من الارشيف

دخلت العمارة اختفى!!!!..
خدت السلم كله جري من الخۏف لحد ما وصلت لباب شقتي فتحت ودخلت وانا بنهج ومش قادر اخد نفسي زميلت بجسمي وسندت بايدي على مخدع كرسي الصالون ووقفت اخد نفسي بعد ما رميت الكتاب على الكرسي وسمعت صوت جاي من اوضتي كإن حد ماشي ولما انتبهت لمصدر الصوت لقيت خيال عدي في اوضتي واختفى!!!..
دخلت اوضتي بسرعة وانا مش عارف ايه بيدفعني لكده! انا عارف ان ده مش طبيعي ابدا وان الخيال ده اختفى فأكيد لما اروح وراه مش هلاقي لكني تتبعته برضو وكانت حاجة اكبر مني بتحركني وانا مش متحكم في نفسي ولما دخلت الاوضة لقيت الكتاب على السرير!!! فضلت واقف لثواني مستغرب الموقف وبعدها جريت على بره تاني عشان الاقي الكتاب فعلا اختفى من على الكرسي وانا واقف مستغرب ونظري حيران بين الكرسي وبين السرير اللي عليه الكتاب متحركش من مكانه!!!..
رجعت تاني لأوضتي وقفلت الباب كويس وقربت من السرير وقعدت وفتحت الكتاب وانا مش عارف ليه بعمل كده الموضوع كان مجرد فضول الاقي اجابات بسيطة لاسئلة هزلية انما الأمر كله اتحول لجد وخوف وتوتر وقلق!!!..
فتحت اول صفحة من الكتاب بأصابع بتترعش وخفقان في القلب من الرهبة والخۏف وكانت رسمة لعين كبيرة تتوسط نجمة خماسية الشكل ومكتوب تحتها تحضير..
قلبت الصفحة عشان تبدأ اولى صفحات الكتابة وبدأت اقرأ مع كل حرف كنت بنطقه كنت بحس ان الاوضة بتتهز بيا في حاجة كانت غريبة بتحصل وبتجبرني اكمل قراءة لحد ما انتهيت من قراءة اول صفحة ساعتها حسيت ان فيه شخص معايا فعلا في الأوضة!! حاسس بنفسه معايا وجمبي وفجأة انتضفت وقومت من على السرير لما حسيت بإيد حد لمسة كتفي!!..
جسمي بيرتعش بطريقة هسترية ومش قادر اسيطر عليه نهائي واقف باصص للكتاب اللي اتقفل لوحده وحسيت بصوت خربشة جاي من ورايا وفجأة الدنيا ضلمت فأفتكرت النور قطع فجريت وانا خاېف عشان افتح الباب واخرج بره اوضتي حاولت افتح الباب لكنه متفتحش كان مقفول بمفتاح!!! برغم انه ملوش مفتاح!!..
ولمحت ضوء جاي من تحت عقب الباب!! ففهمت ان النور مقطعش وان الكهرباء فصلت في اوضتي بس!!! قولت لنفسي اكيد اللمبة اتحرقت ولا حاجة حاولت افتح الباب تاني لكنه برضو متفتحش جيت ازعق وانادي على حد من بره فلقيت صوت بيقولي اسكت متزعقش..
كان جاي من جبني الټفت بسرعة لزاوية الاوضة وبرغم ان الدنيا ضلمة الا ان شعاع النزر الطفيف كان عامل نور خاڤت جدا ولقيت خيال اسود ملتصق بزاوية الأوضة!!! وكل اللي ظاهر منه عنين لونها احمر ونن عينه كان اصفر!!!!!..
فضلت اصړخ واحاول اني افتح الباب بكل قوتي فسمعت هو هو الصوت جاي من عند السرير بيقولي
متحاولش محدش هيسمعك ولا الباب هيفتح.
وقفت متحركتش سكون