ميراث الوعد الاول
انت في الصفحة 3 من 3 صفحات
عايش ومقاطعينه بس معظم الكلام كان عن العشرين فدان والبيت اللي ورثتهم البنت هي وامها ويمكن دا اللي كان مفوت الكلام عن أي تفاصيل تانية
يدوب مرت ساعة ورنت على تليفون طارق
كانوا وصلوا برة قدام بوابة السور اللي محاوط العمارة
فخرج طارق يقابلهم عند البوابة وفضل الباقي كلهم قاعدين لغاية ما وصلوا بيهم على باب المضيفة قمنا نقابلهم ونسلم عليهم لكن الغريب اني مجرد ما شفتهم حسيت انهم جوز شياطين مش بنت وامها
لغاية ما أم البت قربت عليا
مدت ايدها لكن انا فضلت مترددة لحظة فلقيتها أخدتني في حضنها وباست خدي من يمين وشمال
لكن لما خلصت الحضن ورجعت بجسمها لورا لقيتها مسكت اكتافي الاتنين وفضلت باصه لوشي ومبتسمة أوي كإنها بتتأمل ملامحي
وصوتها سمعته جوا راسي ماسمعتوش بودني
كانت بتقول
_الكاف كن أقبلي ان كنتي تسمعيني بحق الأحرف الخمسة والأحرف الثلاثة والحرفين والهاء هين
قالت جملتها في ثانيتين بعدها بطلت تمتمة بشفايفها وقالت بصوتها الطبيعي
قالتها وجات تدور ناحية حماتي لكن انا قلت بصوت واطي تسمعه هي لوحدها
_انا سمعتك على فكرة بامارة الكاف كن
لقيتها اتدورتلي بسرعة
برقت عينيها وقالت
يتبع
