ميراث الوعد الفصل الخامس
هيصدقوا لما احكيلهم تاريخ عيلتك من ناحية الأم ويروحوا يتأكدوا بنفسهم ...
_بردو مش هيصدقوا دول خلاص اتسخروا لخدمتنا...
عليت صوتي عليها ورديت بانفعال
يعني ايه اتسخروا لخدمتكم يعني خلاص سحرتيهم ...
رجعت تبكي وتتمسكن لدرجة اني كنت هرق لبكاها وقالت وسط دموعها
_هو دا اللي بيحصل مجرد ما بنتي تدخل عيله كلهم بيبقوا زي المسحورين متسخرين عليهم آمر طاعة ليا ولبنتي مستحيل حد فيهم يأذينا ومستحيل هيحصل طلاق الانفصال عندنا بالمۏت بس هتفضل كل حاجه ماشية زي ماهي لغاية ما اورثها الخدمة بعد ما تولد لو انتي مش ملاحظة انهم بقوا كدة تعالي وانا اوريكي لو قلت لسيد جوزك روح ارمي نفسك في الترعة هيروح بس احنا بنمشي الدنيا طبيعية من غير أي أفعال أو أوامر شاذة
قامت وقفت وهي على نفس مسكنتها وقالت
_بس انتي قلتي هتساعديني
هساعدك في ايه هساعدك في السحر والاعمال والخرافات كل حاجه عماله تقوليلي انها ڠصب عنك ومش بخاطرك وانا كنت بسمعك بودني وانتي بترمي تعاويذك انا هساعدك بإني هرجعك بيتك وأرضك وتقعدي هناك لا تجوزي بنتك ولا تعاشروا حد
كنت هتجنن من ردها فلقيتها كملت وقالت
_صدقيني مش هيحصل دا إلا لو ساعدتيني باني اتحرر من الخدمة انتي من اصحاب الباب وعندك بنت واحده يعني الاشتراطات فيكي كاملة انا هنقلك الخدمة وتاني يوم هطلق بنتي من طارق ونرحل وانتي عشان مش واخده الخدمة ميراث هتقدري تتحرري منها أسهل بكتير من قدرتي انا على اني اتحرر منها انا ماقدرش اتحرر منها الا بنقلها للفرع زي ما خدتها من الأصل أما انتي فهيبقا سهل تتحرري منها بالف طريقة ...
امشي اطلعي بره امشي بره
بصتلي بغيظ وسط دموعها وقالت
_انتي مش بس بترفضي طلبي انتي كمان بتهينيني ماتظنيش عشان انك من أصحاب الباب وسخرة الصلات ماسرتش عليكي يبقا هتقدري تفلتي من ڠضبي لو ڠضبت عليكي انا ممكن أخليكي تتمني المۏت وماتلاقيهوش ....
حسيت برجفة من منظر عينيها لكن مسكت نفسي وشاورت بأيدي ناحية الباب وقلت
خرجت بخطوات سريعة ناحية الباب لكن قبل ما توصل عنده وقفت عند مدخل أوضة رؤى التفتت ناحيتها وقالت وهي عاطياني ضهرها
_ابقي خلي بالك من بنتك
كنت عاوزة أجري اجيبها من شعرها لكن هي كملت ناحية باب الشقة رزعته وراها وغارت
جريت على أوضتها لقيتها صحت مڤزوعة شيلتها على أيدي وقعدت أهدي فيها لغاية ما أخدت نفسها
بعدها لقيتها بتقول بكلامها اللي لسه متقطع
_سطوح أقع أتعور ډم
مجرد ما
