خلخال حليمه ١٠

في الاوضه ولا طلعتي
حليمه نعم عايز اي
عزيز ما تيجي نخرج يمكن لو خرجت ارتاح شويه
حليمه شكرا مش عاوزه اخرج اخرج لوحدك
عزيز يله بقا بطلي رخامع
حليمه ما عنديش مانع بس بشرط
عزيز اتفضلي
حليمه طول ما احنا خارجين متتكلمش معايا علشان انا زعلانه منك
عزيز موافق يلا نخرج بقا
عزيز وحليمه لبسه وطلعوا من بوابه القصر بالعربيه
مراد اول ما شاف حليمه بالعربيه قرر يمشي وراهم ويشوفهم رايحين فين
اول ما وصلو النادي وقعدوا على الكرسي مراد كان مراقب تصرفات حليمه
عزيز هي البرنسيسه هتفضل ساكته كده
حليمه انت كده بتكسر الشرط بتاعي قلتلك ما تتكلمش معايا ماشي
عزيز يعني هو انا هكلم السندريلا مثلا خلاص يا ستي مش عايز اكلمك
حليمه ماشي يا ريت ما تتكلمش معايا
عزيز مره واحده حرك الكرسي وقاعد جنب حليمه ومسك ايديه
حليمه اي ده ماينفعش قدام الناس تمسك ايدي
عزيز ايوه ينفع وقدام اي حد انتي مراتي ولا انتي نسيتي
حليمه اه تصدق نسيت
عزيز طب ما تيجي نطلع على القصر وافكرك
حليمه انت عايز مني اي
عزيز باس ايد حليمه بوسه رقيقه
عزيز انا عارف اني زعلتك بس ممكن ما تجيبيش سيره اي حد على لسانك لان الحاجات دي بتضايقني
مراد كان شايف الموقف ومره واحده ما قدرش يستحمل وراح واقف قدام الترابيزه اللي فيها حليمه
حليمه اول ما شافته قامت وقفت وبرقت بعينيها
حليمه هو انت انت اي اللي جابك هنا
عزيز في اي يا حليمه مالك ومين ال جه
مراد ممكن اعرف مين ده
حليمه بعد اذنك يا عزيز
عزيز انتي رايحه فين
حليمه خمس دقيق وارجعلك يا حبيبي
حليمه اخدت مراد من ايده وقفت في مكان قريب من عزيز
عزيز كان هميمۏت من الغيظ وعايز يعرف مين ده اللي راحت معاه حليمه
حليمه نعم يا مراد انت اي اللي جابك ورايا وعايز مني اي بالظبط
مراد قلتلك مين ده وقاعد عمال يبوس فيكي ليه كده ردي عليا
حليمه ببرود جوزي
مراد زي ما يكون سکينه واتغرزت في قلب مراد
مراد بصوت حزين قلتي مين
حليمه بقولك جوزي انت اي اللي جابك ورايا ياريت تمشي وتسيبني في حالي
حليمه بتمشي ومراد مسك ايديها
مراد للدرجادي نسيتيني وكرهتيني
حليمه بضحكه خبيثه
حليمه الواحد بيكره او بينسى الناس المهمه عنده بس للاسف انت عمرك ما كنت مهم عندي ولو سمحت سيب ايدي انت شايف جوزي قاعد بعيد ما ينفعش كده
مراد قلتلك مش هسيبك تمشي انتي بتاعتي انا مستحيل تكوني لحد غيري انا عارف انك بتحبيني وبتعملي كده عشان اللي شفتيه من امي بس والله العظيم انا ماليش ذنب انتي عارفه اني انا بحبك قد اي عشان خاطري ما تسيبنيش انا والله العظيم ما ليا ذنب
حليمه لا ليك ذنب وذنبك اكبر من ذنب امك عارف ذنبك اي ذنبك انك انت ما عرفتش تحميني ازاي هامن على نفسي مع واحد ما عرفش يحميني