خلخال حليمه ١٠
في اول ليله المفروض نكون مع بعض فيها العتاب ملوش نتيجه انا حاليا بقيت ست متجوزه ولو سمحت ما تظهرش في حياتي تاني
مراد لا يا حليمه هظهرلك وهكون معاكي في اي وقت انتي عمرك ما تكوني لحد غيري وجوزك اللي انتي فرحانه بيه ده اللي شكله اصلا ما بيشوفش مش هياخدك مني
حليمه لا هو فعلا خدني منك بس انت اللي مش واخد بالك واللي ما بيشوفش ده عرف يحميني ويحافظ عليا ده اللي يتقال عليه راجل بجد عمر ما كانت الرجوله باللي بيشوفش الرجوله فعلا باللي يكون للوحده سند وتحس معاه بالامان وانا عمري ما حسيت انك سند واله حسيت معاك بالامان لو سمحت ماتجرحش نفسك اكتر من كده واطلع من حياتي
حليمه جريت على عزيز ومسكت ايده وعزيز شده منه
عزيز مين ده
حليمه اهدا يا عزيز انا هحكيلك كل حاجه بس تيجي نطلع على القصر عزيز قلتلك مين ده وهو راح فين وليه خدتيه ومشيتي بعيد عني ردي عليا ما تسيبنيش كده
حليمه مسكت ايد عزيز تاني حليمه يلا يا عزيز هنتكلم في العربيه
حليمه وهي ماشيه بصت على مراد نظره عتاب نظره بتقوله فيها ابعد عني احنا ما ينفعش لبعض
محمد دخل على نور الاوضه
محمد بقىالنا اربع ايام متجوزين مابنتجمعش غير على الاكل وبس ممكن تيجي تقعدي معايا بره شويه
نور لا ماينفعش انا تعبانه ومش قادره اقعد انا هنام
محمد اول طلب اطلبه منك اطلعي اقعدي معايا بره بالمره نسهر مع بعض شويه لاني عايزه اتكلم معاكي
نور خلاص ماشي هاخد شاور واطلعلك
نور خلاص اوعدك مش هنام
نور دخلت خدت شاور ولبست كاش مايوه كان تحفه جدا وشكله مغري عليها اوي وفرده شعرها وحطت برفان رحته تحفه اوي اول ما طلعت لمحمد محمد تاه في جماله وكان بيحاول يمسك نفسه
نور قعدت بعيد عن محمد
محمد انتي قاعده بعيد عني ليه تعالي اقعدي جمبي
نور لا يا محمد خلينا كده احسن
محمد ماتخافيش انا عمري ما هاذيكي تاني انا بس محتاج اتكلم معاكي
نور بالفعل قربت منه وقعدت جمبه
محمد انا اسف حقك عليا انا اسف في كل اللي عملته معاكي انا عارف انتي مالكيش ذنب في اي حاجه وانا كمان ماليش ذنب ذنبي الوحيد اني انا اتلميت علي اصحاب بايظه انا وحازم اخوكي الله يرحمه كنا اقرب اتنين لبعض كنا اكتر من الاخوات اتلمينا علي شلة كريم واصحابه هم اللي عملوا فينا كده بس والله العظيم انا من جوايا كويس مش وحش مش عايزك تكرهيني وانا هوعدك لو انتي عايزه تطلقي هطلقك بس مش دلوقتي خلينا شويه عشان الناس
