بنتي

يا بنتي إيه القعدة اللي قاعداها دي! اللي رايح واللي جاي هيخبطك.
لا حول ولا قوة إلا بالله! بنات زي الورد قاعدين في الاشارات.
كنت قاعدة على الرصيف لجوا حاطة راسي بين ايدي جسمي بيوجعني راسي بتوجعني وحاسة إني مليانة ډم.. معرفش وصلت هنا أمتى وازاي بس أنا حاسة بصداع في دماغي!
لو سمحت! أقدر اساعدك بحاجة
رفعت راسي فلقيته شاب شكله نضيف لابس بدلة حلوة.. ولبس لطيف رفعتله راسي وكملت

أنا فين
كمل بهدوء
أنت كويسة دماغك متعورة وواضح فيه كدمات في جسمك! حصلك إيه
حاولت أفتكر إيه اللي حصل معرفتش حطيت إيدي على راسي وضغط عليها فشد إيدي ونزل لمستوايا
أهدي بس أهدي.. أنت اسمك إيه
كملت بعدم معرفة
معرفش.
كمل وهو بيرفع حاجبه
طيب منين
حركت راسي بعدم معرفة مرة تانية
معرفش!
أنت فاكرة أي معلومة عنك
حركت راسي بنفي
لأ.
أخدني معاه ركبني عربيته.. كان بقالي أيام.. أسابيع معرفش! بس مأكلتش مشربتش معرفش عايشة ازاي أو بعمل إيه كل اللي أعرفه إني فوقت لقيت نفسي في مكان بعيد مشيت كتير لحد ما وصلت لمكان فيه ناس قابلني ناس بتوزع أكل.. كانت كمية صغيرة بس كنت محتاجاها.. فأحسن من مفيش طلبت مية من واحد في الشارع واداني معرفش حاجة بعد كده.. ولا قبل كده!
أنت كويسة
كنا وصلنا على المستشفى دخلني مكان اعتقد بتاعه قعدني على ما يجهزلي اوضة وجيه فجأة
معرفش حاسة إني مش كويسة.
عادي اهدي بس هناخدك نعالجك الكدمات اللي في جمسك وفي راسك ونعمل شوية اشاعات وإن شاء الله كل حاجة هتتحل.
كملت پخوف
أنا مش عاوزة حاجة عاوزة امشي..
كمل بهدوء
هتروحي فين
سكتت وأنا بحاول افتكر اي حاجة بس معرفتش فسكتت
معرفش.
يبقى يلا بينا.
دخلت معاهم بدأوا ينضفوا وشي وجسمي وينضفوا الچروح والكدمات وبعدين دخلوني مكان كبير فيه اجهزة.. اعتقد مكان الاشعة مكنتش حاسة بحاجة.. وخرجت ساكتة.
بصي الحمدلله جسمك وعقلك وكل حاجة زي الفل.. بس للأسف اعتقد الجزء المسؤول عن الذاكرة عندك متأذي فعندك فقدان ذاكرة مؤقت.. فيه احتمالية ترجع وفيه احتمالية مترجعش بس في الاغلب هو فقدان ذاكرة كلي.
بصيت له وكملت بهدوء
أنا مش فاهمة حاجة!
أتنهد وكمل
طيب مش مهم قومي تعالي معايا.. هوديكي لأختي تاخدي دش وتلبسي لبس نضيف علشان نقدم شكوى بإنك تايهة ممكن حد عارفك وبيدور عليكي.
حركت راسي بهدوء وكملت
أنا مقدرش اروح معاك.
كمل ببساطة
أنا مدرك خۏفك بس هل قدامك حل تاني لو مجتيش معايا هتقعدي في الشارع وأحنا عاوزين نلاقي أهلك.
كملت وأنا بحط بسند براسي لورا
أنا معرفكش علشان أثق فيك.
كمل ببساطة وهو قايم من على الكرسي وبيشد الچاكت بتاعه
عامة براحتك أنا مكنتش حابب اسيبك متشحتتة في الشارع وعاوزك تاكلي وتشربي شكلك حد محترم ومن عيلة كويسة.. فمش عاوزلك پهدلة.
ضحكت بسخرية
ولو مطلعتش من عيلة كويسة أبقى استاهل الپهدلة
اتنهد بهدوء
أعتقد كنت ولية قادرة يلا نشوفلك حل طب.
استسلمت وروحت معاه مقداميش حلول.. يأما أترمي في الشارع يأما أمشي معاه اختيارين مش مفهومين بس في الحالتين هتبهدل وهبقى خاېفة.
استني هنا هدخل أشرح لأختي الحوار وجايلك.
حركت راسي بماشي ففتح الباب وقفله بس مش للأخر.. قعدت على السلم من التعب وسندت راسي وأنا بحاول أفتكر ليه الإنسان دايما بيعيش في تعب النسيان نعمة! بس لما تنسى نفسك واسمك وعيلتك هتبقى ايه فايدة إنك عايش! معقول أطلع كنت هربانة مع حبيبي أو متجوزة أو مخطوبة ليا حد بيحبني ولا
مثلا يتيمة عملت حاډثة ولا حد كان عاوز يموتني!
يا أنسة!
بصيت له بخضة فكمل
مش هينفع كده أحنا لازم نطلق عليكي اسم حركي.. مش عارف اناديلك بأيه!
بنت خرجت من جنبه