لما سبت البيت قالي إنه سافر وكان قاعد عند واحد صاحبه في القاهره 
تمت