ميراث الوعد الفصل الرابع

الحلقة الرابعة
ميراث الوعد
كانت الډخلة تاني يوم لا كنت حاسه بفرح ولا حاسه بأي حاجه غير إني فضلت متأكدة إن في کاړثة هتحصل لكن اتخلفت ظنوني وعدت الليلة على خير
ومش بس الليلة عدى بعدها تلات ليالي كانت الزيارات فيها رايحة جاية 
لكن في الليلة الرابعة حصلت المصېبة 
وأحمد غرق في الترعة وماحدش لحقه وبدل ما يقولوا ان الست دي جات بالخړاب علينا قالوا إن انا اللي فولت على الواد وإن لساني هو اللي نطق بقدره خصوصا إنه يا حبة قلبي ماټ بنفس الطريقة اللي انا حكيت عليها

من بعدها البيت كله اتقلب غم أمه كانت مڼهارة وأبوه كان تايه ومش مصدق أما سته فدي اللي حسيت انها ممكن ټموت من حسرتها عليه 
لكن كلهم كانوا متفقين انهم مش طايقين يشوفوني ولا يسمعوا مني كلمة لدرجة اني نادر ما كنت بنزل مع اني كنت زعلانه عالواد زي أمه واكتر 
والأكتر من الزعل إني كنت عمالة أأنب في نفسي وأقول إني كنت عارفه إن دا هيحصل ف ازاي ماقدرتش أمنعه 
بس مجرد ما عدى كام يوم وبدأت أفوق من الصدمة بقيت أفكر في حاجه واحدة بس 
إن الست دي هي اللي قټلته بسحرها وإن انا لازم أواجهها وإما أعري حقيقتها قدامهم كلهم أو اسيبلها البيت كله تشبع بيه 
بس هي مادتنيش الفرصة أواجهها لأن بعد ما مر أسبوع واحد ع المېتة وفي ليلة اليوم التامن استنت لما سيد نزل وجات خبطت على باب شقتي 
لما فتحت ولقيتها واقفه قدام الباب حسيت بنفضة في جسمي خصوصا انها كانت راسمه حزن بارد على وشها كإنها زعلانة لسه ع الواد اللي قاټلاه 
حسيتها كإنها شيطان واقف قدامي فكرت أسألها انتي عاوزه ايه من ع الباب لكن قلت عيبة وانا مش ناقصة نفخ في الڼار ومشاكل مع البيت كله 
قلتلها اتفضلي لكن ب وش بارد زي لوح التلج 
دخلت ع الأنترية وقعدت على الكنبة اللي في الواجهة فروحت قعدت قصادها في أبعد مكان عنها ممكن يتقعد فيه ماعترضتش ولا قالت حاجه لكن مجرد ما قعدت لقيتها بتقول 
_انا مش هلف ولا هدور عليكي انا عاوزة اقلك إن أنا محتاجه مساعدتك 
عقدت حواجبي 
مساعدتي انا ف إيه
نزلت الدموع من عينيها من غير نهنهة ولا شحتفه وطت وشها في الأرض وقالت 
_انا تعبت مۏت الواد الصغير كان صدمة ليا انا عاوزه أتحرر عاوزه أخرج من السچن اللي انا فيه عاوزه أبطل أي حاجه بعملها ڠصب عني 
سكت ثواني وانا مش عارفه أقولها ايه وسط بكاها لكن رققت نبرة صوتي ورديت 
طب اهدي بس وفهميني بالراحة حاجة ايه اللي بتعمليها ڠصب عنك هو في حاجه في الدنيا ممكن تجبر الانسان إنه يعمل حاجه ڠصب عنه
شاورت براسها وسط دموعها بمعنى أنه أه في من غير ماترفع وشها عن الأرض