ميراث الوعد 2
هيروح يعيش معاهم هناك عشان يراعي أرضهم لكن العكس هو اللي حصل والكلام دار ان احنا عندنا البيت فيه شقتين فاضيين لان الدور الاول فيه حماتي عايشه لوحدها بعد ۏفاة حمايا الله يرحمه والدور التاني شقتين انا واحدة وسلفتي الكبيرة واحدة والدور التالت فيه شقة طارق وشقة فاضية
الست دي قالت ان أرضهم كانت متزرعة بالنص ومابتجيبش قيمة الإيجار فهيأجروها ويرتاحوا من دوشتها وانها يشرفها تيجي تسكن في الشقة اللي في التالت ..
بس انا كنت حاسه انهم زي المسحورين خصوصا سلفتي الكبيرة وحماتي
لإن الست اللي هتيجي تسكن وسطنا دي وبغض النظر عن كل اللي حسيته منها إلا انها عندها ييجي ٣٧ سنة يعني من نفس عمر سلفي محمود الكبير وكمان كانت ست طويلة وبيضة ومش باين عليها أي سن ست جميلة ووشها رايق وجسمها متقسم وبنتها لسه عيلة عندها ييجي ١٨ سنة يعني أصغر مني بست سنين
_انتي ما شاء الله صغيرة يعني دا انتي من دور سلفي محمود وأكبر من سيد جوزي ب أربع خمس سنين يعني في صبايا في سنك ماتجوزوش كدة لو جالك عريس ممكن تتجوزي بقا وتسيبينا خصوصا بعد ما تطمني على بنتك
لكن لقيت الحرباية أخدت لون العجز ضحكت بصوت عالي زي عوايدها وردت
_لا أبدا أنا بستفهم بس
رديت وانا الڼار عمالة تزيد جوايا ومش عارفه أعمل ايه لكن هما كملوا كلامهم عادي وقعدوا يعرفوها إن احنا بيت عيلة ميسورة إحنا كمان بس القرش بييجي للكل وعالكل والغدا كل يوم والخزين من رز وغلة وتربية الطيور مع بعض
بس الغريب اللي اتفاجئت بيه إن لقيت حماتي بتتكلم في إن ماعدش هينفع يجيها زيارات من اللي طالبين العلاج
