بنتي

وأنا عيوني بتنزل دموع لوحدها
مريم اسمي مريم.
بصتلي پصدمة
يعني ايه افتكرتي
حركت راسي بنفي وكملت
لأ بس وقعت من على السطح.. او من مكان شبه كده.
شفت ده
اتنهدت وكملت
يارب ميكونش حد قريب مني يارب ميكونش كان حد مهم في حياتي اللي عمل كده.
طبطبت عليا وكملت
طيب اهدي يا حبيبتي جسمك بيرتعش جامد.. أهدي شوية.
قامت من جنبي خرجت برا شوية وبعدين دخلت تاني بدأت تتكلم بهدوء وهي ماسكة ايدي
اقولك مريم صح
حركت راسي بهدوء فكملت
بصي يا مريم عامة اللي بتمري بيه طبيعي كشخص فاقد الذاكرة ممكن تفتكريها جزء جزء عن طريق الأحداث اللي بتمري بيها يوميا أو عن طريق إنك تفتكريها اثناء نومك فعامة يا حبيبتي لازم تتوقعي إن كل يوم هتلاقي الموضوع شبه كده.. أنا معاك أهو وأدهم شوية وهيكون هنا متقلقيش.
حركت راسي بهدوء مكنش عندي طاقة أو قدرة اتكلم سكتت.. سكتت خالص سندت راسي على المخدة بس منمتش فضلت باصة في الفراغ وساكتة.
مريم أدهم عاوزك برا يا حبيبتي.
بصيت لها بتعب
مش قادرة أخرج.
حركت راسها وكملت
امشيه
حركت راسي بنفي وحاولت أقوم فساعدتني كان قاعد برا لابس كأنه جاي جري من بيته أول ما شافني قام وقف
أنت كويسة
حركت راسي بهدوء وكملت
متقلقش أقعد.
قعد فقعدت قدامه ورحمة قعدت جنبي علشان تطمنني خلوني أهدى وبعدين طلبوا مني أحكي اللي شوفته.. كانت ملامح وشه بتتغير وأنا بحكي وشه بيحمر وبيبان فيه العصبية قام وقف فجأة
تقدري توصفيلي المكان ده
حركت راسي بنفي
مستحيل أنا اصلا مشوفتهوش غير من فوق.. وبعدين ممكن يكون مجرد حلم!
وممكن تكون حقيقة وافتكرتيها في حالتك مينفعش ناخد حاجة بشكل عبثي يا مريم.. أنا شخصتك بشكل مبدأي لسه نتائج الإشاعات مظهرتش.
أنا عاوزة الاقي أهلي ولو الشخص ده موجود عاوزة أعرف هو مين.
كمل بنبرة هادية في محاولة منه إنه يهديني
متقلقيش يا مريم هنعرف كل ده بس حاولي تهدي.. متقلقيش ومتتوتريش تعاملي ببساطة.
حركت راسي بهدوء فسكت وأخد رحمة شوية برا دقايق ورجعت.. دخلنا نمنا بس المرة دي مشوفتش حاجة نمت وبس!
صباح النور يا مريومة!
ابتسمت بهدوء
صباح الخير.
حضرتلك فطار تحفة.
قعدت معاها فطرنا وشوية وأدهم جيه وطلب ننزل علشان نروح المستشفى روحت معاه.. رحمة قالتلي بما إننا منعرفش أنا محجبة ولا لأ فلبستني الحجاب احتياطي.
أنت دايخة ولا إيه
ضحكت وأنا ببص لشكل الشوارع
لأ بس الهوا هنا تحفة.
ضحك بهدوء وكمل
والله يا مريم أنا نفسي أفهم ازاي حد زيك اتلاقى كده.
بصيت له واتعدلت في قعدتي
أنا عاوزة اقولك حاجة..
كمل وهو بيبصلي ورجع بص للطريق
قوليلي أنا سامعك.
أنا الصبح شفت مجلة مكتوبة بالانجليزي عرفت اقرأها.. معرفش ازاي قرأتها وقرأتها حلو.
بصلي وكمل
طبيعي شكلك متعلمة اصلا.
ضيقت عيني وكملت
بس مش أنا لو فاقدة الذاكرة المفروض مفتكرش المناهج التعليمية
اتنهد بهدوء
أنا اصلا شاكك في حاجة هشوف الاشعة وهنتكلم في كل المواضيع دي.
حركت راسي بهدوء وبدأت العب في العربية بلعب
فيها حرفيا.. لقيت رواية محطوطة فابتسمت
واو اسمها عهد إليا
حرك راسه بهدوء وكمل
دي تحفة.
حركت راسي وأنا بكمل
الغلاف بتاعها حلو أوي عامة.
عملت حركة غريبة معرفش اتعلمتها فين! فتحت صفحة تلقائية وقرأت اللي فيها فكان مكتوب
إن أردت النجاة من عيني إليا
فقط لا تعبث معها يا عزيزي
فنهاية العبث حتما السقوط..
فقط السقوط.
مسكت دماغي جامد وظهر قصادي زي ذكرى ملموسة!
مريم أنت بتعملي إيه
ضحكت وبصيت لها
بقرأ تانيي.
كملت بهدوء وهي بتقعد جنبي
طيب يلا افتحي صفحة فجأة علشان نشوف مكتوب فيها إيه!
فتحت صفحة من الرواية فكان مكتوب فيها
إن أردت النجاة من عيني إليا
فقط لا تعبث معها يا عزيزي
فنهاية العبث حتما السقوط..
فقط السقوط.
مريم! مريم أنت كويسة
كان بيرش مية على وشي وبيحاول