من الارشيف

تام امتلكني لثواني وبعدين قررت الټفت اشوف الصوت ده عبارة عن ايه ولما لفيت لقيت واحد قاعد على السرير!!!!..
فقولت انت مين!
هو ايه اللي انا مين!..
ايوه انت مين!
يا ابني مش انت كنت بتقرأ كتاب ړعب!!
ايوه..
وفيه طلاسم ورسومات تحضير!
ايوه..
جتك أوه يا بعيد لما كل ده يحصل يبقى الناتج عنه الشيف الشربيني يعني! اكيد جن يا حمادة انا جن واسمي سمير..
سمير!..
هو ده الغريب في الموضوع يعني! وايه ريآكشن سعد الصغير اللي انت واخده ده!..
هو انا مستغرب من حاجة تانية بصراحة..
ايه هي!
اني لسه خاېف منك برغم ان اسمك سمير ولابس فانلة حملات يعني..
ما انت لازم يا ابني تخاف مش انا ظهرت فجأة وضلمة وعنين حمرا وبتاع فلازم تخاف ده انا ذات نفسي خۏفت..
وانت عايز ايه مني!
انت اللي فضولك خدك تلاقي اجابات لبعض الأسئلة روحت وسعيت انك تلاقي كتاب معين واحنا ببيبقى لينا زي مراقبين كده مع الناس الفضوليين زيك وبنحاول نهيأ لهم الجو عشان يوصلوا لهدفهم..
يعني انت اللي اتديتني الكتاب وتقمصت الراجل العجوز!..
ايوه انا ايه رأيك انفع عفريت..
بس انا عايزك تنصرف ومش عايز اي اجابات نهائي لاي اسئلة..
اول ما قولت له كده اتحول وبدأت الاوضة تتهز وهو بيقول بصوت مرعب
مش بمزاجكك تبدا لعبة وتنهيها وقت ما تحب البداية عليك ممكن انما النهاية دي بتاعتنا احنا فاهم يا عمرو...
ساعتها حسيت حجم المصېبة اللي انا حطيت نفسي فيها وان الحوار الكوميدي اللي حصل ده ما هو الا بداية لکاړثة كبيرة انا بقيت داخلها..
وقولتله ايه المطلوب مني اعمله! بس تمشي ان نفذته..
المطلوب بسيط اوي يا عمرو متقلقش انت بس هتنفذ اللي نقولك عليه يعني في كام من صحابك كده عايشين في جو كآبة وقافلين على نفسهم هتنصحهم يشوفوا الدنيا وانت كمان حقك تشوف الدنيا وانا ممكن اقولك رمز الخزنة بتاعت الشغل عندك تفتحها تاخدلك قرشين تعيش بيهم يومين تقضي سهرة لطيفة وجميلة انا هعيشك اللي عمرك ما عيشته..
الباب خبطت مرة واحدة واتفتح النور اشتغل وهو اختفى كل ده في لحظة واحدة ولقيت امي بتقولي
ايه ده انت صاحي! انا بحسبك لسه نايم انا عملتلك الشاي عشان تصحصح وتروح شغلك وسابت الشاي وخرجت!!!..
بصيت للسرير مرة تانية وملقتش الكتاب!! اختفى!!!..
مكنتش مدرك اللي حصل وشوفته وعشته هل دي تخاريف ناتجة عن مشاهدتي للمسلسل ولا حقيقة خدني لها فضولي!!!..
لبست هدومي وشربت الشاي ونزلت للشغل واول حاجة عملتها اني روحت لسور الأزبكية ولنفس المكان اللي اخدت منه الكتاب ولقيت نفس الشاب قاعد فرميت عليه السلام فرد بتلقائية عليا السلام وبص لي وهو بيقولي تحت امرك بتدور على حاجة معينة!..
كنت متخيل انه هيعرفني ويفتكرتي لكن من الواضح انه فعلا اول مرة يشوفني بس انا
عارفه ومش اول لقاء بينا...
فسألته عن الراجل العجوز ورد ببساطة ان مفيش حد بالمواصفات دي نهائي فشكرته وسبته ومشيت فنده عليا ووقفني وقرب مني وقال
لو الفضول واخدك عشان تروح لنقطة معينة بعيدة عن ادراكك نصيحة مني بلاش ومتستغربش من كلامي برغم اننا في سن بعض تقريبا واني عندي ٢٣ سنة الا اني شوفت وعيشت كتير جدا وورد عليا ناس كتير فضولها خدها زيك وجت تدور على اللي انت بتفكر تدور عليه احمد ربنا انه بين لك الحقيقة غيرك اتاخدك في سكة اللي يروح ميرجعش اللي اټجنن واللي ماټ واللي محدش يعرف راح فين !!..
يمكن لان لسه جواك حاجة بتحجمهم يدخلولك يمكن لأنك قادر تيسطر على هوى نفسك رغم عصيانها المستمر شايف في عنيك مليون سؤال بس مش كل الأسئلة ليها اجابات منطقية كل اللي ينفع نستفاده من شئ غريب حصلنا ملوش تفسير اننا نعرف ان نفسنا اكبر عدو لينا وهي مدخل الشيطان الآمن امشي وانسى ومتدورش تاني وان جيت هنا تاني تعالى عشان تقرأ وتستفاد مش عشان تدور في المجهول اللي مينفعش تعرفه...
تمت..