بنتي
كملت بابتسامة
وشها بشوش وعسولة أعتكد يقين.
اتنهدت بهدوء
هو أنا ممكن استحمى
حركت راسها بهدوء وجت مسكتني ودخلتني
أقعدي هنا يا حبيبتي هطلعلك لبس علشان تاخدي دش وهجيبلك شامبو وشاور خلصي وتعالي اكون حطيتلك أكل.
دخلت أخدت دش كنت حاسة إني بردانة بصيت لملامحي في المرايا.. حسيت إني أول مرة اشوفني بتعرف على ملامحي وعليا!
بصيت لها بأستغراب فكملت
أكيد مش هقولك يا أنسة! مضطرين نختارلك اسم.
ابتسمت بهدوء
أنا شكلي طلع حلو.
ضحكت بهدوء
شكلك فعلا عسول استني هنادي أدهم من البلكونة.
كملت بتساؤول
مين أدهم
اللي جابك هنا الدكتور.
أدهم! اسمه هادي وعسول هو كله شكله طيب وعسول ومختلف كتير أوي شافني مرمي نفس الرمية بس محدش أهتم.
رفعت راسي لقيته هو ابتسم وكمل
ما شاء الله ده فعلا طلعتي تحفة.. لايق عليكي يقين.
ضحكت بهدوء وكملت
مش حاسة إنه اسمي يقين بس عامة اللي تشوفوه.
حطوا قدامي الأكل فحسيت إني عاوزة أكل الأكل كله اخته بصتلي وكملت
كلي منغير كسوف يلا..
أكلت فعلا هي حتى لو معزمتش عليا كنت هاكل معرفش اكلت قد ايه بس اعتقد خلصت اكل كتير الجوع فعلا صعب!
بصيت لها وكملت
هتصدقيني لو قلتلك معرفش طعمه
ضحكت بهدوء وكملت
يبقى هعملك.. أدهم هات عودين نعناع من جوا.
حاضر يا حبيبتي.
كانت ماشية فناديتلها
لو سمحتي! هو أنت اسمك ايه
كملت بهدوء
اسمي رحمة وتقدري تقوليلي يا رحوم.
إنك تلاقي حد يساعدك وأنت غرقان في وسط مشاكلك ده أكبر دليل لأكبر ملحد على عظمة الإله وإنه فعلا فيه إله قادر يمشي الكون ويوجد الحلول!
اتنهدت بهدوء وبصيت لها بأستسلام
أكيد مش متوقعة مني اقولك اجابة صحيحة بس أدهم قال إني مش مسيحية ففيه احتمالية أكون بطرحة.
كملت بهدوء
حتى لو مش كده فهتلبسي الحجاب اصل ده اضمن يعني.
حركت راسي بهدوء وكملت
هو أدهم مشي ليه مش المفروض إن ده بيتكم
حركت راسها بنفي
ده بيتي لوحدي..
كنا قاعدين في البلكونة عندها على الأرض كان عندها زرع كتير ابتسمت بزعل بسيط وهي بتبص للسما
كملت وهي بتبصلي والدموع بانت في عيونها
أنا بقى فاكرة فاكرة كل مرة اتضربت فيها.. أو جوز امي جرب يقربلي فيها
حسيت قلبي اتقبض نفسي بدأ يطلع وينزل عيوني وسعت ودماغي صدعت وحسيت إني عاوزة ارجع اشمئزيت من شيء مش قادرة افهمه فبصتلي بخضة
قمت وقفت بسرعة وجريت على الحمام غسلت وشي وقعدت على اقرب كرسي طبطبت عليا بهدوء واخدتني في حضنها
حقك عليا أنا اسفة ممكن أكون ضغطت عليك وأنا مش واخدة بالي.
كملت بهدوء وأنا بشدد على ايديها
لأ بالعكس أنا كنت عاوزة اسمعك بس حاسة إني عاوزة أنام دلوقتي.
حركت راسها بابتسامة وكملت
طيب يلا يا حبيبتي تعالي اوريكي اوضتك..
كملت پخوف
رحمة هو ممكن متسيبينيش خليكي معايا في نفس المكان النهارده حاسة إني قلقانة.
حركت راسها بهدوء وكملت
حاضر يلا.
دخلتني الأوضة وجابت بطانيتين ونمنا في اوضة فيها سريرين فتحت التليفزيون على الراديو محطة القرآن الكريم وقعدت جنبي لحد ما نمت!
الذكريات حاړقة
قاټلة..
لكنها تصنع المرء
كيف
يحيا إنسان بلا ذكريات
ابعد بقولك! أنا مش عاوزة أصوت..
كنت في مكان شبه السطح وفيه قدامي شخص بيحاول يقرب مني.. قرب شوية كمان فحاولت ابعده بالعصاية
ابعد عني ارجوك.
مش هبعد.. قلتلك تعالي معايا ومش هقول لحد باقي يومين!
بعدته أكتر وأنا ببعده وقعت.. وقعت من فوق سطح!
مرييممم!
يقين! يقين اهدي.. أنت كويسة
صحيت مفظوعة كنت بصوت.. جابتلي مية وحاولت تهديني وتقرألي قرآن وأخدتني في حضنها.
بقيت كويسة يا يقين
كملت بتعب
